Imyitozo ngororamubiri ituma habaho imikorere myiza y’ubwonko

Imyitozo ngororamubiri ituma habaho imikorere myiza y’ubwonko


Yanditswe kuya 6-02-2013 - Saa 07:14' na Umurerwa Emma-Marie

Gukora imyitozo ngororamubiri bifasha ubwonko gukora neza, ndetse no gufata mu mutwe vuba (kutibagirwa), kugira imvugo iboneye, kumenya icyo gukora , kumenya uko witwara n’ibindi haba ku bantu bakuru cyangwa abato.

Amakuru atangazwa n’urubuga rwa metro de france, avuga ko siporo ifasha umubiri gukora, gukomera, ndetse ikanafasha imikaya igize umubiri mu gukora akazi kayo neza.

Ubushakashatsi bwagaragaje kandi ko abantu bakora imyitozo ngororamubiri, iyo ari abanyeshuri basubiza neza kurusha abatayikora.

Ku bantu bakuru, iyi myitozo ibafasha mu kugira ubwenge bwo kubasha guhangana mu bitekerezo n’abandi batandukanye, kugira imyitwarire iboneye, gushabuka n’ibindi.
Mu myanzuro yafashwe n’aba bashakashatsi bemeje ko ngo n’ubwo hari ibigikorerwa ubushakashatsi, gukora siporo cyangwa indi mirimo y’ingufu, bituma ubwonko bugira imbaraga.

Siporo kandi irinda indwara zitandukanye nk’izikunze gufata umutima, zikaba ari na zo ntandaro y’impfu nyinshi ku Isi nk’uko bitangazwa n’Ishami ry’Umuryango w’Abibumbye ryita ku buzima (WHO).

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO