IGIHE.com > Ubuzima > Indwara
MINISANTE yahagurukiye ikibazo cy’umutima wa Ineza Ange

MINISANTE yahagurukiye ikibazo cy’umutima wa Ineza Ange


Yanditswe kuya 6-02-2012 - Saa 15:44'

Nyuma y’amakuru yanyuze mu bitangazamakuru bitandukanye, Minisiteri y’Ubuzima irashimira abaganga bo mu bitaro bya Kibuye ku ruhare rwabo mu kurwana ku buzima bwa Mugisha Ineza Ange.

MINISANTE ivuga ko yaganiriye n’umuryango wa Ineza, akaba azagezwa mu bitaro byitiriwe Umwami Faisal muri iki cyumweru muri gahunda ngarukakwezi yo gusuzuma ikorwa na Dr Mucumbitsi, imwe mu nzobere mu kuvura indwara z’umutima zifata abana.

Minisitiri w’Ubuzima Binagwaho Agnes yagize ati : “Ahanini iyi ndwara y’umutima irasanzwe ku bana bato. Tubinyujije mu mishinga itandukanye, dutegura gahunda yo kubaga abafite iki kibazo ku buntu kandi bakabagwa n’abahanga baturutse mu bitaro mpuzamahanga bikomeye. Iyi gahunda nayo ntizacika Ineza mu gihe bizaba bishoboka ko yabagwa. Nibiba ngombwa kandi ashobora kuzoherezwa kuvurizwa hanze”.

Umubyeyi wa Ineza, Tuyizere Jean Baptiste, nawe arashimira abantu batandukanye bakora iyo bwabaga ngo umwana we avurwe kandi akanakomeza gusaba ubufasha butandukanye.

Yagize ati : “Ndashimira buri wese udahwema kwitanga ngo Ineza akire. Kuwa Mbere ushize twamuzanye i Kigali akorerwa ikizamini maze kuwa Kane idosiye ijyanwa muri Sudani ku buryo ubu ntegereje icyo abaganga bazatangaza ngo tubone kujyayo. Jye ngomba kwirwanaho ku itike ariko ibindi MINISANTE yanyemereye ubufasha”.

Kugeza ubu Minisiteri y’Ubuzima ku bufatanye n’imishinga mpuzamahanga, bamaze gukora ibikorwa bwo kubaga abarwayi b’umutima bagera kuri 250 mu myaka 5 ishize.

MINISANTE ivuga ko ikomeje gukora iyo bwabaga ngo irengere ubuzima bwa Ineza ndetse na buri Muturarwanda kuko ngo ari uburenganzira bwa buri wese.

Kanda hano usome ibindi kuri iyi nkuru.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO