N’ubwo bataraba benshi cyane, abahanzi nyarwanda baragenda barushaho kugenda biyandika ku mibiri yabo byaba ibishushanyo n’andi magambo atandukanye.

IGIHE twabakusanyirije amwe mu mafoto ya bamwe mu bafite ibyo bishushanyo ngo namwe mwihere ijisho.

Bamwe mu bashyiraho ibishushanyo nk’ibi babikora nk’urwibutso rw’ibihe cyangwa se umuntu runaka. Abandi babikora kugira ngo batange ubutumwa butandukanye bifuza gutanga. Abandi baba bagira ngo batandukane n’abandi bantu basanzwe bagaragaza ibyiyumviro byabo.

Ciney, umwe muri aba bahanzi waganiriye na IGIHE, avuga impamvu yatumye yishyiraho igishushanyo cy’inkota yagize ati "Ni ukugira ngo buri gihe njye nibuka ko ndi umuyobozi w’ubuzima bwanjye."

Reba amwe mu mafoto y’ibishushanyo by’aba bahanzi:

1. Pacson

Uyu ni Pacson, afite igishushanyo cy'ifoto ya 2Pac ku kuboko kwe

2. Young Grace

Ku kuboko kw'i bumoso kwa Young Grace handitseho ijambo "Old School"

3. Gisa cy’Inganzo

Ijambo Gisa ryanditse mu gishushanyo cy'ibaba na Micro ku kuboko kw'i bumoso kwa Gisa Cy'Inganzo

4. Dady de Maximo

Ku kuboko kwa Dady de Maximo hariho ibishushanyo byinshi birimo n'ikigaragaza ifoto ye

5. Fearless

Ku ntoki ze handitseho izina rye, Fearless, bikagaragara neza iyo afunze ibipfunsi

6. Fireman

Ku kuboko kw'i bumoso kwa Fireman handitseho ijambo Tuff; we na Bull Dogg bafite iri jambo

7. Anita Pendo

Aha ni hejuru gato y'ikibuno cya Anita, hashushanyije ururabo rufite utudomo tuzamuka tugana hejuru mu mugongo hejuru (uwo mukubo ni uw'ikabutura yari yambaye)

8. Ciney

Iyi ni inkota ishushanyije ku kuboko kw'i buryo kwa Ciney

9. Bull Dogg

Ku kuboko kwa Bull Dogg handitse ijambo Tuff (nk'iryanditse kuri Fireman), igishushanyo cyo munsi ni ijambo Tuff rishushanyije mu kaziga riri mu izingiro ry'akaboko k'i bumoso

Bull Dogg we anafite ibindi bishushanyo ku mubiri we, afite igishushanyo cy'igihanga cy'imbwa n'amagambo yanditseho agira ati "Bull Dogg"

10. Saga Assou

Saga Assou, wamenyekanye cyane ku izina rya Mc Monday afite igishushanyo cy'urufunguzo rw'umuziki ku kuboko kwe kw'i bumoso

11. Sacha

Sacha afite igishushanyo cy'izina "Nizzo" mu mugongo we. Anafite ibindi bishushanyo nk'iyi nyenyeri nini n'utundi duto tumanuka ahagana imbere mu rukenyerero

12. Babla

Ku kuguru kwa Babla ahagana ku gatsintsino hashushanyije inyenyeri

13. Sandra Miraji

Mu ijosi rya Sandra Miraji hagaragara utudomo tumeze nk'utunyenyeri tumanukira mu mugongo