Kaminuza ya Gikiritu ya Oklahoma izatangira vuba kubaka ishuri ryisumbuye mu Rwanda

Nyuma y’ibiganiro Umuyobozi wa kaminuza ya Gikirisitu ya Oklahoma yagiranye na Minisitiri w’Intebe w’Intebe Dr Pierre Damien Habumuremyi, yatangaje ko imirimo yo kubaka ishuri ryisumbuye ku Kicukiro izatangira mu mezi ane ari imbere.

Nkurunziza Innocent, Umujyanama wa Minisitiri w’intebe, yabwiye abanyamakuru ko Umuyobozi wa kaminuza ya Gikirisitu ya Oklahoma, Dr.Mike O’Neil yavuze ko hateganyijwe miliyoni zirindwi z’amadolari y’Amerika mu cyiciro cya mbere cyo gufungura Ishuli ry’ikitegererezo ryo muri Afurika yo hagati rizubakwa mu Rwanda, abanyeshuri bagatangira muri Nzeri 2015.

Dr Mike ngo yavuze ko hazagenda hongerwamo ubushobozi muri iryo shuri, rikazagera ku rwego rwa kaminuza.

Nkurunziza yavuze ko bazavugana n’inzego zibishinzwe kugira ngo bahabwe ibyangombwa by’ubutaka, ndetse no gushyiraho ishyirahamwe rizaba rishinzwe gucunga iryo shuli.

Dr.Mike O’Neil

Mike avuga ko amwe mu masomo azajya atangirwa muri iryo shuli harimo ajyanye na siyansi nk’imibare, ubugenge n’ubutabire n’ayandi.