Tropicale Amissa Bongo: Ruhumuriza ku mwanya wa 4 mu Banyafurika

Tropicale Amissa Bongo: Ruhumuriza ku mwanya wa 4 mu Banyafurika


Yanditswe kuya 26-04-2012 - Saa 09:46'

Kuwa Gatatu tariki ya 25 Mata 2012, irushanwa mpuzamahanga ryo gusiganwa ku magare rya La Tropicale Amissa Bongo riri kubera muri Gabon ryakomeje, aho ku cyiciro cya kabiri Ruhumuriza Abraham yaje ku mwanya wa 12 bituma aza ku mwanya wa 4 mu Banyafurika.

Umunyakazakistani Nikita Umerbekov ukinira ikipe ya Astana Continental niwe wegukanye etape ya kabiri aho yakoresheje amasaha 2, iminota 59, amasegonda 11 n’ibyijana 10 mu bilometero 130 basiganwe bava Lambarene berekeza mu mujyi wa Ndjole; yakurikiwe n’Umufaransa Thomas Voeckler uheruka kwegukana iri rushanwa mu 2010 na 2011.

Nyuma ya étape ya kabiri, umunya Eritrea Russom Meron ukinira ikipe ya MTN QHUBEKA niwe ufite umupira w’umuhondo (maillot jaune), ibi bikaba ari ubwa mbere bibaye mu mateka y’iri rushanwa kuva ryatangizwa mu 2006, aho nta Munyafurika wari warigeze yambara umwenda w’umuhondo.

Mu bakinnyi b’Abanyarwanda kugeza ubu Ruhumuriza Abraham niwe uri imbere aho ari ku mwanya wa 13, Rudahunga Emmanuel ku mwanya wa 29, Habiyambere Nicodem ku mwanya wa 39, Hadi Janvier ku mwanya wa 45, Nathan Byukusenge ku mwanya wa 49 na Biziyaremye Joseph wa 69.

Kanda hano usome ibikurikira ku rubuga rwa FERWACY.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO