RRA yatsinzwe umukino wo guhatanira umwanya wa gatatu yakinaga na Pipeline yo muri Kenya amaseti atatu kuri imwe (25-23; 14-25; 22-25; 17-25) itahana umwanya wa kane.
Ni amateka iyi kipe ikoze kugera mu makipe ane ya mbere muri Afurika kuko kure yari yarabashije kugera muri aya marushanwa ni ku mwanya wa gatanu muri 2012 mu mikino yaberaga i Nairobi muri Kenya, n’uwa gatandatu muri 2015 mu mikino yabereye i Cairo mu Misiri.
Aba bakobwa bari bahagarariye u Rwanda bagiye bitwara neza imbere y’amakipe y’Abarabu nka Mechaal Bajaia yo muri Algeria, El Shams yo mu Misiri ariko bananirwa Carthage yakiniraga iwayo na Al Ahly yo mu Misiri yayisezereye muri ½ .
Al Ahly ni nayo yegukanye igikombe nyuma yo gutsinda ku mukino wa nyuma Carthage yakiriye irushanwa iyitsinze amaseti atatu kuri babiri.
Biteganyijwe ko RRA igaruka mu Rwanda kuri iki Cyumweru saa tanu n’igice z’igicuku.
TANGA IGITEKEREZO