TIGO yahembye abacuruzi b’amakarita b’indashyikirwa

TIGO yahembye abacuruzi b’amakarita b’indashyikirwa


Yanditswe kuya 19-11-2012 - Saa 08:25'

TIGO yatanze ibihembo ku bacuruzi b’amakarita n’ibindi bicuruzwa byayo bitandukanye kuri bamwe mu bafata neza ababagana, maze bamwe muri bo baboneraho no kwivuga ibigwi by’aho Tigo ibagejeje, mu busabane bwabaye ku wa 18 Ugushyingo.

Muri ubu busabane ngarukamwaka, abacuruza serivisi za TIGO ziganjemo e-go, telefoni, sim cards n’ibindi bahuriye kuri La Palisse Nyandungu baje guhabwa impano TIGO yabageneye kuko bitwaye neza uyu mwaka.

Nyuma yo gusangira amafunguro rusange, batangiye kwivuga ibigwi by’aho TIGO ibagejeje.

Muberarugo Odile ucuruza ibikoresho bya TIGO mu mujyi wa Kigali yavuze ko yatangije ibihumbi 80 gusa, na telefoni TIGO yamuhaye icyo gihe, none ubu ageze ku gishoro cya Miliyoni n’ibihumbi ijana.

Yongeyeho ati “Abacururiza TIGO tumaze kuba nk’umuryango umwe kuko iradufasha cyane kandi ikaduhuza buri mwaka.”

Kavutse Jean Claude akorera mu murenge wa Muhima, Akarere ka Nyarugenge yavuze ko we yatangije ibihumbi bitanu, ariko avuga ko bitewe n’uko TIGO ibafasha cyane ubu amaze kugera ku bihumbi magana abiri mu gihe cy’imyaka 2 amaze akora.

Umutoni Chantal ushinzwe amasoko muri TIGO yavuze ko batanga n’amahugurwa kuri abo bacuruzi ku bijyanye no gufata neza ababagana, kwizigamira ndetse no kwigisha abatarageze mu ishuri.

Umutoni yongeyeho ati “Bizabagirira umumaro mu gihe bakidukorera ndetse n’igihe bahindutse ba rwiyemeza mirimo.”

Umuyobozi mukuru wa TIGO Rwanda,……. Yashimiye abo bacuruzi, yongeraho ati “Turi bamwe kuko nimwe mu tuma TIGO igera kuri bose.”

Yongeyeho ati “Mujye mutubwira icyo mukeneye tubafashe ariko umuntu wese abone servise za TIGO mu buryo bworoshye.”

Ibihembo yatanze birmo amasaha manini, chager zikura ingufu ku mirasire y’izuba, ibikapu ndetse na za telefoni.
Ubusabane bwaranzwe n’imbyino n’imiziki ndetse no gusangira amafunguro, uko ari 1500 bavugaga ko bishimiye ibyo bahasanze ndetse nyuma habayeho gucinyana akadiho n’itsinda ry’abahanzi ba Dream Boys.

TIGO irabarura abacuruza ibikoresho byayo basaga ibihumbi bitanu mu gihugu cyose, abo bakunze kwita TIGO Freelancers.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO