Akarere ka Nyagatare kihishemo amateka y’u Rwanda n’ibohorwa ryarwo

Yanditswe na Mathias Hitimana
Kuya 16 Mutarama 2013 saa 04:28
Yasuwe :
0 0

Akarere ka Nyagatare, kamwe mu tugize Intara y’Iburasirazuba, karimo ibintu byinshi biranga amateka y’u Rwanda, habarizwa imwe mu ndake Perezida wa Repubulika, Paul Kagame, yabayemo mu gihe cy’urugamba, kandi akaba ari no muri ako karere Intwari Maj Gen Fred Gisa Rwigema watangije urugamba rwo kubohora igihugu yaguyemo.
Aganira na IGIHE Muganwa Stanley, Umuyobozi wungirije ushinzwe iterambere, imari n’ubukungu muri Nyagatare, yavuze ko Akarere kazwiho kuba kabitse amateka menshi Abanyarwanda (...)

Akarere ka Nyagatare, kamwe mu tugize Intara y’Iburasirazuba, karimo ibintu byinshi biranga amateka y’u Rwanda, habarizwa imwe mu ndake Perezida wa Repubulika, Paul Kagame, yabayemo mu gihe cy’urugamba, kandi akaba ari no muri ako karere Intwari Maj Gen Fred Gisa Rwigema watangije urugamba rwo kubohora igihugu yaguyemo.

Aganira na IGIHE Muganwa Stanley, Umuyobozi wungirije ushinzwe iterambere, imari n’ubukungu muri Nyagatare, yavuze ko Akarere kazwiho kuba kabitse amateka menshi Abanyarwanda n’Abanyamahanga usanga batazi, ariko ubu ubuyobozi bwiyemeje gushyiramo ingufu kugira ngo abantu barusheho kuyasura.

Muganwa yagize ati “Abantu bazi amateka yo kubohora u Rwanda, bazi neza ko uwatangije urugamba Maj Gen Fred Gisa Rwigema yaguye muri aka karere mu Murenge wa Matimba, Akarere karashaka kuhagira ahantu hazwi ku buryo umutu uje kuhasura asanga hameze neza.”

Ikindi Muganwa Stanley yatangarije IGIHE kandi ko Aka karere ka Nyagatere, gafite indake aho Nyakubahwa Perezida wa Repubulika Paul kagame yabayemo mu gihe cyo kubohora u Rwanda, iherereye ahitwa Gishuro mu Murenge wa Tabagwe. Aho Akarere gafatanyije n’izindi nzego za Leta, bateganya kuhubaka neza, kuko habitse amateka akomeye yo kubohora iki gihugu.

Usibye amateka ajyanye n’urugamba, muri ako karere karimo urugo rw’inyambo ruherereye mu mujyi wa Nyagatare.

Mu gufata neza ayo mateka, mu mwaka wa 2014, Akarere gafatanyije n’abashoramari ndetse n’izindi nzego za Leta, karashaka uburyo tunganywa nk’iriya ndake Perezida yabayemo, ndetse n’aho intwari Maj Gen Rwigema yaguye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza