Ibisobanuro byimbitse

Kubangura bivuga ibintu bitatu: Mu nyito isanzwe ya giseseka, kubangura ni ugushyira ikintu hejuru akenshi ushaka kugira uwo ugikubita.

Inyito ya kabiri yerekeye kurimba: Kugira amahembe kw’inka cyangwa se amasunzu k’umuntu , biba bigaragaza ibyiza bishinze kandi bigororotse.

Inyito ya gatatu ni ugutema ikintu ukagisongora ku ruhande rumwe kikamera nk’icumu, ari nayo mpamvu amacumu bayita urubango.

Iri zina ‘Rubangura’ rishingiye ku rubango kuko babangura icumu bagiye kuritera , ikindi ni uko amahembe y’inka mu mazina y’inka, afatwa nk’amacumu.

Umwanzuro
Twavuga ko Rubangura ari Ingabo yitwaza icumu cyangwa intwaro,ndetse umubyeyi akaba yararyitaga umwana we amwifuriza kutaba ikigwari.

Ibi bisobanuro byatanzwe n’Inteko Nyarwanda y’Ururimi n’Umuco, RALC