Incamake y’ubuzima bwa Neil Alden Armstrong wageze ku kwezi bwa mbere

Yanditswe na

Tuyishimire Constantin

Kuya 27 Kanama 2012 saa 10:36
Yasuwe :
0 0

Neil Alden Armstrong, umuntu wageze ku kwezi bwa mbere, yavutse tariki ya 5 Kanama 1930, ahitwa Wapakoneta, Ohio ho muri Leta Zunze Ubumwe z’Amerika akaba azwiho cyane cyane kuba umuhanga mu bumenyi bw’ikirere.
Armstrong ukomoka ku babyeyi be aribo Stephen and Viola Engel Armstrong , yavutse mu muryango w’abana 3, akaba ari we wari imfura iwabo. Mu mikurire ye yakuze afite muri we indoto zo kuzaba umupilote w’indege ndetse n’ umuhanga mu by’ubumenyi bw’ikirere.
Nk’uko urubuga rwa internet (...)

Neil Alden Armstrong, umuntu wageze ku kwezi bwa mbere, yavutse tariki ya 5 Kanama 1930, ahitwa Wapakoneta, Ohio ho muri Leta Zunze Ubumwe z’Amerika akaba azwiho cyane cyane kuba umuhanga mu bumenyi bw’ikirere.

Armstrong ukomoka ku babyeyi be aribo Stephen and Viola Engel Armstrong , yavutse mu muryango w’abana 3, akaba ari we wari imfura iwabo. Mu mikurire ye yakuze afite muri we indoto zo kuzaba umupilote w’indege ndetse n’ umuhanga mu by’ubumenyi bw’ikirere.

Nk’uko urubuga rwa internet www.buzzle.com rubitangaza, ku myaka ye ibiri y’amavuko, yaje gutemberana na se umubyara ku kibuga cy’indege, aho Armstrong yabonye ukuntu indege ziguruka bikaza kumushimisha, akaba ari naho yatangiriye kujya yumva akunze ibijyanye n’ikirere.

Uyu mugabo, mu bwana bwe akaba yarashimihshwaga cyane no kubona inyenyeri,ukwezi mu kirere bityo akumva nibura ashaka kuzagera ku Kwezi.

Ikindi kandi yakundaga cyane gusoma ibitabo bijyanye n’ubumenyi, imibare ndetse n’imibumbe yo mu kirere.

Neil yaje gukomeza gukunda ibijyanye n’ikirere kugeza ubwo yahawe uruhushya rwo gutwara indege afite imyaka 16 y’amavuko igihe yari umunyeshuri mu ishuri ryisumbuye rya Blume( Blume High School), nyuma akaza kurirangirizamo amasomo ye mu 1947.

Nyuma yo kurangiza amashuri yisumbuye Neil yakomereje muri kaminuza ya Purdue( Purdue University) aho yigaga mu ishami ry’ubumenyi bw’ikirere.

Yaje kubona impamyabushobozi y’icyiciro cyambere cya kaminuza hanyu aza kuza guhagarika amasomo ye igihe gito ubwo yari agiye muri Korea gutwara indege za gisirikare mu ntambara yari muri icyo gihugu.

Hashize iminsi Armstong yagarutse muri kaminuza ya Purdue, akomeza amashuri ye, aza guhabwa impamyabumenyi y’icyiciro cya 2 cya kaminuza.

Mu 1955 yahawe impamyabushobozi yo ku rwego rwa Masters ku bijyanye no gucunga ikirere,ayikuye muri kaminuza ya California y’amajyepfo (University of Southern California).

Amaze igihe gito Neil yahawe impamyabumenyi y’icyubahiro yo mu rwego rwa Dogitora (Doctorat) ahita ahabwa akazi mu muryango wita ku by’ikirere NASA (National Aeronautics and Space Administration).

Mu 1962 Armstrong yafashe icyemezo cyo gutangira gutembera ikirere kuko yari afite amatsiko yo kumenya ibiri hirwa y’iyi Si dutuye.

Ku itariki ya 16 Nyakanga 1969 ,Armstrong yafashe urugendo ajya ku kwezi atwaye icyogajuru Appolo 11,akaba yari aherekejwe na bagenzi be 2 aribo Michael Collins na Edwin Aldrin.

Nyuma y’iminsi ine gusa, Neil yari amaze kugera ku kwezi aho yagerageje gutera intabwe ku butaka bw’ukwezi.

Ku itariki ya 24 Nyakanga 1969 nibwo Armstrong yavuye ku kwezi yigarukira ku mubumbe dutuye. Neil Armstrong yatabarutse tariki ya 25 Kanama 2012, akaba yari afite imyaka 82 y’amavuko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza