Tariki ya 17 na 18 Kanama 2013, Nyampinga w’ u Rwanda 2012, Aurore Kayibanda Mutesi azaba ari gihugu cya Belarus ku mugabane w’i Burayi mu myiteguro y’amarushanwa ya Miss Supranational 2013 azabera ahitwa Sport’s Palace of Minsk ho muri iki gihugu ku matariki ya 7-8 Nzeri 2013.

Nyampinga Aurore aherutse kwambikwa ikamba rya Miss FESPAM 2013, muri Congo Brazzaville aho yari yahagarariye u Rwanda.

Nyampinga Aurore yavuze ko yizeye kuzahagararira u Rwanda neza muri iri rushanwa.

Biteganijwe ko saa kumi n’ebyiri z’umugoroba wo kuri uyu wa mbere Nyampinga Aurore yakirwa na Minisitiri wa Siporo n’Umuco kuri Sports View Hotel i Remera.

Muri uku kwakirwa araboneraho umwanya urambuye wo kubwira itangazamakuru uko amarushanwa yagenze ku buryo burambuye.