Bimwe mu bintu byahabwaga agaciro mu muco wacu wa Kinyarwanda, harimo n’ingoma kuko niyo yari ikimenyetso cy’ubutegetsi bwa kera ikaba yarasimbuwe muri ibi bihe turimo n’ibendera. Ako gaciro rero ingoma yahabwaga kagaragazwaga n’amagambo yakoreshwaga by’umwihariko ku ngoma.

Ayo magambo rero akaba ari aya akurikira:

Gutangira kuvuga -Gusuka

Kurangiza kuvuga - Gutunga

Kugurwa - Gukoshwa

Kumanikwa - Kujishwa

Gushyushywa - Koswa

Gufashwa hasi - Kururutswa

Kubazwa - Kuramvurwa

Gushyirwaho impu -Kuremwa

Kwikorerwa - Kuremererwa

Gusoza - Gutaha

Gutoboka - Kubyara

Gufatwa - Gusegurwa

Gusaduka - Kurara

Kumeneka -Kuribora

Nubwo rero ako gaciro ingoma yahabwaga n’abakera kubera ko yari ikimenyetso cy’ubutegetsi ikaba yarasimbuwe n’ibendera nyuma y’ingoma ya nyayo agendanye n’ingoma,kuko ingoma ubwazo turacyazikoresha mu bitaramo bya buri gihe. Dukomeze dufatanye rero gusigasira umuco wacu kuko agahugu kibagiwe umuco gasibangana ntigasige uburari.