Imwe muri hoteli zo mu Rwanda yashyizwe muri 7 nziza muri Afurika PRINT VISITS : 76428 COMMENTS: 24 

Imwe muri hoteli zo mu Rwanda yashyizwe muri 7 nziza muri Afurika


Yanditswe kuya 21-02-2012 - Saa 17:36' na Elisée Mpirwa

Inside Afrika Boutique Hotel ni umwihariko wa hoteli zimenyerewe mu Rwanda, kuko yubatswe hifashishijwe ibikoresho byatoraguwe hirya no hino mu gihugu byanayihesheje kujya muri zirindwi nziza muri Afurika.

Boutique Hotel ni ubwoko bwa hoteli yita cyane ku bikoresho cyangwa ahantu hatitaweho maze ikabibyazamo iby’agaciro kari ku rwego rwa za hoteli zikomeye. Usanga izi hoteli zifite umwihariko, cyane cyane hagendewe ku buhanzi.

Boutiques Hotels zashyizwe ahagaragara n’ikinyamakuru The Guardian cyo mu Bwongereza ni Inside Afrika (Kigali, Rwanda), Villa Margherita (Swakopmund, Namibia), Cape Cadogan (Cape Town, South Africa), Mashariki Palace (Stone Town, Zanzibar), Souimanga Lodge (Fimela, Senegal), AfroChic (Diani Beach, Kenya) na Benguerra Lodge (Mozambique).

Iki gitekerezo cy’abagabo babiri bakiri bato, Bagaragaza Maurice na Ibariza Ghislain cyaje kuvamo Boutique Hotel irimo imitako ya kinyarwanda.

Bagaragaza Maurice avuga ko Inside Afrika ifite umwihariko wo kuba igaragaramo ibikoresho bya Kinyarwanda, kandi hifashishijwe n’abahanzi b’abanyabugeni.

Yagize ati : « Hano hakundwa n’Abanyaburayi cyane kubera ko hafite umwihariko w’ibyo batamenyereye mu bihugu byabo. Imitako ihari ndetse n’inyubako ubwayo ikoze mu buryo bw’ubunyabugeni ».

Inside Afrika iherereye mu Kiyovu ho mu mujyi wa Kigali ku muhanda wa ‘Rue du Lac Mpanga’ hafi ya Gorilla Hotel. Yatangiye muri Kamena 2011 kandi ibiciro by’ibyumba bihagaze hagati y’amadolari 115 na 135. Ubu ifite ibyumba 9 ariko ngo birateganywa ko izagurwa ikanagira inzu mberabyombi.

Amwe mu mafoto ya Hotel

Ucumbitse muri Inside Afrika ashobora kwitekera abishatse
Iyi ni ingiga iri mu busitani nayo yatoraguwe maze ikagirwa umutako
Inside Afrika ifite Piscine iringaniye aho uba unitegeye igice kinini cya Kigali
Hanze y'ibyumba 9 bigize iyi hoteli, hari umwanya wo kuganiriraho
Bagaragaza Maurice yerekana aho abakiriya bafatira ifunguro rya mu gitondo
Aya ni amwe mu mashusho atatse Inside Afrika agizwe n'ibikoresho byatoraguwe ahatandukanye mu Rwanda
Aya ni ameza bakiniraho igisoro
Aha niho hakirirwa abakiriya ; bashobora no guhabwa serivisi za Visa Card

Foto:Mpirwa E.

IBITEKEREZO
Aka kantu ni kazima,kazatuma n'uriya musore amenyekana nk'umwana wa former minister,abe yasimbura nka late Christine Nyatanyi, kuko burya abana b'abayobozi bavukana imbuto. N'abandi baheze Matonge bazakurebereho baze bakore imishinga aho kwirirwa bikoza isoni batuka igihugu cyabo. BRAVO.
8.05.2012 saa 04:45
Munyarwanda
amafaranga akora byose ma niggerz
8.05.2012 saa 03:39
kazini
Congs Ghislain and Maurice, muhesheje ishema igihugu cyacu mukoresheje ubushobozi buciriritse, muri abantu b'abagabo. Mureke abavuga bavuge ibyo bashatse mwe mukore. Njye nzi Ghislain nk'umuntu "creatif", "innovator"... Ni Entrepreneur wo mu rwego mpuzamahanga. Ndamutse mfite cash zihagije namwisunga. Courage !!!
22.02.2012 saa 11:16
Hemed
well done,the more u try the more u achieve,keep it up,next time u can find ourself in top 3,we are good in many things,keep up the flag bro.
22.02.2012 saa 10:29
ngango
Yenda twebwe abanyarwanda ntidukeneye kuraramo kuko iranahenze, ariko mutubwire ibiciro by'ibyo kunywa no kurya uko bihagaze tuzajye tuhasohokera n'imiryango yacu !
22.02.2012 saa 05:09
kim
bravo Maurice nkwifurije gukomeza guha akazi agaciro niko kwiha agaciro igikorwa cyawe kirashimishije kandi kibere n abandi bakiri bato urugero ko iyo umuntu afite umurava n ubushake byose bishoboka .
22.02.2012 saa 02:04
birashimishije
bravo Maurice nkwifurije gukomeza guha akazi agaciro niko kwiha agaciro igikorwa cyawe kirashimishije kandi kibere n abandi bakiri bato urugero ko iyo umuntu afite umurava n ubushake byose bishoboka .
22.02.2012 saa 02:04
birashimishije
Mbega hotel yubatse neza kandi itatse neza. Njye ndisabira tel z'uwakoze iriya design ngo azamfashe nanjye mbikore mu nzu yanjye murugo. Ibi bintu bizazamura abakorikori b'abanyarwanda rwose niduhagurikira twese hamwe tugataka amazu yacu dukoresheje ibituruka iwacu tukiga uburyo tubibyazamo umusaruro ibituruka hanze byagabanuka ntimwumvise ko dufite nuruganda rugiye kujya rukora ama carreaux ya granite i Nyagatare. Ibi rwose turabishimira HE udahwema gukora ngo igihugu gitere imbere.
22.02.2012 saa 01:47
Ana
Ngendabona iriyo mbi kurushizindi zose nigeze kubona.
22.02.2012 saa 01:23
manima
Bjr , ndabaza Bakino ! Mwaretse abantu bakikorera ibya reference ubivuze ngo werekane ko umuzi cg ? Kuba ari umwana w'umutegetsi wa kera c'est koi ? Yikoreye ibintu byiza ariko ngo......... Tanga commentaire kubyo wasomye not kubyo ufite in your head . Iryo ryitwa ishyali mu bantu .
22.02.2012 saa 00:48
Remera
Mbega hotel, Iteye inzara pe !!! gusa n'iyabaherwe n'abanyamahanga bakora depense mu $ $ naho abanyarwanda BNR yabirenza batesha agaciro FRW
22.02.2012 saa 00:48
Buryohe
Bravo Maurice, uru ni urugero rwo kwihangira umurimo !
22.02.2012 saa 00:44
Bob
germaine waretse kunsetsa koko ???reba paragraphe yanyuma y'inkuru.keretse niba bayongeyemo nyuma.
22.02.2012 saa 00:23
###
bravo Maurice, that is patriotism, karibu muri rwandan business, ese uracyamenya kuririmba no kubyina nka kera ukiri muri College St Andre shaka Lion Imanzi mwiyibutse mudususurutse
22.02.2012 saa 00:20
bingwa
Iyo Hotel yubatse he ? muyihe ntara ? Mujye musobanura neza ntimukaje mwishira imbere mutazi gusobanura neza ibintu.
21.02.2012 saa 23:14
Germaine
Dear Maurice, Duherukana kera i Brussels, congratulations and welcome back to Rwanda. Wakoze agashya keza, singombwa ko ibintu byiza biba binini bisandaye obligatory !! Bera urugero small investors in Rwanda all over the 4 provinces,..utuntu duto nk'utwo turakenewe hirya no hino mu gihugu,..ikizakurikiraho ni ba mukerarugendo bazadusura kakahava kandi bakagenda batuvuga uko turi. Bravo and see yousoon in Kigali ...mzee ahimanacyridion@yahoo.fr
21.02.2012 saa 17:11
Ahimana Cyridion
Kabisa biragaragara ko BAGARAGAZA afite créativité. Yaragenze cyane ariho yaba yarakuye inspiration. Cyeretse niba ari umunyabugeni. Ni byiza pe, muhaye 5/5.
21.02.2012 saa 15:10
gq
harindi Hoteli mwibagiwe yitwa luxury Hotel Kimironko muhageze ho mwatangara pe njye numva bantu bose batekereje kimwe ntakabuza AFRICA twagera kure
21.02.2012 saa 13:12
nizeyimana theoneste
Bravo Maurisse na gisren mur abantu bab abagabo erega mur abanyamugi n abandi bose barebereho kubaka hoter ntago ari cash nyinci cgkujya muri Chine gato keza na service nziza
21.02.2012 saa 13:09
Capital
bazatwigishe natwe uko twajya twitoragurira ibikoresho naho bakunda kubisanga twigireyoooo yeee
21.02.2012 saa 13:04
tama
1 | 2

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!