Kanyombya arahakana ko atigeze afungwa

Yanditswe na
Kuya 14 Gicurasi 2012 saa 12:27
Yasuwe : XX
0

Inkuru ivuga ko Kayintakore Ndjori uzwi ku izina rya Kanyombya yatawe muri yombi akurikiranyweho kwicisha umuntu yarimo amafaranga ibihumbi 200, yatangiye kuba kimomo ku Cyumweru tariki ya 13 Gicurasi.
Mu kiganiro na IGIHE umukinnyi wa sinema n’inkinamico, Kanyombya yabanje gutangaza ko ahereye mu Karere ka Nyamagabe muri Hotel Ubumwe.
Yagize ati: ”Numvise umugore wanjye ampamagara ambaza niba mfunze kuko ngo yari yumvishe abantu benshi i Gikondo babihwihwisa. Njye naratangaye kuko nahise (...)

Inkuru ivuga ko Kayintakore Ndjori uzwi ku izina rya Kanyombya yatawe muri yombi akurikiranyweho kwicisha umuntu yarimo amafaranga ibihumbi 200, yatangiye kuba kimomo ku Cyumweru tariki ya 13 Gicurasi.

Mu kiganiro na IGIHE umukinnyi wa sinema n’inkinamico, Kanyombya yabanje gutangaza ko ahereye mu Karere ka Nyamagabe muri Hotel Ubumwe.

Yagize ati: ”Numvise umugore wanjye ampamagara ambaza niba mfunze kuko ngo yari yumvishe abantu benshi i Gikondo babihwihwisa. Njye naratangaye kuko nahise mbaza madamu uburyo nshobora kuba mfunze nkanitaba telefoni, nawe yumva ibyo ambaza bidafite ishingiro kuko uwo muntu bavugaga wapfuye ntawe nari nzi nkaba naratangajwe no kumva ko nishe umuntu ntazi“.

Ubwo twaganiraga na Kanyombya kuri telefoni mu gitondo cyo kuri uyu wa Mbere tariki ya 14 Gicurasi ahagana mu saa mbili n’igice (8 AM), yakomeje avuga ko Abanyagikondo bakomeje kwamamaza iyo nkuru bagamije kumusebya nk’umuhanzi ukunzwe mu karere.

Kanyombya yavuze ko nta mpamvu abantu bakwiriye kumugiraho amakenga kuko aho akorera hose harazwi. Yatanze urugero rwa City Radio mu kiganiro “Abarezi family” ndetse umwihariko ubwo twavuganaga yatubwiye ko ari mu gikorwa cya Banki y’Abaturage kizamara ibyumweru 2 kikazabera i Nyamagabe na Rusizi.

Kanyombya yavuze ko mu rwego rwo guhumuriza abafana be ko tariki ya 27 Gicurasi ubwo iyamamaza arimo rizasozwa azagaruka i Kigali akanyomoza ibimuvugwaho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza