Iserukiramuco rya JAMAFEST rizagaragaramo udushya

Yanditswe na Mathias Hitimana
Kuya 28 Mutarama 2013 saa 08:28
Yasuwe :
0 0

Minisiteri y’Umuco na Siporo irimo gutegura iserukiramuco rizahuza abahanzi batandukanye bo mu karere ka Afurika y’Iburasirazuba (EAC) JAMAFEST rizatangira ku tariki 11 Gashyantare 2013, itangaza ko rizagaragaramo udushya twinshi tuzasiga Abanyarwanda babonye itandukaniro n’andi yabereye mu Rwanda.
Makuza Lauren, umuyobozi w’umuco muri Minisiteri y’Umuco na Siporo, ifite, yatangarije IGIHE ko ibizakorwa byose bizaba bishingiye ku muco n’ubugeni, herekanwa umuziki ukoresha ibikoresho gakondo, (...)

Minisiteri y’Umuco na Siporo irimo gutegura iserukiramuco rizahuza abahanzi batandukanye bo mu karere ka Afurika y’Iburasirazuba (EAC) JAMAFEST rizatangira ku tariki 11 Gashyantare 2013, itangaza ko rizagaragaramo udushya twinshi tuzasiga Abanyarwanda babonye itandukaniro n’andi yabereye mu Rwanda.

Makuza Lauren, umuyobozi w’umuco muri Minisiteri y’Umuco na Siporo, ifite, yatangarije IGIHE ko ibizakorwa byose bizaba bishingiye ku muco n’ubugeni, herekanwa umuziki ukoresha ibikoresho gakondo, hanakinwa n’imikino gakondo.

By’umwihariko ariko ngo hazagaragaramo bwa mbere mu Mujyi wa Kigali, imurikamuco rikorewe mu muhanda (street carnival), aho abantu bazaba bagenda berekana imico itandukanye y’ibihugu bakomotsemo ku muhanda.

Makuza avuga ko JAMAFEST izitabirwa n’abantu bari hagati ya 400 na 500, barimo 78 bazaturuka mu Burundi, 180 bazaturuka Uganda, 50 bazaturuka muri Tanzania, Kenya yo ntiratangaza abo izazana. by’ubwihariko ariko aba bazaturuka muri ibi bihugu bakaba bazajya baza basanga abene gihugu babo baba hano mu Rwanda.

Iserukiramuco “JAMAFEST” rizatangira ku wa 11 Gashyantare rigeze 17 Gashyantare 2013, u Rwanda rwatoranyijwe kuritegura ku nshuro yayo ya mbere rigiye kuba. Iri serukiramuco ryemejwe n’inama y’abaminisitiri bashinzwe Umuryango wa Afurika y’Iburasirazuba mu 2011.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza