Horyou, urubuga ruhuza abagamije kuzamura imibereho y’abantu

Yanditswe na Shaba
Kuya 25 Nyakanga 2014 saa 07:11
Yasuwe :
0 0

Horyou (soma oyu) ni urubuga nkoranyambaga rwashinzwe muri Mata 2012, ruhuza imiryango itegamiye kuri leta, abantu ku giti cyabo n’abanyamuryango bahoraho. Uru rubuga rwifashisha internet mu guhindura ubuzima bwa sosiyete muri rusange, aho abakoresha urubuga baganira ku mishinga itandukanye bafite, hanyuma imiryango ikaba yabafasha kuyitera inkunga z’amafaranga kugirango ibashe gukorwa.
Horyou ifata internet nk’igikoresha cyo guhuza abantu bagasangira ubunararibonye, inyungu rusange, guhuza (...)

Horyou (soma oyu) ni urubuga nkoranyambaga rwashinzwe muri Mata 2012, ruhuza imiryango itegamiye kuri leta, abantu ku giti cyabo n’abanyamuryango bahoraho. Uru rubuga rwifashisha internet mu guhindura ubuzima bwa sosiyete muri rusange, aho abakoresha urubuga baganira ku mishinga itandukanye bafite, hanyuma imiryango ikaba yabafasha kuyitera inkunga z’amafaranga kugirango ibashe gukorwa.

Horyou ifata internet nk’igikoresha cyo guhuza abantu bagasangira ubunararibonye, inyungu rusange, guhuza umugambi ku kwamagana ikibazo runaka cyibasiriye abantu benshi, kuganira ku mishinga n’ibindi.

Politiki nshya ya Horyou kuri internet ni ugufata ibyari ibitekerezo bigahinduka ibikorwa no kwifashisha imbuga nkoranyambaga mu kungura abantu mu buryo bumwe cyangwa ubundi.

Nk’uko tubikesha urubuga www.horyou.com, uru rubuga rwashinzwe na Sosiyete mpuzamahanga Horyou SA, ikorera I Geneve mu Busuwisi, isanzwe yifashisha imbuga za internet n’imbuga nkoranyambaga mu guhuza abantu b’isi yose, nabo bakabiboneramo inyungu.

Kwiyandikisha kuri uru rubuga bisaba iki?

N’ubwo imirimo y’uru rubuga ibasha gukorwa biturutse ku mafaranga yinjirizwa mu kwamamaza ku rubuga rwayo (bikorwa na sosiyete zemera umurongo wa Horyou), ariko kwiyandikisha ni ubuntu.

Hishyura gusa abantu cyangwa imiryango bashaka kuba abanyamuryango bahoraho, aba bakaba bafite ububasha bwo kumenya amakuru atandukanye ajyanye n’abanyamuryango ba Horyou ndetse n’ibikorwa bitegurwa n’iyi sosiyete. Buri muntu wese ukoresha internet yabasha kuba umunyamuryango wa Horyou.

Wakungukira ute mu gukorana na Horyou?

Binyuze ku rubuga nkoranyambaga rwa Horyou, abanyamuryango bahabwa ku nyungu zinjijwe na sosiyete Horyou, babasha kwitabira ku buntu ibikorwa bitandukanye bitegurwa, imishinga ibona abaterankunga, kandi imiryango cyangwa abantu ku giti cyabo bifashisha uru rubuga mu guhitamo imiryango batera inkunga bitewe n’ibikorwa n’intego zitandukanye iyi mishinga ifite.

Urugero: Ushobora kuba ufite umuryango ufasha abatishoboye mu karere runaka, ariko hakaba hari ikibazo cy’ubushobozi. Horyou iguhuza n’abandi bantu bafite ubushobozi mu mafaranga, ibitekerezo n’ubunararibonye muri ibyo bikorwa, bakagufasha gushyira mu bikorwa umushinga wawe.

Ni ibihe byiciro by’abakorana na Horyou?

Horyou yakira abantu mu byiciro bitandukanye nk’abakora mu bijyanye n’uburezi n’iterambere ry’urubyiruko (amashuri makuru na za kaminuza, abarimu, abashakashatsi), abakora sinema (abakinnyi, abayobora n’abashora imari muri sinema), abayobozi (abanyapolitiki, abahagarariye imiryango mpuzamahanga, abikorera), ubumenyi n’ikoranabuhanga (abaganga, abakora mu ikoranabuhanga n’abandi), ibidukikije, imibereho, itangazamakuru n’umuco n’abandi.

Horyou irategura Inama mpuzamahanga ku guhanga udushya mu guteza i
mbere imibereho myiza (Social Innovation and Global Ethics Forum- SIGEF2014), inama izaba kuva tariki ya 22 kugeza kuya 24 Ukwakira 2014, ikazabera I Geneve mu Busuwisi.

Aho wanyura mu gihe:

Ukeneye kwiyandikisha kuri uru rubuga nkoranyambuga cyangwa kumenya byinshi birwerekeyeho, kanda hano.

Ukeneye kumenya uko rukoreshwa, kanda hano.

Ukeneye kureba icyo abantu batandukanye bavuze ku ntego z’uru rubuga, kanda hano.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza