Kwamamaza Tigo_ digital garden

I Burasirazuba: Barasabwa guhinga soya zizahaza uruganda

Yanditswe kuya 15-03-2013 saa 03:47' na Ange de la Victoire Dusabemungu
     


Mu gihe mu Karere ka Kayonza hari kubakwa uruganda ruzajya rutunganya toni 200 ku munsi za soya, Minisitiri w’Intebe Dr. Habumuremyi Pierre Damien, arasaba abaturage batuye Intara y’Iburasirazuba guhinga soya nyinshi kugirango bahaze uruganda bahawe.
Ibi Habumuremyi yabisabye kuri uyu wa Kane tariki ya 14 Werurwe 2013, ubwo yatangizaga igihembwe cya kabiri cy’ihinga; kikaba cyatangirijwe mu Mudugudu w’Imanzi, Umurenge wa Muhazi mu Karere ka Rwamagana.
Rwamagana ikaba yarateganyije hegitari (...)

Mu gihe mu Karere ka Kayonza hari kubakwa uruganda ruzajya rutunganya toni 200 ku munsi za soya, Minisitiri w’Intebe Dr. Habumuremyi Pierre Damien, arasaba abaturage batuye Intara y’Iburasirazuba guhinga soya nyinshi kugirango bahaze uruganda bahawe.

Ibi Habumuremyi yabisabye kuri uyu wa Kane tariki ya 14 Werurwe 2013, ubwo yatangizaga igihembwe cya kabiri cy’ihinga; kikaba cyatangirijwe mu Mudugudu w’Imanzi, Umurenge wa Muhazi mu Karere ka Rwamagana.

Rwamagana ikaba yarateganyije hegitari 970 zagenewe igihingwa cya soya mu gihe Intara y’Iburasirazuba yose yateganyije hegitari 13,000 zizahingwaho soya.

Minisitiri Habumuremyi akaba yasabye abaturage ko bagomba guhinga bashishikaye kugirango amafaranga azajya akoreshwa mu kugura soya atazajya abacika akigira ahandi. Akaba yanibukije abatuye mu gihugu gufatanya imirimo y’ihinga no kurwanya isuri, guhinga bagamije kubona umusaruro mwinshi ndetse no kwirinda kotsa imyaka

Yagize ati “ Niba dushaka kubaho neza, niba dushaka agaciro tugomba gushyira imbaraga mu buhinzi n’ubworozi”

Abayobozi bo mu Ntara y’Iburasirazuba basabwe gufatanya n’abaturage bagahuriza umugozi umwe, kugirango bagere ku iterambere rirambye.

Minisitiri w'ubuhinzi Agnes Karibata na Minisitiri w'intebe batangiza igihembwe cya kabiri cy'ihinga

Ngamije Xaver uhagarariye site y’abahinzi bo mu Mudugudu w’Imanzi na Bwiza yatangarije IGIHE ko bishimiye gahunda yo gihinga soya, dore ko ngo byagaragaye ko muri icyo gice icyo gihingwa kihera.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved