Adrien Niyonshuti na  Hadi bagiye muri Afurika y’Epfo

Adrien Niyonshuti na Hadi bagiye muri Afurika y’Epfo


Yanditswe kuya 14-01-2013 - Saa 10:40' na IGIHE

Kuri uyu wa mbere tariki ya 14 Mutarama 2013, Hadi Jamvier na Adrien Niyonshuti bagiye muri Afurika y’Epfo mu makipe y’isiganwa ku magare.

Nk’uko tubikesha Ishyirahamwe ry’umukino w’amagare mu Rwanda, Hadi Jamvier warusanzwe akinira ikipe ya Benediction yo mu Karere ka Rubavu yamaze gusinya amasezerano y’umwaka umwe mu ikipe ya UCI Continental Center, igenda ihitamo abakinnyi bari kuzamuka neza ku mugabane wa Afurika.

UCI Continental Center yatoranyije abakinnyi bakiri bato 10 bari muri Tour of Rwanda 2012, harimo umunya Eritrea Kudus wagaragaye cyane, n’umunyarwanda Hadi Jamvier.

Adrien Niyonshuti, we wari umaze iminsi mu Rwanda mu minsi mikuru isoza umwaka nawe arasubira muri Afurika y’Epfo mu ikipe akinira ya MTN Qhubeka. Ikindi kandi iyi kipe ya Niyonshuti mu minsi ya vuba igomba kwimukira ku mugabane w’i Burayi mu gihugu cy’u Butaliyani, akaba ariho izajya ikinira.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO