Amateka n’ibigwi bya Ras Nyabingi

Yanditswe na
Kuya 19 Werurwe 2012 saa 03:28
Yasuwe :
0 0

Banamungu Idi bakunze kwita Nyabingi, ukoresha izina ry’ubuhanzi rya Ras Banamungu, yavukiye i Karongi mu Ntara y’i Burengerazuba bw’u Rwanda ku wa 23 Werurwe 1977.
Mu buzima bwe busanzwe ababazwa no kubona ubabaye ntacyo afite cyo kubikoraho mu gihe akenshi aba yifuza ko abantu bahora bishimye, baseka banezerewe nk’imwe mu mpamvu yamuzanye mu buhanzi.
Ubuzima bwe bw’ubwana bwaranzwe ahanini no guharanira gusesera byinshi bigaragara kuri iyi si.
Mu kiganiro na IGIHE Ras Banamungu avuga ko (...)

Banamungu Idi bakunze kwita Nyabingi, ukoresha izina ry’ubuhanzi rya Ras Banamungu, yavukiye i Karongi mu Ntara y’i Burengerazuba bw’u Rwanda ku wa 23 Werurwe 1977.

Mu buzima bwe busanzwe ababazwa no kubona ubabaye ntacyo afite cyo kubikoraho mu gihe akenshi aba yifuza ko abantu bahora bishimye, baseka banezerewe nk’imwe mu mpamvu yamuzanye mu buhanzi.

Ubuzima bwe bw’ubwana bwaranzwe ahanini no guharanira gusesera byinshi bigaragara kuri iyi si.

Mu kiganiro na IGIHE Ras Banamungu avuga ko yakuze ari umuntu ushaka kumenya buri kintu, ku buryo yahoraga abaza ibintu byamuyobeye, agasoma, byaba ngobwa akagira n’utuntu tw’ubukorikori akora nko gushushanya; kenshi yakundaga no kwibaza ikintu gituma abantu bamenyekana ku buryo yaje no kubibaza Sekuru wari umuvuzi gakondo icyazatuma amenyekana nawe nk’uko nawe yari azwi mu buvuzi gakondo, mu kumusubiza ngo yamubwiye ko kumenyekana umuntu abikorera.

Ati: ‘’Yampaye urugero ku ipantaro yari yambaye yitwa Lois, ambwira ko iyo pantaro yambaye ari umuntu umwe wayikoze, arayihimba none irambawe ku isi yose”.

Kuva ubwo yahise atangira kugira ishyaka ryo gushaka ikintu yakora kugira ngo abashe kumenyekana, ndetse afashe n’abatuye isi nk’uko Sekuru yabafashaga abavura n’imiti ya Kinyarwanda.

Nyuma yifuje ko yajya avura abantu mu buryo butandukanye n’ubwo Segokuru yavuragamo.

At:’’Naje gukora ubushakashatsi ku bintu abantu babona bagahumurizwa, nsanga indirimbo n’urwenya ari ibintu umuntu abasha kubona n’iyo yaba arwaye agaseka’’.

Ras Banamungu uzwi cyane ku izina rya Nyabingi

Kugeza ubu ni umuhanzi ukora umuziki uvura (music therapy) cyane ushingiye ku njyana ya Reggae n’inzenya n’umwuga mushya wo guseka uzwi nka Laughter Yoga ufite inkomoko mu gihugu cy’u Buhinde.

Mu buhanzi bwe yabashije no guhanga injyanaye yise Kinhall (Ikinimba nyafurika) agamije kubungabunga umuco nyarwanda no kuwumenyekanisha kugirango utazacika.

Kugeza ubu afite album ya mbere yitwa ”NJONI MPATE RAHA” igizwe n’indirimbo 12 iri ku isoko.

Amafaranga ava muri iyi album n’ibitaramo bitandukanye akora avuga ko bimufasha mu bikorwa by’urukundo binyuranye agenda akora harimo kwishyurira abana b’imfubyi amashuri no gufasha imiryango ibana n’ubwandu bwa SIDA.

Mu gihe cya vuba Ras Banamungu arateganya no gusohora filimi y’urwenya yise ’Umutego mutindi’.
Bimwe mu bigwibye bitangirwa n’ikivugo kigira kiti:’’ndi umuhungu ndi Umunyarwanda, ndi umushyushya rugamba w’umukera tabaro, ndi ikinyabushishi cy’uwagishasha umuntu yota ashishira akazarinda ashishuka atarashira imbeho, ndi intore y’inkuba rwa gitinywa nkaba intare yo mu muryango wa Gihanga nitwa Ras Banamungu”.

Ras Banamungu ni n’umwe mu bashinze Band ya Holly Jah Doves akibereye n’umunyamuryango abifatanyije no kuba umunyamuryango wa Best Sound band.

Yarashinze n’umuryango (Association) witwa CVC (Counselling Volunteers Club) ifasha abafite ibibazo by’ihahamuka n’ihungabana b’ingeri zose.

Ntiyaheze mu buhanzi gusa ahubwo yaciye no mu mashuri atandukanye

Amashuri y’inshuke yayize ku kigo cyitwa AEBZ cy’itorero ry’Abaptisita ahitwa Shaba muri Congo.

Amashuri abanza ayiga ku bigo bitatu:

- Ecole Primaire de Nyakanyinya i Karongi.

- Ecole Primaire de Rubengera i Karongi

- Chato Muganza Primary School muri Tanzaniya

Amashuri yisumbuye yayize ku kigo cya Home Boys muri Kenya aho yigiye ibintu bitandukanye harimo Tekiniki Itunganya rya Muzika (Music Production), Inoza majwi n’imicurangire bikinwe akokanya (Music live re-enforcement), DJ Academy and music to pictures kuva mu mwaka wa2003-2005.

Ras Banamungu

Aho agarukiye mu Rwanda yaje kwiyandikisha kuzakora ikizamini cya Leta nk’umunyeshuri wigenga (candidat libre) mu ishami ry’ubumenyamuntu (2006-2007), kandi arateganya kwiga kaminuza.

Yabashije no gufata amahugurwa atandukanye muri Mekaniki (Mechanic), ku bujyanama (Counselling), ku bwanditsi cyane bw’indirimbo, amakinamico n’ inzenya.

Avuga indimi zigera kuri zirindwi : Ikinyarwanda, Icyongereza, Igiswayiri, Igisukuma, Igihaya, Igishubi n’Ikinyambo zo muri Tanzaniya.

Kuba mu biranga ubuzima bwe hagaragaramo ko yabaye yabaye ndetse akiga mu bihugu bitandukanye avuga ko biterwa n’ubuzima yabayemo buruhije.

Ati:’’Narezwe n’abagabo batandukanye, binatuma muri abo bagabo bose ntanabonamo uwo nita Papa kuko bose nabitaga Papa’’.

Gusa yishimira ko ubu yaje kwivumburamo ababyeyi byatumye aririmba indirimbo yise ‘Selfparenting’ bishatse kuvuga mu Kinyarwanda kwibera umubyeyi.

Mu gihe abandi ari Abakirisitu, Abisilamu Ras Banamungu we ati:’’Ubunyarwanda ni ryo dini ryanjye, Kirazira ituma nirinda ibizira n’ibiziririjwe bikamfasha gusabana n’imana yanjye Rugira’’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza