Imvura yaguye mu karere ka Ngoma yahagaritse inshuro ebyiri umukino wahuzaga Inatek na Rayon Sports ziri guhatanira umwanya wa mbere,bwije urasubikwa, igihe uzakinirwa bikazamenyekana nyuma.

Rayon Sports na Inatek ziri imbere mu guhatanira igikombe cya shampiyona aho zinganya amanota 29.

Inatek yari yakaniye uyu mukino itizwa umurindi n'abafana bo mu rugo

Inatek yari yaherekejwe n'abafana bari biyemeje guhangana n'aba Rayon Sports

Uyu mukino usubitswe mu gihe Ishyirahamwe ry’umukino wa Volleyball mu Rwanda ryari ryifuje ko imikino ihuza amakipe ane ya mbere yajya ikinirwa muri stade nto y’Amahoro hirindwa impinduka zaterwa n’ikirere cyangwa umubare munini w’abafana.

Inatek yaranze mu rwego rwo kwereka abatuye akarere ka Ngoma umukino n’ubushongore bw’iyi kipe imwe mu ziri kwiyerekana muri iyi shampiyona.

Inatek byayihiriye itsinda seti ya mbere ku manota 25-23 mu mukino waberaga muri IPRC – Ngoma ariko ubwo Inatek yari ifite ibitego 9-7 bya Rayon Sports imvura yaguye umukino uhagarara iminota irenga 30 mu gihe bari batangiye saa cyenda kubera Umuganda.

Mu gihe Inatek yari imaze gutsinda 9-7 ikirere cyarakaye buri umwe akiza amagara ye

Abafana ba Rayon Sports babanje kwinangira kugama ariko imvura ikaza umurindi

Uyu mukino waranzwe no guhangana kw’abafana mu kogeza haba abari mu rugo inyuma ya Inatek n’aba Rayon Sports benshi bari bavuye i Kigali bibumbiye muri Gikundiro Forever na March Generation fan clubs.

Umukino ubanza Rayon Sports yari yatsinze Inatek seti 3-1 (25-27, 25-18, 25-23 na 25-23).

Nyuma y’imvura bahanaguye ikibuga basubukura umukino Inatek ibanza gutsinda inota rya mbere ariko umukino uhagarikwa na none kubera imvura Rayon Sports iyoboye n’amanota 12-10.

Wari umukino wa kabiri kuri Mutuyimana Aimable wa Inatek wari umaze igihe yaravunitse, byatumye adakina imikino y’akarere ka gatanu yabereye i Kigali.

Nyuma y'imvura umukino wasubukuwe, Inatek ikomeza kwerekana ko iri mu rugo

Inatek yanganyaga amanota 29 na Rayon Sports bahatanira umwanya wa mbere

Rayon Sports yakirijwe mu karere ka Ngoma seti ya 25-23

Abafana ba Inatek bahindura ikibuga nyuma ya seti batsinze ku manota 25-23

Nkurunziza Gustave, umuyobozi wa FRVB yavuze ko bakigorwa n’ibibuga cyane ibidasakaye biba kidobya mu gihe ikirere gihindutse ndetse n’umubare munini w’abareba iyi mikino urenze ubushobozi bw’ibibuga.

Ntabwo hatangajwe igihe uyu mukino uzakinirwa nubwo habaye impaka zitafatiwe umwanzuro Rayon Sports ivuga ko itasubira i Ngoma maze hategerezwa umwanzuro uzafatwa na FRVB.

Amategeko ya Volleyball avuga ko iyo umukino uhagaritswe n’imvura iyo usubukuwe badahera ku byari byavuye mu mukino ubanza.

Rayon Sports yikubise agashyi muri seti ya kabiri ariko ikirere kirabamba

Rayon Sports yisubiyeho kuri seti ya kabiri umukino usubikwa yatsinze 12-10

Mu ntangiriro ya seti ya kabiri, ikirere cyatangiye guhindura isura byashyiraga gusubika umukino

Imvura n'umwijima byategetse umusifuzi gusubika umukino wari utegerejwe na benshi muri Volleyball

Biteganyijwe ko kuri iki Cyumweru iki kibuga cyakira undi mukino ukomeye uhuza APR VC na Inatek saa tanu. APR yatsinze KVC seti 3-0.

Indi mikino yabaye, Kirehe VC yatsinze Rusumo High School seti 3-0 naho Umubano Blue Tigers itsinda Lycée de Nyanza seti 3-1.

Kuri iki Cyumweru

Inatek vs APR VC 11h00’

Kirehe vs Lycée de Nyanza

Rayon Sports vs KVC

Hafashwe umwanzuro wo gusubika umukino benshi bataha batanyuzwe niba Rayon Sports izasubira i Ngoma cyangwa bazashaka stade itwikiriye

Nkurunziza Gustave uyobora FRVB avuga ko ibikorwaremezo ari imwe mu mbogamizi Volleyball y'u Rwanda ifite

Abafana ba Rayon Sports bari bavuye i Kigali bahinduye isura y'umukino bahangana n'abo basanze rubura gica

Inatek Volleyball Club