Uzi Collections yimukiye mu iduka rishya, inashyira ku isoko ikanzu yise ‘Lili’

Yanditswe na Mukaneza M.Ange
Kuya 25 Gashyantare 2018 saa 10:53
Yasuwe :
3 3

Inzu y’imideli ya “Uzi collections” isanzwe ikora imyenda itandukanye irimo iy’abagabo n’abagore, yimukiye mu iduka rishya ndetse inaboneraho gushyira ahagaragara ikanzu yise ‘Lili’.

Ku wa 24 Gashyantare 2018 nibwo Uzi Collections yimuriye ibikorwa byayo mu iduka ririhereye mu Karere ka Kicukiro hafi y’ahazwi nka Zinia.

Remera Mukahigiro Nathalie, umwe mu bashinze Uzi Collections, yavuze ko bahisemo kwimuka nyuma y’uko aho bakoreraga kuva mu mpera za 2015 ubwo batangiraga hari hamaze kuba hato.

Ati “Twatangiye dufite ubushobozi buke, dufite ahantu hatoya hadashobora gukwirwamo aho kudodera n’ibindi byose twifuzaga, ariko uko ubushobozi bugenda bwiyongera twafunguye ahandi. Twabonye ahanini hashobora guhura neza n’urwego tugezemo.”

Yakomeje avuga ko nyuma yo kwimuka muri uyu mwaka bateganya ibikorwa byinshi bitandukanye, ku ikubitiro bakaba bahereye ku mideli mishya y’amakanzu yiswe ‘Lili’.

Rebera ashishikariza abanyarwanda kubanza kwitera uburezi bakambara imyambaro ikorerwa mu Rwanda, aho avuga ko nubwo bataragera ku rwego rw’ibikorerwa hanze, bafite ubushobozi bwo guhanga imideli myiza kandi yihariye.

Mushikiwabo Solange, umwe mu banyarwanda bambara imyenda ikorwa na Uzi Collections, yavuze ko bishimiye kuba bimukiye ahantu hagutse, kuko aha mbere hari hato ku buryo n’imyambaro yose yabaga itari hamwe.

Yanagarutse kandi ku mpamvu yambara imyenda ya Uzi, avuga ko yihariye ku buryo udashobora kugera hanze ngo usange wambaye kimwe n’abandi bantu bose.
Ati “Ibitambaro bakoresha nabyo ni byiza cyane, usanga tuyimesa nticuye. Uburyo tuyiguze niko isaza imeze.”

Uzi Collections ni imwe mu nzu z’imideli zimaze kumenyekana mu Rwanda, aho imaze gushyira hanze ubwoko bune (Colletions) bw’imyenda, burimo iyiswe ‘ Zuba Collection’. Bamaze kwitabira amamurika atandukanye arimo na collective Rw Fashion Week 2016 na 2017.

Amakanzu ya Uzi Collections ari mu bwoko butandukanye
Amwe mu mashati acuruzwa na Uzi Collections
Uretse amakanzu hari n'amajipo y'ubwoko bwinshi
Uzi Collections ikora n'amashati y'abagabo
Uzi Collections yimukiye muri etage iherereye Kicukiro hafi y'isoko rya Zinia
Remera Mukahigiro yerekana imwe mu makanzu acururizwa muri Uzi Collections
Remera Mukahigiro na Rwema Lauren bafatanyije gushinga Uzi Collections
Rwabigwi Gilbert ukunze kugaragara mu bakemurampaka ba Miss Rwanda na Nyampinga w'u Rwanda mu 2017, Iradukunda Elsa(uwa kabiri iburyo) bitabiriye iki gikorwa

Amafoto: Niyonzima Moses

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza