00:00:00 IGIHE NETWORK KN KINYARWANDA EN ENGLISH FR FRANCAIS

Ibihugu bya mbere bifite “couple” zitarara zidateye akabariro ku munsi wa mbere w’ubukwe

Yanditswe na Muhonzire Sylvine
Kuya 24 Ukuboza 2020 saa 01:00
Yasuwe :
0 0

Ubushakashatsi bwakozwe kuri ‘couple’ 980 zo mu bihugu 44 bifite abaturage benshi kugira ngo harebwe niba batera akabariro ku munsi wa mbere w’ubukwe, bwagaragaje icumi bya mbere babikora ku munsi w’ubukwe ndetse n’ibya nyuma batabikora.

Igihugu kiza ku mwanya wa mbere, ni Finland, aho 89% bya “couple” batera akabariro ku munsi w’ubukwe, aho bikekwa ko baba babiterwa n’ikirere gikonja, bigatuma abageni bihutira kujya mu buriri iyo ibirori birangiye.

Misiri iza ku mwanya wa kabiri, aho abashyingiwe 88% batera akabariro ku munsi w’ubukwe mu gihe 12% bo batabikozwa. Bivugwa ko kubera ubushyuhe buba mu Misiri, iyo ubukwe burangiye, abageni bumva bakuramo imyenda.

Abanya-Brésil bazwiho kugira amaraso ashyushye baza ku mwanya wa gatatu mu bihugu icumi bya mbere, aho 87% babikora ku munsi wabo wa mbere bahawe uburenganzira bwo kwitwa umugabo n’umugore.

Ikurikirwa na Argentine 86%, Leta Zunze Ubumwe z’Abarabu ifite 86%, mu gihe iza Amerika yo iri ku mwanya wa cumi mu bihugu bya mbere byakoreweho ubushakashatsi na 78% bya couple zitirindiriza indi minsi.

Mu bihugu biza ku mwanya wa nyuma habanza Autsralie, 36% by’abashyingiranywe aribo bonyine bakora imibonano mpuzabitsina ku munsi w’ubukwe mu gihe abandi 64% bakomeza kwishimana n’inshuti n’abavandimwe. Ikabanzirizwa n’u Buyapani ndetse n’u Burusiya.

Ubu bushakashatsi bwagaragaje ko impamvu hari ibihugu birimo couple zidakunda gutera akabariro ku munsi wa mbere w’ubukwe ari ukubera igihe kinini baba baramaze bategura ubukwe, ku munsi nyir’izina benshi bakirirwa bahagaze, babyina, ubukwe bukarangira abageni barushye cyane, ubukwe bwarangira ntibatere akabariro hatitawe ku buryo baba bakundanye cyane.

Indi mpamvu ni uko ibinyobwa abageni baba bafatiye mu bukwe birimo n’ibisembuye, bishobora gutuma abageni badatera akabariro kuri uwo munsi ahubwo bakabikora ku munsi ukurikira.

Ikindi kandi ni uko ngo abageni bategereza kubikora mu gihe cya nyacyo kibanogeye, bitewe n’uko ku munsi w’ubukwe baba bashaka gukomeza kwishimana n’inshuti zabo cyane ko abenshi baba bazajya mu kwezi kwa buki kure y’inshuti z’abo.

Imiterere y'ibihugu ni kimwe mu bituma abashyingiranywe barara cyangwa ntibarare badateye akabariro ku munsi wa mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .