Kwamamaza Tigo_ digital garden

Nyarugunga: Umuganda wabafashije gusenya indiri y’abagizi ba nabi

Yanditswe kuya 26-01-2013 saa 14:39' na Emmanuel Kanamugire
     


Imidugudu irindwi muri 11 igize Akagari ka Rwimbogo mu Murenge wa Nyarugunga mu Karere ka Kicukiro, mu muganda wo kuri uyu wa 26 Mutarama 2013 batemye ibihuru amabandi yajyaga yihishamo agahohotera abagenzi.
Iki gikorwa cyabereye mu midugudu ya Nyandungu, Rwinyana, Rwinyange na Rwibutso ku nkengero z’umuhanda ugana aho bita kuri 12.
Umunyamabanga Nshingwabikorwa w’Akagari ka Rwimbogo, Irahoza Espérance, yadutangarije ko igikorwa nk’iki cyatekerejwe mu rwego rwo gusenya indiri z’abagizi ba (...)

Imidugudu irindwi muri 11 igize Akagari ka Rwimbogo mu Murenge wa Nyarugunga mu Karere ka Kicukiro, mu muganda wo kuri uyu wa 26 Mutarama 2013 batemye ibihuru amabandi yajyaga yihishamo agahohotera abagenzi.

Iki gikorwa cyabereye mu midugudu ya Nyandungu, Rwinyana, Rwinyange na Rwibutso ku nkengero z’umuhanda ugana aho bita kuri 12.

Umuganda wibanze ku gukuraho ibihuru abagizi ba nabi bakwihishamo

Umunyamabanga Nshingwabikorwa w’Akagari ka Rwimbogo, Irahoza Espérance, yadutangarije ko igikorwa nk’iki cyatekerejwe mu rwego rwo gusenya indiri z’abagizi ba nabi bihishaga muri ibi bihuru bagambiriye guhohotera abahanyura mu masaha y’umugoroba.

Irahoza yavuze ko hashize igihe abagizi ba nabi bahohoteye umugore muri aka gace, bakaba baramwambuye isakoshi nyuma iza kugaruzwa.

Umunyamabanga Nshingwabikorwa w’aka kagari yavuze kandi ko mu bihuru byo muri uyu mubande higeze gutoragurwa umurambo abantu bari mu muganda. Byatumye hashyirwa uburinzi bwo kubungabunga umutekano w’abagenzi cyane cyane abanyeshuri bo mu ishuri rikuru rya KIM (Kigali Institute of Management) n’aba Kigali Parents School bakunze kuhanyura mu masaha y’umugoroba.

Umunyamabanga Nshingwabikorwa asobanura bimwe mu bikorwa bibi byagaragaye muri aka gace

Igikorwa nk’iki ngo gihoraho kuko ibihuru bidatinda gukura cyane cyane mu gihe cy’imvura.

Abitabiriye umuganda w’uyu munsi bari baturutse mu midugudu irindwi muri 11 igize Akagari ka Rwimbogo, Umunyamabanga Nshingwabikorwa w’aka kagari akaba yashimye ko wari witabiriwe n’abantu benshi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved