Mu gihe tumenyereye ko abagore aribo bafatwa ku ngufu n’abagabo, si ko buri gihe bigenda kuko n’abagore basigaye bafata abagabo ku ngufu, ndetse bikagera n’aho aba bagabo bitabaza inkiko.

Umugabo wo mu gihugu cya Rumaniya utwara taxi ararega umugore usa na Angelina Jolie, umukinnyi rurangiranwa wa filime, kumufata ku ngufu akarinda agera n’aho amukomeretsa.

Nicolae Stan wafashwe ku ngufu n’umugore, yatangarije polisi k’ umugore witwa Luminita Perijoc yaje amusaba ko yamufasha kugeza imizigo mu nzu, bagezeyo ahita amusaba ko bakora imibonano mpuzabitsina.

Ngo uyu mugabo abyanze, uwo mugore yahise akurayo icyuma amutegeka gukuramo imyenga ku ngufu. Polisi yo ikomeza yemeza ko icyatumye uyu mugore ashaka gufata uyu mugabo ku ngufu byatewe n’imiti arimo gufata muri iyi minsi.

Uyu mugabo we yakomeje atangaza ko abo bakorana barimo kumuseka ngo kuko yanze kuryamana n’umugore usa n’ikirangirire Angelina Jolie.

Amakuru atangazwa n’urubuga Wotshappening avuga ko uyu mugabo ufite umugore n’abana batatu yatangarije bagenzi be ko nta muntu wabasha gukora imibonano mpuzabitsina areba icyuma hejuru ye.

Yakomeje atangaza ko bamaze kugeza imizigo mu rugo yahise amusaba kuryamana nawe, n’uko abyanze ahita azana icyuma amukuzamo imyenga ku ngufu .

Uru rubuga rukomeza rutangaza ko ngo Nicolae Stan yaje kumwiyaka agahungira mu kindi cyumba, nuko ahita ahamagara polisi yemeza ko amaze kugezwa kwa muganga basanze yamuteye ibyuma byinshi mu mutwe yakomeretse cyane.

Bagenzi b’uyu mugabo b’abashoferi batangarije ibitangazamakuru ko Luminita Perojic ari umukunzi w’Angelina Jolie,ngo akaba akora uko ashoboye kugira ngo ase nawe.