Julien Andre Umuyobozi akaba ari n’uwashinze umuryango «Ibuka tariki ya 7 Mata», mu kiganiro yagiranye n’Umunyamakuru wa IGIHE uba mu Bubiligi, atangaza ko Umuryango yashinze ufite intego yo kurwanya abahakana bakanapfobya Jenoside yakorewe Abatutsi.

IGIHE: Mwashinze Umuryango Ibuka tariki ya 7 Mata. Iryo zina ryavuye he?

Julien André: Navutse ku itariki ya 7 Mata 1994 ikaba ari yo tariki Jenoside yakorewe Abatutsi yatangiye. Kubera ko umuryango wacu ugamije kwibuka Jenoside ni ho izina ryaturutse.

IGIHE: Ni gute se wamenye Jenoside yakorewe Abatutsi?

Julien André: Nigeze nandika muri Google umunsi w’amavuko wanjye, icyo gihe nari ndimo gukora umukoro mu ishuri ryisumbuye, ni bwo rero nayimenye.

IGIHE: Iri shyirahamwe ryawe ryavutse rite?

Julien André: Nyuma y’umwaka umwe ndangije amashuri yisumbuye, narimo gusobanurira inshuti yanjye ibijyanye na Jenoside umugore Anne Marie Lizin ……. Ni we wansabye ko nazamuherekeza kwibuka umwaka ushize, maze ntangira gutekereza ko ari ngombwa ko guhora hibukwa icyo gikorwa cy’amateka ari inshingano.

Yakomeje ampa ibitekerezo, ni gutyo igitekerezo cyo gushinga iryo huriro cyavutse. Nyuma nahuye na Ambasaderi w’u Rwanda hano mu Bubiligi n’ushinzwe itumanaho muri iyo Ambasade ni bo bakomeje kumfasha muri uwo mushinga.

IGIHE: Uwo muryango ufite iyihe ntego?

Julien André: Ifite intego yo kurwanya abahakana bakanapfobya Jenoside yakorewe Abatutsi mu 1994

IGIHE: Ubona ute ahazaza h’uyu muryango?

Julien André: Mu gihe gito turaza gutangira dukora inama mu mashuri, tubwira uryubyiruko ibijyanye na Jenoside n’ingaruka zayo. Na ho mu bihe biri imbere, twifuza ko umuryango wacu wazamenywa na benshi kugeza aho ubaye kaminuza.

IGIHE: Kuri ubu ni bande bagize uwo muryango?

Julien André: Ubu inama y’ubutegetsi igizwe n’urubyiruko rwavutse mu kwezi kwa Mata, hari n’abandi banyamuryango ariko dufite n’abanyamuryango 3 b’icyubahiro.

IGIHE: Hari aho muhuriye n’indi miryango ikora ibyo?

Julien André: Yego, mfite ibirango by’indi miryango. Cyane nka IBUKA Patrice Nkusi wa Mpore asbl na we wavutse ku ya 7 Mata 1996.

IGIHE: Ni gute ubona ibikorwa byabereye Stèle de Wolluwe?

Julien André: Nkeka ko ari igikorwa giteye isoni cyane cyatumye habaho ikosa rikomeye ku ruhande rwa Burugumesitiri Erehxe, twe nk’urubyiruko rw’ababiligi tubona biriya bikorwa biteye isoni, binagaragaza ko umuryango wacu ugifite akazi.

Inkuru ya Karirima A. Ngarambe yari mu Gifaransa ishyizwe mu Kinyarwanda na Richard Dan Iraguha

Julien André