Keila, izina ry’umukobwa ukunda kubaho mu buzima bwiza

Yanditswe na Ndayikunda Josué
Kuya 6 Ukuboza 2019 saa 07:00
Yasuwe :
0 0

Izina Keila rikomoka mu Rurimi rw’Igiheburayo rikaba ryarakunze no gukoreshwa cyane muri Bibiliya rigereranywa n’inyubako nini.

Hari n’abavuga ko iri zina rikomoka mu rurimi rwo muri Hawaii ariko akenshi rikoreshwa mu bihugu bivuga Ururimi rw’Icyongereza.

Iri zina rikunze guhabwa abana b’abakobwa ryamamaye cyane mu 2001 aho ryari irya 989 mu yari akunzwe cyane kurusha ayandi ku Isi. Uko imyaka ishira indi igataha, ababyeyi benshi bahitamo kwita abana babo Keyla aho kuba Keila.

-  Ibiranga ba Keila

Keila arangwa no kwiyitaho cyane akaba umukobwa w’imbaduko n’umurava, ndetse ahora aharanira kubaho neza mu buzima.

Ni abantu bakunda ibintu (ubutunzi) no kubaho mu buzima bwiza cyane ku buryo baharanira kutabura icyitwa ifaranga.

Mu rukundo, Keila arafuha cyane nyamara atari uko atizera uwo bakundana ahubwo aba ashaka ko ibyo aha umukunzi we byamugarukira. Yihagararaho akiyerekana nk’umukobwa ugira umutima ukomeye ariko mu by’ukuri agira amarangamutima menshi.

Keila akunda kugaragara nk’uworoheje mu mutima iyo umurebye mu maso, ibi akaba abiterwa no kwirinda kugirana amakimbirane n’abandi.

Ni abantu banga ibinyoma n’akarengane bakaba abakobwa bifitemo ubushobozi bwo kuyobora abandi kandi bubahiriza inshingano zabo nkuko ziri. Inshuro nyinshi ba Keila bakunda gukorera kure y’umuryango wabo kuko bizera ko bizabafasha kubaka umubano mwiza na bagenzi babo babakikije.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza