Ibintu bine ababyeyi bakora bigafasha abana kugera ku ntsinzi

Yanditswe na Iradukunda Serge
Kuya 4 Kanama 2019 saa 09:43
Yasuwe :
0 0

Niba uri umubyeyi birumvikana ko ushaka ko umwana wawe azahirwa mu buzima ariko uruhare rwawe rurakenewe kugira ngo bagume mu cyerekezo kizima kizabafasha kugera aho bigeza mu buzima.

Ibi ni ibintu bamwe mu babyeyi bagiye bakora bigafasha abana babo gutera imbere mu buzima bwabo.

-  Kubareka bakabura ikibahuza rimwe na rimwe

Mu gihe ushobora gukeka ko abana batagira ikibahuza bashobora guhura n’ibibazo mu mikurire yabo, ubushakashatsi bwerekana ko iyo umwana adafite icyo ahugiyeho cyane bituma akura mu bwenge no mu marangamutima kuko iyo adafite icyo akora bituma agira ubushobozi bwo guhanga udushya.

Igihe ababyeyi bakunze kugena ibyo abana bagomba gukora, bo ntibabasha kugira ubushobozi bwo kwishakira icyo gukora igihe ababyeyi batakibahaye.

Abashakashatsi berekana ko iyo abana bakinira hanze bibafasha kuvumbura imikino mishya.

-  Gutura ahantu haboneka ibimera byinshi

Ubushakashatsi bwakorewe muri Denmark ku bantu barenga 900 000 bwagaragaje ko abana bakurira ahantu hatari ibimera byinshi bagira 55% y’ibyago byo guhura n’ibibazo mu mitekerereze.

Abo bashakashatsi bemeza ko ahantu haboneka ibyatsi, ibiti n’ibindi bimera hafasha ubwonko kuruhuka, abantu bagashyikirana ndetse hakongerera imbaraga ubwirinzi bw’umubiri.

-  Kubafasha gusoma

Niba ushaka kugira abana b’abahanga, iga kubasomera ibitabo ndetse unabibaganirizeho mbere y’uko batangira n’ishuri.

Ubushakashatsi bwakorewe ku bana 229 bo mu Budage igihe bari hagati y’imyaka itatu n’itanu bukaza kongera bafite hagati ya 12 na 13, bwagaragaje ko abana bakunze gusomerwa ibitabo no kuganirizwa n’ababyeyi babo ibyerekeye gusoma bakuze bafite ubuhanga mu gusoma no mu bijyanye n’imibare.

-  Kudahugira kuri telefoni

Abashakashatsi bagaragaje ko ababyeyi bakoresha telefoni cyangwa televiziyo nk’uburyo bwo kwirengangiza amakosa y’abana babo.

Umuganga w’abana witwa Jenny Radesky yavuze ko ubwo buryo butuma umubyeyi atagirana imishyikirano n’abana yashoboraga gutuma aba umubyeyi mwiza.

Yavuze ko “Dukeneye kuba maso, twumva tunakusanya ibimenyetso kugira ngo dusubize mu buryo buboneye kandi dufashe abana bacu kugira ubushobozi bwo kwigenzura.”

Ababyeyi bafasha abana babo gusoma baba babategurira kuzavamo abantu bakomeye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza