Bitewe n’imigenzo ndetse n’imyemerere y’uduce dutandukanye hirya no hino ku Isi, usanga habaho uburyo bukoreshwa mu kuvura abantu cyangwa se bukizerwa ko buvura nyamara ugasanga butangaje cyangwa bukanatera ubwoba umuntu ububonye bwa mbere atabumenyereye.

Urubuga rwa internet forum.facmedicine.com rwanditse 10 muri bumwe mu buvuzi butangaje usanga mu bice bitandukanye bw’Isi:

1. Uyu mugabo bamushyizeho akanyamashyo, bizera ko iyo gakoze ku muntu kamukiza indwara zijyanye no kubemba uruhu. Muri Cambodia bizera ubuvuzi bukoresha imbaraga zirenze iza muntu akenshi bizera mu bikoko nk’utunyamashyo, inzoka, inka n’ibindi.

2. Uyu mugore we arahabwa ubuvuzi gakondo bw’Abashinwa mu bitaro bya Jinan mu Bushinwa, aho ashyirwaho udusimba bita scorpion mu isura natwo bakatwizeramo imbaraga zikiza.

3. Bushinwa: Uyu mugore yashyizwe ibi bikoresho mu matwi no ku maso mu bitaro bya Jinan mu kwizera ko bimufasha gukira ibyo arwaye.

4. Uyu mugore witwa Liz Cohen yagiye muri “massage” muri Israel aho inzoka ari yo ikoreshwa ikamunyereraho.

Ada Barak nyirinzu ikorerwamo massage we yizera ko gukoresha inzoka muri massage bifasha umuntu waje kuyikoresha, mu gihe aje afite umunaniro utewe no kwiheba zikamuhumuriza agasubirana ubuzima bwiza.

5. Aba ni abakerarugendo mu Majyepfo y’u Bushinwa bisiga ubwoko bw’ibitaka by’umukara. Muri aka gace bizera ko ibi bitaka bifasha umuntu kugira uruhu rwiza.

6. Uyu mugabo agiye kumira ifi nzima yatamitswe imiti, mu Majyepfo y’u Buhindi bayizeramo umuti w’indwara ya Asima ndetse n’izindi ndwara z’ubuhumekero.

7. Uyu murwayi arahabwa imiti gakondo yo mu Bushinwa bizera ko ivura idwara yo mu bwonko.

8. Mohmmed Emad, Umunyamisiri w’imyaka 41 yahambwe igice umutwe usigara hejuru. Muri aka gace ka Misiri bizera ko iyo umuntu ahambwe gutya bimuvura indwara zirimo n’uburemba.

9. Muri Palestine hari abavura umugongo gutya

10. Ubu buryo buzwi ku izina rya Dr. fish cyangwa muganga samake bukoreshwa muri Turukiya aho amafi yogera imbere y’isura y’umuntu uri mu kidendezi cy’amazi y’imyunyungugu ashyushye byizerwamo gukiza indwara z’uruhu.