Gisèle, izina ry’umukobwa ushobora kurakara no kwishima mu gihe kimwe

Yanditswe na Ishimwe Deborah
Kuya 1 Ugushyingo 2020 saa 08:54
Yasuwe :
0 0

Gisèle ni izina rihabwa umwana w’umukobwa, rifite inkomoko mu rurimi rw’Igifaransa risobanura ’Urinda isezerano’. Rikomoka ku izina ry’Ikidage ’Gisil’

Uwitwa iri zina akunze kuba umunyabwenge, arakundwa kandi ni n’umukobwa uzi kugaragaza urukundo, bimwe bita ‘kuba romantique’. Azwiho gutekereza vuba kandi ibitekerezo byimbitse bitumutera gukomera.

Yirinda cyane imyitwarire yatuma atakaza amafaranga ye. Ni umunyampuhwe, akunda ibitabo byiza kandi yishimira ibihangano by’ubugeni, muri make akunda gukurikirana ibintu byiza byose mu buzima.

Gisèle akunze kurangwa no kwanga gutegekwa, ahubwo akishimira kubaho yigenga. Ni umukobwa wigirira icyizere iyo ari mu bandi, agafata imyanzuro ye bwite adahatirijwe n’abandi bantu.

Ni umuntu ukunze kwinjira mu bintu byose ndetse akagaragaza ko abizi. Akunze gukoresha ijambo “Ndabizi”. Mu mibanire ye n’abandi, Gisèle akunda kutavuga menshi, ndetse ntanasetswe n’ibintu byasekeje abandi.

Uburyo abonamo ibintu bituma benshi bamufata nk’aho arimo kubashyiraho cyangwa kubaryarya, ashaka ko bakora ibyo yifuza, ndetse akabivangira muri gahunda.

Gisèle akunze kuba umuntu ufite amarangamutima agoye cyane kuko ashobora kurakara no kwishima mu gihe kimwe. Ntabwo akunze kwiha intego zihambaye, ahubwo akunda kubona ibintu bihamye kandi byamaze gukorwa ndetse bihuye n’inshingano ze.

Mu muhamagaro we, Gisèle akunda kuba umwarimu, umufilozofe, umwanditsi, umubarankuru cyangwa umuganga uvura indwara zo mu mutwe akoresheje imiti cyangwa ubujyanama.

Bitewe n’uko akunze kugira ibitekerezo byinshi ndetse no guhangayika, bishobora kumutera kubura ibitotsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .