Umunyarwanda uzasifura igikombe cy’Isi azerekeza muri Brazil tariki ya 31 Gicurasi

00:00:00 IGIHE NETWORK

KINYARWANDA

ENGLISH

FRANCAIS

Umunyarwanda uzasifura igikombe cy’Isi azerekeza muri Brazil tariki ya 31 Gicurasi

Yanditswe na

Tity Thierry Kayishema

Kuya 21 May 2014 saa 05:20

Yasuwe :

Yavuzweho:

Nyuma yo kwemezwa tariki ya 14 Mutarama 2014 n’Ishyirahamwe mpuzamahanga ry’umupira w’amaguru (FIFA) ko azasifura igikombe cy’Isi kizabera muri Brazil, umusifuzi wungirije Kabanda Felicien azahaguruka i Kigali tariki ya 31 Gicurasi 2014.
Iyi mikino izatangira tariki ya 12 Kamena isozwe tariki ya 13 Nyakanga 2014.
Umusifuzi wungirije, Kabanda ari mu itsinda riyobowe n’umusifuzi Bakary Papa Gassama wo muri Gambia uzaba yungirijwe na Ogbamariam Angesom wo muri Eritrea, bari mu basifuzi 25 (…)

Iyi mikino izatangira tariki ya 12 Kamena isozwe tariki ya 13 Nyakanga 2014.

Umusifuzi wungirije, Kabanda ari mu itsinda riyobowe n’umusifuzi Bakary Papa Gassama wo muri Gambia uzaba yungirijwe na Ogbamariam Angesom wo muri Eritrea, bari mu basifuzi 25 n’abungiriza 50 bemejwe gusifura igikombe cy’Isi.

FIFA ivuga ko abasifuzi batoranyijwe hagendewe ku bushobozi n’imyumvire y’umupira w’amaguru ku giti cy’umuntu.

Kabanda Felicien azasifura igikombe cy'Isi 2014 afatanyije na Bakary Papa Gassama na Ogbamariam Angesom

Kabanda ku mukino ubanza wa shampiyona wahuje Rayon Sports na Police FC

Kuva tariki ya 7- 11 Mata, Kabanda yari i Zurich mu Busuwisi mu mahugurwa y’abasifuzi n’abungiriza babo baturutse mu mashyirahamwe y’Afurika, Amerika y’Epfo n’iya ruguru.

Biteganyijwe ko aba basifuzi bose bazacumbikirwa mu mujyi wa Rio de Janeiro. Indege zizajya zibakura aha zibajyana mu yindi mijyi zaba iberamo imikino.

Bageze muri Brazil, tariki ya 1-10 Kamena hazongera andi mahugurwa y’aba basifuzi ari nabwo bazamenya imikino bazayobora.

FIFA yishyurira ibyangombwa byose aba basifuzi birimo amatike y’indege n’uburyo babaho bagahabwa n’agahimbazamusyi ka miliyoni 28 Rwf (ibihumbi 30 Euro) buri umwe yaba ageze muri 1/8 cy’irangiza agahabwa miliyoni zisaga 42 Rwf (ibihumbi 45).

Kabanda asoje imyitozo kuri uyu wa Kabiri kuri stade ya Kigali

Umusifuzi Kabanda (ubanza iburyo) mbere y'umukino Rayon Sports yatsinzemo APR FC igitego 1-0

Afurika ihagarariwe n’abasifuzi 9 n’abasimbura 4, u Burayi bufite abasifuzi 27 n’abasimbura babiri, Amerika y’Epfo ifite 15 n’abasimbura babiri, Amerika ya ruguru no hagati izohereza abasifuzi 9 n’abasimbura , Aziya 12 n’abasimbura babiri naho Oceaniya yohereza batatu n’abasimbura babiri.

Kabanda Felicien yavutse tariki ya 19 Nyakanga 1971, ni umusifuzi mpuzamahanga kuva mu 2002, yasifuye umukino wa nyuma wa CAF champions league 2013, igikombe cy’Afurika 2012, CAF Super cup 2013, azasifura kandi igikombe cy’Isi cy’abatarengeje imyaka 20 kizabera muri Nouvelle-Zélande mu 2015.