Rutahizamu wa Real Mardid, Karim Benzema yatsindiye u Bufaransa ibitego 2 icya gatatu bagihabwa binyuze mu buryo bw’ikorabuhanga (Goal-line technology) kuko umupira wari warenze umurongo w’izamu rya Honduras, nicyo gitego cya mbere mu mateka y’igikombe y’igikombe cy’Isi.

Mbere yo kujya kuruhuka, Wilson Palacios yakoreye ikosa kuri Paul Pogba mu rubuga rwa Honduras maze umusifuzi wo muri Brazil Sandro Ricci atanga penaliti n’ikarita ya kabiri y’umuhondo kuri Palacios. Ni ikarita ya kabiri muri iki gikombe cy’Isi.

Karim Benzema yinjije iyi penaliti neza ku munota wa 44, bajya kuruhuka ari igitego 1-0 bwa Honduras. Igitego cya mbere atsinze mu gikombe cy’Isi.

U Bufaransa bwari butaratsinda umukino ubanza w’igikombe cy’Isi nyuma yo gutwara igikombe cyo mu 1998, yatangiranye imbaraga. Ishoti rya Benzema ryakubise igiti cy’izamu rigongana n’umunyezamu wa Honduras, Noel Valladares agaruye umupira umusifuzi yemeza ko cyarenze umurongo. Nyuma y’u Budage n’u Butariyani bumaze kubona ibitego 4 byitsinzwe n’amakipe bakinnye, u Bufaransa ni ubwa kabiri n’ibitego 3.

Nicyo gitego cya mbere gitanzwe hakoresheje ubu buryo bw’ikoranabuhanga (Goal-line technology) bukoreshejwe bwa mbere muri iyi mikino. Mu 2010, ubwo u Bwongereza bwakinaga n’u Budage, Lamapard yatsinze igitego umusifuzi aragihakana ko kitarenze umurongo.

Ku munota wa 72, myugariro w’u Bufaransa Mathieu Debuchy yateye ishoti mu izamu rya Honduras ryagaruwe na Valladares maze Benzema utarahamagawe mu mkino yo mu 2010 asongamo.

Mu gihe umutoza Didier Deschamps yari yabanje ikipe itarimo umukinnyi wa Arsenal, Olivier Giroud yinjiye ku munota wa 77 asimbuye Mathieu Valbuena.

Umufaransa yaherukaga gutsinda ibitego bibiri mu gikombe cy’Isi ni Zinedien Zidane ku mukino wa nyuma w’igikombe cy’Isi 1998, u Bufaransa butsinda Brazil 3-0.

Karim Benzema niwe watowe nk’umukinnyi mwiza w’uyu mukino.

Nk’uko ubusanzwe buri mukino w’igikombe cy’Isi ubanzirizwa n’indirimbo zubahiriza ibihugu bigiye gukina, ntayaririmbwe kuko indangururamajwi zo muri Estádio José Pinheiro Borba muri Porto Alegre.

Kuva iki gikombe cy’Isi gitangiye kuwa Kane, nta kipe ziranganya mu mikino imaze gukinwa. Cameroun, u Bugereki na Honduras niyo makipe ataratsinda igitego.

Ku nshuro ya mbere nyuma y’igikombe cy’Isi 1958, mu mikino 10 habonetsemo ibitego 34 mu 2010 hari hatsinzwe ibitego 16 gusa. Kuva mu 1934, mu mikino 10 ya mbere y’igikombe cy’Isi nta makipe aranganya.

Undi mukino wo muri iri tsinda E wari wabanje, u Busuwisi bwatsinze Equateur ibitego 2-1. Enner Valencia yatsindiye Equateur ku munota wa 22 cyishyurwa na Admir Mehmediku munota wa 48.

Seferović yatsundiye u Busuwisi igitego ku munota wa gatatu w’inyongera (90+3).

U Bufaransa bwa mbere muri iri tsinda buzacakirana kuri uyu wa Gatanu n’u Busuwisi bwa kabiri saa 21.00 naho Honduras na Equateur bakine saa 23.59.

[email protected]