Kenya yari yatsinze Uganda n’u Burundi seti 3-0 yatanze u Rwanda kwinjira mu mukino batsinda seti ya mbere ku manota 25-17 nyamara u Rwanda rwari rwagize amanota 11 ku 8 ya Kenya.

Abasore ba Paul Bitok bihagazeho bayobora seti ya kabiri kuva ku manota 11-7 ya Kenya yaje kuba 19-19 ariko u Rwanda ruyitsindira ku manota 25-22.

Kenya yari yatsinzwe n’u Rwanda mu 2013 seti 3-2 (25- 18, 25-22, 21-25, 22-25, 15-13) bashaka itike y’igikombe cy’Afurika cyabereye muri Cameroun, yatsinzwe seti ya kabiri ku manota 25-18.

Kuri iyi seti, u Rwanda rwagize amanota 18-9 ya Kenya yatsinze seti ya kane ku manota 27-25, banganya seti 2-2 bategereza iya kamarampaka.

Ni umukino wagaragaje ko u Rwanda rwari rwiteguye neza umukino wa Kenya, imwe mu makipe abagora mu karere ka gatanu nyuma ya Misiri yo yakiniye muri Ethiopia.

U Rwanda rwatsinze seti ya kamarampaka ku manota 15-7, ikipe y’igihugu yari yatsindiye Uganda kuri seti nk’iyi ku manota 15-13, rwagize amanota umunani Kenya ifite atatu.

Iyi ntsinzi yahaye u Rwanda itike yo kuzahagararira akarere ka gatanu mu mikino nyafurika izabera muri Congo Brazzaville kuva tariki ya 4–19 Nzeli 2015, itike yindi yabonetse ni iya Beach Volleyball kuri Ndamukunda Flavien na Ntagengwa Olivier.

Ishyirahamwe ry’umukino wa Volleyball mu Rwanda ryemereye buri mukinnyi agahimbazamusyi k’ibihumbi 500 FRW kubera iyi tike.

Undi mukino wabaye, u Burundi bwatsinze Uganda seti 3-1(23-25, 25-19, 25-23, 25-18). Uganda iva muri iyi mikino idatsinze.

Bimwe mu bihembo byatanzwe nyuma y’iri rushanwa

{Yakan Laurence} (Rwanda), umukinnyi mwiza w’irushanwa (MVP)

{Ndamukunda Flavien} (Rwanda), best server

{George Aporu} (Uganda), best receiver

{Mahoro Nsabimana Ivan} (Rwanda), best setter

{Chemos Michae}l (Kenya), best spiker

{Dusabimana Vincent} (Rwanda), best blocker

{Kabati Peter} (Uganda), best libero

{Ngezahimana Bosco Rwarutabura}, umufana mwiza.