IGIHE.com > Ubuzima > Indwara
Rulindo: Indwara ya Rubewole bayitangatanze n’inkingo

Rulindo: Indwara ya Rubewole bayitangatanze n’inkingo


Yanditswe kuya 15-03-2013 - Saa 03:03' na Marie Chantal Nyirabera

Mu rwego rwo kwirinda no guhashya burundu indwara ya Ruvewole, mu Murenge wa Shyorongi Akarere ka Rulindo bari mu gikorwa cyo gukingira iyo ndwara ndetse n’iy’inkondo y’umura.

Uretse izi nkingo zahawe abana Kuri uyu wa 13 Werurwe 2013, abagore batarengeje ibyumweru 6 bibarutse bahawe ibinini bya vitamin A. Umuyobozi w’Akarereka Rulindo Wungirije Ushinzwe imibereho myiza y’abaturage Niwemwiza Emilienne atangaza ko Leta y’u Rwanda ishishikajwe no kubungabunga ubuzima bw’Abanyarwanda ibakingira indwara, kuko ari byiza kuzikumira zigakingirwa kuruta gutegereza kuzivura abantu bamaze kurwara.

Niwemwiza yasabye ababyeyi kwitabira iyi gahunda, kuko ari ingirakamaro ku kubungabunga ubuzima. Gusa avuga ko gukingizwa bidahagije kuko bidakuraho kuba habaho ubundi burwayi.

Yasabye buri wese kwitabira gahunda y’ubwisungane mu kwivuza, kuko mu gihe nta mitiweri umuntu afite nta cyizere cy’ubuzima bwiza aba afite kandi ntacyo umuntu yageraho mu gihe adafite ubuzima bwiza.

Umutesi Josiane, ni umwangavu ufite imyaka 13 yiga mu mwaka wa 6 w’amashuri abanza. Avuga ko ashimishijwe n’urukingo yahawe kuko ruzamurinda kwandura kanseri y’inkondo y’umura. Ashishikariza bagenzi be kwikingiza kuko ari ingirakamaro kuri bo.

Ahantu hagera kuri 94 niho hateganyijwe gukorerwa igikorwa cy’ikingira cyateguwe n’ibigo nderabuzima 17 byo mu Karere ka Rulindo, mu rwego rwo kwegereza abaturage iki gikorwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO