Kopa Telecom ni kimwe mu bigo biri gufasha u Rwanda gutera intambwe iruganisha ku iterambere no kuba igicumbi cy’ikoranabuhanga, itanga internet yihuta kandi idacikagurika.

Nubwo iri mu bikorwa by’ikoranabuhanga, yifuza no kugira uruhare mu buzima bwa buri munsi bw’abaturage, harimo no kubungabunga imibereho myiza yabo mu buryo bw’ubuzima.

Binyuze mu mukino wa Golf, Kopa Telecom iri gutera inkunga irushanwa ryiswe ‘Friends of World Vision Rwanda Annual Golf Tournament’, rizabera kuri Kigali Golf Resorts & Villas ku itariki ya 22 Kanama 2026.

Mu kiganiro IGIHE yagiranye n’Umuyobozi ushinzwe Amasoko n’Ubucuruzi muri Kopa Telecom, Rusaro Jesca, yavuze ko iri rushanwa rizabafasha kwegera abaturage.

Ati “Turi abafatanyabikorwa ba World Vision muri iri rushanwa, kugira ko aho dukorera twongere kuhasubiza ibyo baba baduhaye mu gushimagira iterambere ryaho, harimo kurwanya igwingira n’imirire mibi. Iyi ni intangiriro ariko mu minsi iri imbere tuzakora ibindi byinshi cyane.”

Rusaro yavuze ko internet itangwa n’iki kigo yibanda cyane ku bigo binini, ibiro, amashuri, amahoteli, ibigo by’imari n’indi miryango ikenera internet yihuta, ihoraho kandi yizewe.

Iki kigo kandi kibasha kugera ku bakiliya bose hirya no hino mu gihugu hose, ku kigero cya 99,8%, harimo n’ibice bya kure ndetse n’ibyegereye imipaka y’u Rwanda.

World Vision yateguye iri rushanwa yifuza gukusanya agera mu bihumbi 500$, yo gufasha abana bafite imirire mibi harimo kububakira igikoni kigezweho cyo kubatunganyiriza ibyo kurya n’ibindi, ndetse hagati ya 2026-2030 ikazatanga ubufasha ku miryango igera kuri miliyoni 2,5.

Abakozi ba Kopa Telecom basobanuye umwihariko wa internet batanga

Umuyobozi ushinzwe Amasoko n’Ubucuruzi muri Kopa Telecom, Rusaro Jesca, ari gukina Golf

Abahagarariye Kopa Telecom na bo bahawe umwanya wo gukina Golf

Kopa Telecom ni umwe mu baterakunga mu irushanwa rya World Vision

c4:T18db,

Ni urugendo rw’imyaka 18 rwaranzwe no kwaguka, gutanga ibicuruzwa bifite ubuziranenge, byigonderwa no korohereza abakiliya. Ibikorwa byo kwizihiza iyi myaka bizakomeza mu cyumweru cyose.

Mu myaka yashize, Simba Supermarket yakomeje kwagura ibikorwa byayo, aho ubu ifite amashami 15 hirya no hino mu gihugu, ikomeza kugeza serivisi zayo hafi y’abaturage no kujyanisha ibikorwa byayo n’ibyo Abanyarwanda bakeneye mu buzima bwa buri munsi.

Kuva ku bicuruzwa bisanzwe bikenerwa mu rugo n’ibiribwa, kugeza ku bicuruzwa byihariye bikorerwa mu Rwanda n’ibitumizwa mu mahanga, Simba Supermarket yubatse uburyo bw’imikorere butuma abakiliya babona amahitamo menshi y’ibicuruzwa ahantu hamwe.

{{Imyaka 18 yo gutera imbere abakiliya badasigaye}}

Mu rugendo rwa Simba Supermarket, umubano wayo n’abakiliya wabaye ishingiro ry’ibikorwa byose by’iri guriro.

Mu gihe Simba Supermarket yizihiza imyaka 18, iyi sabukuru ntabwo ari umwanya wo kureba gusa aho ibikorwa byayo bigeze, ahubwo ni n’umwanya wo gushimira abakiliya, abakozi, abayigezaho ibicuruzwa n’abafatanyabikorwa bagize uruhare muri uru rugendo.

Umuyobozi Mukuru wa Simba Supermarket, Joseph Mutabazi, yavuze ko kuzuza imyaka 18 ari intambwe ikomeye ikigo gisangiye n’abantu bose bagishyigikiye muri uru rugendo.

Ati “Imyaka 18 ntabwo ari isabukuru gusa kuri twe. Isobanura imyaka 18 abakiliya bacu batugirira icyizere, ubwitange bw’abakozi bacu n’umubano ukomeye dufitanye n’abafatanyabikorwa ndetse n’abatugemurira ibicuruzwa. Simba Supermarket ntiyari kuba igeze aho iri uyu munsi iyo hataba abantu bahisemo gukurana natwe.”

Simba Supermarket yakomeje kwiyubaka nk’ikigo kititaruye aho aho abantu batuye ahubwo cyababaye hafi, gishyira amashami yacyo hafi y’ingo n’ahantu hatuwe cyane kugira ngo yorohereze imiryango kubona ibyo ikenera mu buzima bwa buri munsi.

Kuri Mutabazi, kwaguka ntibisobanuye kongera gusa umubare w’amaduka, ahubwo “bishingira ku kibazo kimwe ni gute twarushaho gukorera neza abakiliya bacu? Gufungura amashami hafi y’aho abantu batuye bisobanuye koroshya guhaha, gufasha imiryango kudatakaza umwanya no gutuma ibicuruzwa bifite ubuziranenge biboneka hafi yayo.”

Uretse ubucuruzi busanzwe, Simba Supermarket yakomeje no guhindura amaduka yayo ahantu abakiliya bashobora guhuriza hamwe guhaha n’ibindi bikorwa, birimo gusangira amafunguro no kwidagadura nk’umuryango.

{{Ubuziranenge, ibiciro byigonderwa n’amahitamo menshi}}

Mu rugendo rwayo rwo gukura, Simba Supermarket yakomeje gushyira imbere guhuza ubuziranenge bw’ibicuruzwa n’ibiciro biboneye.

Amaduka yayo ahuriza hamwe ibicuruzwa bikorerwa mu Rwanda n’amoko atandukanye y’ibicuruzwa bitumizwa mu mahanga, bigatuma abakiliya babasha kubona ibyo bakenera buri munsi ndetse n’ibicuruzwa byihariye biva ku masoko atandukanye yo hirya no hino ku Isi.

Binyuze mu buryo bwo kwigurira ibicuruzwa ku masoko atandukanye, ubufatanye n’abayigezaho ibicuruzwa ndetse n’imicungire myiza y’uruhererekane rwabyo, Simba Supermarket yakomeje kubyitaho no gukora ku buryo ibicuruzwa bifite ubuziranenge biboneka ku biciro Abanyarwanda bashobora kwigondera.

Simba Supermarket kandi yakomeje gushimangira ubufatanye n’ibigo byo mu Rwanda no mu mahanga mu rwego rwo kurushaho kunoza serivisi ihabwa abakiliya no kubaha agaciro karushijeho.

{{Kwizihiza abantu bagize uruhare muri uru rugendo}}

Mu rwego rwo kwizihiza isabukuru y’imyaka 18, Simba Supermarket iri gushyira abakiliya n’abandi bantu bose bagize uruhare mu rugendo rwayo ku isonga ry’ibi birori.

Iyi sabukuru ni umwanya wo gushimira abakozi bamaze igihe kinini muri iki kigo, abakiliya b’indahemuka, abayigezaho ibicuruzwa n’abafatanyabikorwa bagize uruhare mu iterambere ryayo mu myaka yashize.

Mutabazi arakomeza ati “Iyi sabukuru ni umwanya wo gushimira abakozi bacu bakorera abakiliya buri munsi, abatugemurira ibicuruzwa n’abafatanyabikorwa bizeye icyerekezo cyacu, ariko cyane cyane abakiliya bacu bakomeje guhitamo Simba Supermarket.”

Mu bafatanyabikorwa Simba Supermarket iha agaciro muri uru rugendo harimo I&M Bank Rwanda PLC, kubera ubufatanye bwakomeje kugira uruhare mu bikorwa by’iki kigo byo kurushaho korohereza abakiliya mu myaka yashize.

Iyi sabukuru izanarangwa n’ibikorwa bigenewe abakiliya ndetse n’ibindi byihariye bigamije gushimira abaguzi ku bw’icyizere n’ubudahemuka bakomeje kugaragariza Simba Supermarket.

{{Imihigo irakomeje}}

Ku myaka 18, Simba Supermarket ivuga ko iyi sabukuru atari iyo kwizihiza gusa ibyagezweho mu myaka yashize, ahubwo ko inareba ku hazaza.

Mu gihe urwego rw’ubucuruzi nk’ubwo ikora rukomeje gutera imbere mu Rwanda, imibereho mishya, uburyo bwo kwishyura hifashishijwe ikoranabuhanga ndetse n’ibyifuzo by’abakiliya bikomeje guhindura uburyo bwo guhaha.

Simba irateganya gukomeza kujyanisha ibikorwa byayo n’izi mpinduka, ikarushaho kwegera abakiliya, kwagura ubwoko bw’ibicuruzwa itanga no kunoza muri rusange uburyo abakiliya bakirwa mu maduka yayo.

Mutabazi ati “Twishimira cyane ibyo imyaka 18 ishize isobanuye kuri twe, ariko dushishikajwe kurushaho n’ibigiye gukurikiraho. Intego yacu ni ugukomeza kujyana n’impinduka z’abakiliya bacu, kugera ku baturage benshi no gukomeza kuzamura urwego rw’uburyo bwo guhaha mu Rwanda.”

Nyuma y’imyaka 18, Simba Supermarket itangiye ikindi cyiciro cy’urugendo rwayo, ishimira abakiliya n’abaturage bagize uruhare muri uru rugendo.

c5:T1285,

Iyi gahunda yafashije urubyiruko rw’imyaka 14 kugeza kuri 23 kubona ubumenyi ngiro, ubujyanama bwihariye ndetse n’uburambe mu kazi nyakuri.

Aya mahugurwa yari agamije guha urubyiruko ubumenyi ngiro n’ubunararibonye mu nzego zirimo ubuyobozi, ubumenyi mu micungire y’imari, imikoranire n’abaturage, itumanaho, ikoranabuhanga no gukoresha amakuru mu buryo butanga impinduka zirambye

Iyi ntambwe yishimiwe ku wa Kane, tariki ya 6 Kanama, mu muhango wo gusoza aya mahugurwa wabereye ku biro bya AKIISA i Kigali, witabirwa n’abarangije amahugurwa, imiryango yabo, ababahuguye ndetse n’abafatanyabikorwa.

AKIISA yashinzwe mu mwaka wa 2024, igamije guteza imbere urwego rw’ubuzima muri Afurika binyuze mu burezi, ubushakashatsi n’ubufatanye.

Iki kigo cyibanda ku kongerera ubushobozi cyane cyane abakora mu by’ubuzima ndetse n’abandi, kibaha ubumenyi n’ubushobozi ngiro (practical skills) binyuze mu mahugurwa imbonankubone no ku rubuga rw’ikoranabuhanga rufite amasomo arenga 60 mu byiciro bitandukanye by’ubuzima n’ubushakashatsi.

Ashimangira icyerekezo cy’iyi gahunda, Umuyobozi Mukuru wa AKIISA, Joselyne Uwitonze, yashimiye abasoje aya mahugurwa, agaragaza akamaro ko gushora mu rubyiruko no kuruha ubumenyi bushobora kurufasha gushaka ibisubizo by’ibibazo sosiyete ihura na byo.

Yashimangiye ko iyi gahunda itari igamije gutanga ubumenyingiro gusa ahubwo yanibandaga ku guteza imbere ubushobozi bw’abitabiriye mu bijyanye n’ubuyobozi, gukorera hamwe no kwigirira icyizere mu gihe bitegura kujya mu nzego zitandukanye mu bihe biri imbere.

Uwitonze yagize ati “Urugendo basoje rugaragaza imbaraga ziba mu guhuza ubumenyi, ubujyanama n’ubunararibonye. Twizera ko uru rubyiruko rufite ubushobozi bwo gutanga ibisubizo by’umwihariko mu nzego zose.”

Uhagarariye abanyeshuri, Ineza Merveille, yavuze ku bunararibonye bungukiye muri iyi gahunda, ayisobanura nk’amahirwe yafashije abayitabiriye kuvumbura ubushobozi bwabo, kongera ubumenyi no guhura n’abandi bahuje intumbero yo guhanga ibishya no guhindura sosiyete mu buryo butanga impinduka.

Yavuze ko aya mahugurwa yagaragarije aba banyeshuri kurenga ku kwiga amasomo mu magambo gusa, ahubwo bagakoresha ubumenyi bafite mu gukemura ibibazo byo mu buzima busanzwe.

Yagize ati “Iyi gahunda yaduhaye uburyo bushya bwo kwimakaza gahunda zo guhanga ibishya n’ubuyobozi. Twize gutekereza byimbitse, gukorera hamwe no kwizera ubushobozi bwacu bwo guharanira impinduka.”

Samuel Inshutiyimana na we wasoje aya mahugurwa, yashimiye AKIISA, abajyanama n’ababahuguye ku nkunga bamuhaye muri ibi byumweru bitandatu.

Yavuze ko aya mahugurwa yahaye abayitabiriye amasomo y’ingirakamaro azakomeza kubayobora mu rugendo rwabo ruri imbere.

Inshutiyimanayagize ati “Ubumenyi n’ubunararibonye twungutse bizakomeza kuba ingenzi mu gihe dukomeza kubaka umwuga wacu no gushaka uburyo twagira uruhare mu iterambere ry’imiryango yacu.”

Ababyeyi na bo bashimye iki gikorwa ku bw’amahirwe giha urubyiruko mu kurutegurira ahazaza.

Umwe mu babyeyi yashimye AKIISA ku gutegura gahunda ihuza uburezi, ubujyanama no guteza imbere ubumenyi ngiro.

Yashishikarije abasoje aya mahugurwa gukoresha ubumenyi bungutse kugira ngo babe urubyiruko rwiita ku nshingano n’abahanga ibishya bashobora kugira uruhare rwiza muri sosiyete.

Uyu mubyeyi yakomeje agira ati “Ishoramari ryakozwe mu guteza imbere uru rubyiruko nigamije guteza imbere ahazaza. Iyo urubyiruko ruhawe ubumenyi n’amahirwe bikwiye, rushobora guhanga ibisubizo bigirira akamaro abandi benshi.”

Umuhango wo gusoza aya mahugurwa wasojwe no gutanga impamyabumenyi ku bitabiriye AKIISA Summer Academy 2026, aho abasoje neza iyi gahunda bahawe impamyabumenyi mu rwego rwo gushimira umuhate n’uruhare bagize.

Mu gihe uru rubyiriko rwahuguwe rugana mu mashuri makuru no mu kazi, AKIISA yongeye gushimangira ubwitange bwayo mu guteza imbere igisekuru gishya cy’Abanyafurika bahanga udushya, abashakashatsi n’abahindura imibereho y’abaturage.

c6:T474,

Mu gihe abakunzi b’umupira w’amaguru hirya no hino ku Isi bitegura itangira ry’umwaka mushya wa shampiyona y’umupira w’amaguru 2026-2027 mu bihugu bitandukanye, ku migabane itandukanye, StarTimes yongeye kwibutsa abafatabuguzi bayo ko izakomeza kubagezaho imwe mu mikino myiza ya ‘pre-season’, cyane cyane ku Mugabane w’u Burayi mu bihugu bitandukanye nko mu Bwongereza, u Budage, u Butaliyani, u Bufaransa, Espagne n’ibindi byinshi.

Iyi mikino iri gutambuka kuri shene ya World Football CH 245 kuri antene & CH 254 kuri antene y’igisahani na Sports Premium CH 252 kuri antene isanzwe, CH 246 kuri antene y’igisahani.

Ibi biragusaba kuba ufite dekoderi ya StarTimes irimo ifatabuguzi rya Classic cyangw Smart bouquet.

c7:T13d5,

Rentco Africa Rwanda imaze imyaka itandatu ikorera mu Rwanda, aho ikodesha ibigo imitungo irimo imodoka, imashini n’ibindi bikoresho bikoreshwa mu bikorwa bya buri munsi.

Iki kigo kimaze imyaka itanu gikorana na MTN Rwanda, kiyikodesha imodoka zifashishwa mu mirimo yayo.

Ubufatanye bushya hagati ya CEVR na Rentco Africa Rwanda, bwatangijwe ku wa 28 Nyakanga 2026, bwahereye ku modoka z’amashanyarazi Rentco izajya ikodesha MTN Rwanda.

Umuyobozi wa Rentco Africa Rwanda, Kabera Vianney, yavuze ko MTN Rwanda yari isanzwe ikoresha imodoka zikoresha lisansi, ariko ko zatangiye gusimbuzwa iz’amashanyarazi mu kugabanya ikiguzi cya lisansi no kurushaho kubungabunga ibidukikije.

Ati “Ubundi bakoreshaga imodoka zikoresha lisansi, ariko imodoka tugiye kubahindurira zose ni izikoresha amashanyarazi.”

Kabera yavuze ko bahisemo gukorana na CEVR kubera ko ari kimwe mu bigo byinjiza mu Rwanda imodoka nyinshi z’amashanyarazi zo mu byiciro bitandukanye.

Biteganyijwe ko Rentco Africa Rwanda izagura muri CEVR imodoka z’amashanyarazi zigera kuri 70, zikazahabwa MTN Rwanda mu byiciro bitandukanye. Mu cyiciro cya mbere, hatanzwe imodoka 20.

Izi modoka zitezweho gufasha MTN Rwanda kugabanya amafaranga yakoreshaga kuri lisansi no ku bikorwa bimwe na bimwe byo kuzitaho no kugabanya imyuka ihumanya ikirere ituruka ku modoka zikoresha ibikomoka kuri peteroli.

Umuyobozi ushinzwe ibijyanye n’ubwikorezi muri MTN Rwanda, Rwanyonga Mathias, yavuze ko iki kigo gifite intego yo kuba mu 2028 imodoka zose gikoresha mu mirimo yacyo ari iz’amashanyarazi.

Umuyobozi Mukuru wa CEVR, Nzeyimana Issa, yavuze ko bishimiye kugirana ubufatanye na Rentco Africa Rwanda, kuko buzafasha kongera umubare w’imodoka z’amashanyarazi zikoreshwa mu gihugu.

Yagaragaje ko gukoresha imodoka z’amashanyarazi bifasha kugabanya imyuka ihumanya ikirere, ndetse bikagabanya amafaranga akoreshwa kuri lisansi no ku isanwa rya hato na hato.

Ati “Iyo umuntu aguze imodoka y’amashanyarazi, aba agize uruhare mu kubungabunga ibidukikije.”

CEVR ifite imodoka z’amashanyarazi zo mu byiciro bitandukanye, zifite ibiciro bihera kuri miliyoni 25 Frw kugera kuri miliyoni 200 Frw. Iki kigo gitanga kandi ‘Warranty’ y’imyaka umunani ku modoka zacyo.

Gifite igaraje ryihariye mu gusana no kwita ku modoka z’amashanyarazi, ndetse na sitasiyo zigera ku 10 zifashishwa mu kuzongerera umuriro.

Umuyobozi Mukuru wa CVER, Nzeyimana Issa, yavuze ko bishimiye kugirana imikoranire na Rentco Africa Rwanda mu bijyanye no gukomeza kugeza imodoka z’amashanyarazi mu Rwanda kuko zigira uruhare mu kutangiza ikirere cy’igihugu.

Umuyobozi ushinzwe ibijyanye n’ubwikorezi muri MTN Rwanda, Rwanyonga Mathias, yavuze ko bafite gahunda y’uko mu 2028 bazaba bakoresha imodoka z’amashanyarazi mu kubungabunga ibidukikije

Umuyobozi wa Rentco Africa Rwanda, Kabera Vianney, yavuze ko bahisemo gukorana na CEVR mu rwego rwo gukomeza kubungabunga ibidukikije

MTN Rwanda yashyikirijwe imodoka zitangiza ikirere

c8:T7b1,

Simba Supermarket imaze kumenyekana mu korohereza Abanyarwanda kubona ibicuruzwa byaba iby’imbere mu gihugu ndetse no mu mahanga ikabibegereza binyuze mu mashami yayo 15 ari hirya no hino mu gihugu.

Si ibyo gusa kandi ifasha abantu kugira ibihe byiza binyuze mu mafunguro meza ari muri restaurant zayo, imikino itandukanye iri ku cyicaro cyayo cya Simba Center ndetse n’ibindi nko kureba filime mu buryo bwa 3D cyangwa 5D n’ibindi.

Muri ibyo byose I&M Bank Rwanda PLC yashyizeho uburyo bwo korohereza abajyana abana ndetse n’imiyango yabo kuhagirira ibihe byiza, aho hari serivisi zitandukanye zo kuborohereza kwishyura.

Ibi byose ni ibigamije korohereza imiryango kugirana ibihe byiza, kuganira n’abana, kubafasha kuryoherwa n’ibiruhuko, n’ibindi.

Umuyobozi Mukuru wa Simba Supermarket, Joseph Mutabazi, yagaragaje ko ubu bufatanye bugamije gukomeza guha serivisi nziza abakiliya bayo.

Ati “Nka Simba Supermarket twizera ko buri muntu utugannye bikwiye kuba birenze kuba aje guhaha gusa. Ibi biruhuko tunejejwe no guha imiryango ibihe bihuriza hamwe guhaha, ibiryo biryoshye ndetse n’imyidagaduro ku myaka iyo ari yo yose.”

Binyuze muri ubu bufatanye hagati ya Simba Supermarket na I&M Bank Rwanda Plc, bikomeje gushyigikira uburyo bushya bwo kwishyura, bifasha abakiliya kubona serivisi zo kwishyura hakoreshejwe ikoranabuhanga zibafasha kwishyura mu buryo bwihuse, bworoshye kandi bwizewe.

Ubu bufatanye bugaragaza intego ihuriweho n’ibi bigo byombi yo guha abakiliya ibihe byiza bihuza udushya, ikoranabuhanga ndetse n’ibindi byoroshya ibikorwa byabo bya buri munsi.

Simba Supermarket ifite imikino itandukanye

c9:T13ac,

Ni ibirori byabaye ku wa 10 Nyakanga 2026, mu Murenge wa Niboye, Akarere ka Kicukiro iri shuri riherereyemo, byitabirwa n’abayobozi b’ishuri, abafatanyabikorwa n’ababyeyi barerera kuri iri shuri.

Umuyobozi Mukuru w’Inama y’Ubutegetsi y’Ishuri rya Saint Joseph, Irankunda Jolly, yavuze ko ubufatanye bw’ababyeyi baharerera no kugira abarimu b’inzobere biri mu bifasha abana gutsinda ku rwego rwiza.

Yagize ati “Ikintu kidufasha ni ubufatanye n’ababyeyi ku buryo usanga abana bagera mu rugo bagafashwa kugira ngo babashe gutanga umusaruro. Ikindi ni abarimu dufite, kuko tuba dushaka ko umwana atsinda bigendeye k’uko twateguye umwarimu n’ubufatanye bw’ababyeyi.”

Yagaragaje ko bakomeje gushyira imbaraga mu masomo arimo n’indimi zirimo n’Ikinyarwanda kugira ngo abana bazamuke bazi no kukivuga neza, asobanura ko izindi gahunda bafite zirimo no gushyira Igiswahili mu masomo batanga kugira ngo bafashe abana kumenya indimi zindatukanye.

Umuyobozi wa Saint Joseph, Nteziyaremye Jean Pierre, yashimiye abanyeshuri bitwaye neza, agaragaza ko bamwe baje bataramenya kuvuga neza ariko umuhate bagize watumye baba intyoza.

Ati “Tubashimiye umuhate mwagaragaje, mwaritanze kandi rwose umusaruro turawubona. Mukomereze aho n’andi mashuri mukomejemo muzakomeza mwitware neza.”

Yasabye abasoje amashuri abanza kuzaba ba Ambasaderi beza barangwa n’ubupfura, ubuhanga n’ubushishozi bijyana n’ubukiristu, ndetse asaba ababyeyi gukomeza gukurikirana abana mu biruhuko, bakomeza gushyira mu bikorwa ubufatanye bafitanye.

Nteziyaremye yanashimiye abarimu ku murava n’ubwitange bakorana akazi ndetse anashimira ababyeyi ku mikoranire myiza hagati yabo n’ubuyobozi bw’ishuri.

Umuyobozi w’ishuri yasabye ababyeyi kujyana abana mu biruhuko bya ‘summer camp’ kugira ngo bafashwe kongera ubumenyi mu mibare ndetse ko hari na ghunda yo kwigisha abana kubyina imbyino gakondo kuko ishuri ryashatse inzobere zizabigisha.

Umunyeshuri wasoje amashuri abanza, Ishimwe Byamungu Giselda, yavuze ko kuva atangiye amashuri y’inshuke, kugeza ubwo asoje abanza, yahawe ubumenyi budasize no gutozwa kubana neza n’abandi.

Ishimwe yashimiye ubuyobozi bw’ikigo bwabigizemo uruhare, ndetse agaragaza ko azakomeza kwitwara neza no kugendera ku ndangagaciro yaherewe muri iri shuri.

Uretse abanyeshuri 126 basoje amashuri abanza, hari n’abasoje amashuri y’inshuke 64 bakaba bagiye gukomereza mu mashuri abanza. Kugeza ubu, iri shuri rifite abanyeshuri 730.

Ibi birori byitabiriwe n’abayobozi b'ishuri, abafatanyabikorwa n’ababyeyi barirereramo

Hari n’abana 64 barangije amashuri y’incuke, bagiye gukomereza mu mashuri abanza

Abarangije amashuri abanza muri Saint Joseph basabwe kutazatatira indangagaciro bahawe

Nteziyaremye Jean Pierre yashimiye abanyeshuri bitwaye neza

Irankunda Jolly yavuze ko ubufatanye bw’ababyeyi baharerera no kugira abarimu b’inzobere biri mu bifasha abana gutsinda neza

ca:T1a02,

Iyi banki yahuguye aba-Agents bayo bakorera mu Mujyi wa Kigali n’abaturutse mu turere twa Gicumbi, Muhanga na Bugesera, nyuma yo guhugura abandi bo mu Ntara y’Iburasirazuba kandi bakomereje no mu zindi ntara.

Umuyobozi w’Ishami rishinzwe gucunga aba-Agents muri I&M Bank Rwanda Plc, Mwiseneza Ndayishimiye Anderson, yavuze ko guhugura aba-Agents ari igikorwa ngarukamwaka kigamije kubafasha gukomeza gutanga serivisi inoze.

Ati “Buri mu-Agent ahugurwa byihariye mbere yo gutangira gutanga serivisi za banki, ariko buri mwaka tunahuriza hamwe aba-Agents bacu bose kugira ngo turusheho kubongerera ubumenyi mu buryo bwo gufasha I&M Bank kugeza serivisi zayo ku baturage bari mu bice binyuranye by’Igihugu.”

Yavuze ko muri ayo mahugurwa bibanda ku ngingo zirimo imitangire myiza ya serivisi za banki, indangagaciro zigomba kuranga umu-Agent, gucunga neza amakuru y’abakiliya no kubahiriza amategeko n’amabwiriza ajyanye no kurwanya iyezandonke no gutera inkunga iterabwoba n’ibindi.

Yakomeje ati “Hari nk’igihe usanga umu-Agent ashobora kwakira umukiliya ubitsa amafaranga kuri konti, ariko adasuzumye neza ko amazina ahujwe na nimero ya konti, amafaranga akayoba. Hari n’igihe mukiliya aza kubikuza, umu-Agent akamuha amafaranga arenze ayo yasabye. Ibyo bishobora kumuteza igihombo ndetse bikangiza isura ya banki.”

Yanaboneyeho kwibutsa aba-Agents kwitwararika ibikorwa bishobora kuba bifitanye isano n’iyezandonke.

Ati “Batabyitayeho neza bashobora kwisanga bakoze ibyaha by’iyezandonke. Hari nk’umuntu ushobora kuza kubitsa amafaranga akomoka mu bikorwa binyuranyije n’amategeko. Iyo bibonetse, umu-Agent agomba kugira amakenga akabimenyesha banki kugira ngo icyo gikorwa gikorweho igenzura.”

Mwiseneza yasobanuye ko intego y’ayo mahugurwa atari ugutera ubwoba aba-Agents, ahubwo ari ukubibutsa amabwiriza agenga imitangire ya serivisi za banki no kubafasha kwirinda amakosa ashobora guteza igihombo bo ubwabo cyangwa banki.

Umuyobozi w’Ishami rishinzwe abakiliya ku giti cyabo muri I&M Bank Rwanda PLC, Kayihura Yves, yavuze ko iyi banki ikomeje kwagura serivisi zayo hirya no hino mu gihugu, ariko ikabona ko amashami yonyine adahagije.

Ati “Turabasobanurira serivisi zose bemerewe gutanga kuko tugenda tuzongera. Dushaka no kubafasha kugira igishoro gifatika. Turabizi ko benshi bafite n’ibindi bakora, ariko abakeneye kwaguka turashaka kureba uko twabafasha kugira igishoro kinini kibafashe gufasha abakiliya bafite ubushobozi butandukanye.”

I&M Bank Rwanda PLC yatangije serivisi ya Karame Twaje Agency Banking mu mwaka wa 2025, igamije kugeza serivisi za banki ku baturage aho bari hose binyuze mu ba-Agents.

Binyuze muri aba-Agents, umukiliya ashobora kubitsa amafaranga kuri konti ya I&M Bank, kubikuza, kwishyura fagitire zinyuranye, kwishyura amafaranga y’ishuri hakoreshejwe SchoolGear, kugura amayinite n’ibindi.

Hari kandi serivisi nshya yemerera umuntu ushaka gufungura konti muri I&M Bank kubikorerwa n’umu-Agent.

Muri rusange, umukiliya ashobora kubikuza amafaranga agera kuri miliyoni 2 Frw inshuro imwe, ndetse akanabitsa agera kuri miliyoni 10 Frw ku gikorwa kimwe, bitewe n’ingano y’igishoro umu-Agent afite.

Umu-Agent wa I&M Bank ukorera i Kabuga mu Mujyi wa Kigali, Cyiza Charles, yavuze ko amahugurwa yabafashije gusobanukirwa serivisi nshya zirimo gukusanya amakuru y’abifuza gufungura konti muri I&M Bank.

Yavuze kandi ko yasobanukiwe neza uburyo bwo kurinda amakuru y’abakiliya no kugira amakenga ku bikorwa bishobora kuba bifitanye isano n’iyezandonke, ibintu avuga ko bizamufasha gutanga serivisi nziza no guteza imbere ubucuruzi bwe.

Undi mu-Agent, Uwateta Epiphanie, ukorera i Muhanga yavuze ko amahugurwa yamufashije kunoza uburyo atanga serivisi, gucunga amakuru y’abakiliya no gusobanukirwa neza uburyo bwo gufasha abifuza gufungura konti muri I&M Bank.

Abashaka kuba aba-agents ba I&M Bank Rwanda begera ishami ryayo ribegereye cyangwa bagamagara 0788162006.

Umuyobozi w’Ishami rishinzwe gucunga aba-Agents muri I&M Bank Rwanda PLC, Mwiseneza Ndayishimiye Anderson, yavuze ko kubahugura bigamije gutanga serivisi nziza

Aba ba-agents batanga serivisi nyinshi za I&M Bank Rwanda

Aba-Agents ba I&M Bank Rwanda banyuzwe n'ibisobanuro bahawe

Umuyobozi w’Ishami rishinzwe abakiliya ku giti cyabo muri I&M Bank Rwanda PLC, Kayihura Yves, yavuze ko iyo banki ikomeje kwagura serivisi zayo

Aba-agents ba I&M Bank Rwanda basobanuje ibyo bakeneyeho ubumenyi

cb:T1307,

Jasmeet Chana na Ravi Chana si bashya mu Rwanda kuko basanzwe bakinira mu mihanda itandukanye kandi igoye yo mu Rwanda muri iri rushanwa riri ku ngengabihe ya Shampiyona Nyafurika yo gusiganwa mu modoka.

Aba bapilote babiri bakomoka muri Kenya bongeye kwitabirana ubunararibonye, ubushake bwo gutsinda ndetse n’umubano ukomeye bafitanye n’abakunzi b’umukino wo gusiganwa mu modoka mu Rwanda.

Urugendo rwabo muri uyu mukino rugaragaza imyaka myinshi bamaze bariyemeje gukomeza gukora neza no kugaragaza umusaruro uhoraho, ibituma baba imwe mu makipe yubashywe cyane mu karere.

Intsinzi yabo ishingiye ku bufatanye bwubakiye ku musaruro n’icyizere binyuze mu nkunga ihuriweho na RUBiS Energy Rwanda na Castrol, aho aba bavandimwe Jasmeet Chana na Ravi Chana bahabwa ibibafasha kwitwara neza mu isiganwa mu gihe bahanganye n’abandi.

Mu gihe RUBiS itanga imbaraga zo gukomeza urugendo, ikoranabuhanga rigezweho ry’amavuta ya moteri rya Castrol rifasha kurinda moteri mu gihe cyose cy’umuvuduko, kunyura mu makorosi no mu byiciro bigoye by’isiganwa, bigatuma imodoka ikomeza gukora neza mu bihe bikomeye kurusha ibindi.

Mu rwego rwo kwizihiza ubu bufatanye no kwegera abakunzi b’umukino wo gusiganwa mu modoka, RUBiS Energy Rwanda yateguye igikorwa cyo guhura n’abakunzi bayo (Public Meet & Greet) kuri Sitasiyo ya RUBiS Remera 3.

Abafana bahuye na ba Chana, bareba imodoka yabo y’isiganwa ndetse banafatana na bo amafoto y’urwibutso.

Abatwara moto na bo bahawe ibicuruzwa bya Castrol n’ibindi bicuruzwa bya RUBiS, ibigaragaza ubushake bwa Castrol bwo gutanga imbaraga no kurinda buri rugendo, kuva ku ngendo zisanzwe za buri munsi kugeza ku ntsinzi mu marushanwa akomeye.

Ibi birori byakomeje binyuze mu gikorwa cyihariye cyitwa “Breakfast with the Drivers”, cyahuje abaterankunga ba RUBiS, abafatanyabikorwa mu bucuruzi, abatumirwa, abahagarariye ibitangazamakuru n’abandi bafite aho bahuriye n’umukino wo gusiganwa mu modoka.

Iki gikorwa cyabaye umwanya wo kurushaho gukomeza umubano, kwizihiza ubufatanye hagati ya RUBiS Energy Rwanda, Castrol n’abavandimwe bazwi nka ba Chana, ndetse no kugaragaza indangagaciro bahuriyeho zituma bagera ku ntsinzi zirimo gukora neza, ubushobozi bwo guhanga udushya, gukorera hamwe no guharanira kuba indashyikirwa.

Abitabiriye iki gikorwa babonye umwanya wo kuganira n’abasiganwa mu buryo bwihariye, kumva amateka y’urugendo rwabo ndetse no kumenya uko bitegura kugira ngo babashe guhangana ku rwego rwo hejuru mu mukino wo gusiganwa mu modoka muri Afurika.

Ibi bikorwa bigaragaza igisumbye ubufatanye bwo kwamamaza, icyerekezo gihuriweho cyo gushyigikira impano za siporo, kubaka umubano ufite ireme n’abakiliya ndetse n’abafatanyabikorwa, no kugira uruhare mu iterambere ry’umukino wo gusiganwa mu Rwanda no mu karere.

Mu gihe ba Chana bitegura kongera guhangana mu byiciro bikomeye by’isiganwa mu Rwanda, bazabikora bafite icyizere gituruka ku bufatanye bwubakiye ku bushobozi bwo gukora neza.

Bashyigikiwe n’imbaraga zizewe za RUBiS ndetse barindwa n’ikoranabuhanga rigezweho rya Castrol, aba basiganwa bahagarariye kwiyemeza, kwihangana no kuba indashyikirwa biranga ibigo byombi.

RUBiS Energy Rwanda na Castrol ntibiri gushyigikira abahanganiye intsinzi gusa, ahubwo biri no gufasha ahazaza heza h’umukino gusiganwa muri Afurika, icyiciro ku kindi.

Rwanda Mountain Gorilla Rally y’uyu mwaka izaba iminsi itatu, kuva tariki ya 10 kugeza ku ya 12 Nyakanga 2026.

Jasmeet Chana na Ravi Chana bagiye kwitabira Rwanda Mountain Gorilla Rally bashyigikiwe na RUBiS Energy Rwanda na Castrol

Aba Banya-Kenya bavuze ko biteguye gutsinda

Abamotari bahawe amavuta ya Castrol bayishimiye

cc:T16bc,

Ibi bishimangira uruhare rwa NCBA nk’imwe muri banki ziyoboye isoko mu gutera inkunga igura ry’imodoka z’amashanyarazi mu Rwanda, ikomeje gukuraho inzitizi zatumaga benshi batabona izi modoka no kwihutisha urugendo rw’igihugu rugana ku bukungu butangiza ibidukikije.

Uyu musaruro wagaragajwe ku wa 2 Nyakanga 2026, ubwo habaga igikorwa cyo gushyikiriza abakiliya izindi modoka 15 z’amashanyarazi.

Ni ikimenyetso cy’uko ubufatanye bwa NCBA Bank Rwanda na Longtai Group bukomeje gutanga ibisubizo bifatika ku Banyarwanda bifuza gutunga imodoka nshya, zikoresha ikoranabuhanga rigezweho kandi zibungabunga ibidukikije.

Binyuze muri iyi gahunda, NCBA itanga inguzanyo yorohereza umukiliya kubona imodoka y’amashanyarazi akayitahana, akishyura mu byiciro bimworoheye mu gihe kigera ku myaka itanu.

Muri icyo gihe, umukiliya ahabwa ubwishingizi ndetse n’ubwishingizi bwa garanti y’imyaka itanu, bugamije kumurinda ibibazo by’ingenzi bishobora kuvuka ku modoka, bityo akayikoresha afite icyizere n’umutekano.

Umuyobozi ushinzwe Ubucuruzi muri NCBA Bank Rwanda, Nkubito Samuel, yavuze ko iyi gahunda ishingiye ku cyerekezo cya banki cyo gushyigikira iterambere rirambye no korohereza Abanyarwanda kubona ibisubizo bibafasha kwizigamira no guteza imbere imibereho yabo.

Yagize ati “Imodoka z’amashanyarazi ntabwo ari nziza gusa ku bidukikije, ahubwo ni n’igisubizo gifasha abazikoresha kugabanya cyane amafaranga bakoreshaga ku ngendo. Iyo umukiliya azigamye amafaranga ku lisansi no ku bindi bikorwa byo kuyitaho, aba yungutse ubushobozi bwo guteza imbere ubuzima bwe n’ubucuruzi bwe.”

Bamwe mu bamaze kungukira muri iyi gahunda ni abatwara abantu n’ibintu bavuga ko imodoka z’amashanyarazi zabahinduriye ubuzima.

Kamali Olivier, umaze gufata imodoka ya kabiri binyuze muri NCBA, yavuze ko yahoze arota gutunga imodoka nshya nyuma yo kurambirwa n’ibibazo by’imodoka zishaje.

Ati “Nafashe imodoka ya mbere muri gahunda ya NCBA mu 2025. Yamfashije kugabanya amafaranga nakoresha buri munsi, mbasha kwishyura banki, gutunga umuryango no kwizigama. Uyu munsi ngarutse gufata iya kabiri kubera ko nabonye inyungu zayo.”

Umuyobozi ushinzwe Ubucuruzi muri Longtai Group, Irareba François Régis, yavuze ko kimwe mu byatumaga abantu batinya imodoka z’amashanyarazi ari impungenge z’ibijyanye no kuzisana no kubona ibikoresho.

Yashimangiye ko Longtai ifite ibikoresho byose bisimbura ibyangiritse, igaraje rifite ibikoresho bigezweho n’abakanishi babihuguriwe, ku buryo abakiliya bahabwa serivisi zihuse kandi zizewe.

Uretse gufasha abantu ku giti cyabo, ubu bufatanye buri no gushyigikira gahunda y’u Rwanda yo guteza imbere ubwikorezi butangiza ibidukikije no kugabanya imyuka ihumanya ikirere.

Buri modoka y’amashanyarazi igezwa ku mukiliya iba ari intambwe iganisha ku Rwanda rufite ubwikorezi burambye, bukoresha ingufu zisukuye kandi bugabanya ikiguzi cy’ingendo.

Mu gihe umubare w’abamaze gutunga imodoka z’amashanyarazi binyuze muri NCBA ukomeje kwiyongera, banki ikomeje gushimangira intego yayo yo kuba umufatanyabikorwa wizewe mu gutera inkunga ibisubizo bishya, bifasha abakiliya gutera imbere no kubaka ubukungu burambye.

Kuba abarenga 100 bamaze kungukira muri iyi gahunda ni ikimenyetso cy’uko ubufatanye bwa NCBA Bank Rwanda na Longtai Group bukomeje guhindura ubuzima bw’Abanyarwanda, imodoka imwe ku yindi.

Wifuza gutunga imodoka y’amashanyarazi, NCBA Bank Rwanda ifite ibisubizo by’inguzanyo byorohereza abakiliya gutunga imodoka z’amashanyarazi, mu gihe Longtai Group ibafitiye amoko atandukanye y’imodoka z’amashanyarazi ahuje n’ibyo bakeneye.

Sura amashami yacu akwegereye cyangwa uhamagare kuri 0788 315 792 maze utangire urugendo rugana ku bwikorezi bugezweho, buhendutse kandi bubungabunga ibidukikije.

cd:T2f07,

Iki kigo kiri gufatanya n’abashoferi, ba nyir’ibinyabiziga n’abafatanyabikorwa kugira ngo hanozwe serivisi za ‘taxi voiture’, kibashishikariza guhindura ibinyabiziga bishaje bigasimbuzwa ibishya, bigezweho harimo n’ibinyabiziga bikoresha amashanyarazi.

Nk’uko YEGO ibivuga, intego ni uguha abakiliya serivisi inoze, gutuma abashoferi bakora akazi kabo mu buryo buboroheye, no kujyana n’icyerekezo cy’u Rwanda cyo guteza imbere ubwikorezi butangiza ibidukikije.

Nk’uko bimenyerewe, abagenzi bashobora gutega YEGO CABS bahamagaye numero itishyurwa ya 9191 cyangwa bakoresheje ‘Application’ ya YEGO Rwanda.

{{Ikoranabuhanga rigezweho, izingiro rya serivisi}}

Uruhare rwa YEGO mu mitangire ya serivisi za taxi mu Rwanda rwatangiye mu myaka myinshi ishize. Mu 2018, nyuma y’ibiganiro n’Urwego Ngenzuramikorere (RURA), YEGO yatangije ikoranabuhanga rizwi nka ‘Intelligent Connected Fare Meter: ICFM)’, rikunze kwitwa ‘Mubazi’ rihabwa taxi zikora byemewe n’amategeko mu Mujyi wa Kigali.

Intego yari ugufasha gushyira ku murongo no gukoresha ikoranabuhanga mu kwihutisha serivisi za taxi hashyirwaho Mubazi zibara igiciro cy’urugendo, kubona no kubika amakuru y’ingendo, kubona taxi byihuse kandi hafi, ndetse n’uburyo buhamye bw’imikorere ku bashoferi ba taxi bafite ibyangombwa.

Ibi byaje mu gihe isoko rya taxi mu Mujyi wa Kigali ryarimo ihindagurika ryinshi. Ibyifuzo by’abakiliya byariyongereye, amahitamo yingendo ndetse n’ibinyabiziga bishya biri kwinjira muri uyu mwuga.

Abakoraga taxi mu buryo bwa gakondo bari bakeneye ikoranabuhanga ribafasha guhigwanwa ku isoko, kunoza serivisi no kubaka icyizere mu bagenzi batwara.

Muri YEGO iyi intego n’ubundi ikomeje kuba inkingi mwikorezi mu mirimo yayo uyu munsi: gukoresha ikoranabuhanga, amahugurwa n’ibinyabiziga bigezweho, mu gutuma umwuga wa taxi uba utekanye, uboneye ndetse ukozwe neza ku mpande zombi; ku bagenzi ndetse no ku bashoferi biri mu bishishikake iki kigo.

{{Ibinyabiziga 2.000 muri YEGO CABS}}

YEGO CABS ifite ibinyabiziga birenga 2.000 byanditswe ku rubuga rwayo rw’ikoranabuhanga ubu. Muri ibyo binyabiziga, ibisaga 57% ni ibinyabiziga bishya kandi bigezweho.

Iki kigo kivuga ko buri kwezi imodoka zishaje zigera kuri 80 zisimbuzwa inshya, mu rwego rwo kugabanya ibibazo abakiliya n’abashoferi bahuraga na byo, birimo imodoka zishaje, izigira ibibazo kenshi, izitanga serivisi itanoze cyangwa izituma urugendo rutagenda neza.

Hakurikijwe uyu muvuduko, YEGO ivuga ko gahunda yo gusimbuza imodoka zishaje izigezweho, harimo n’izikoresha amashanyarazi, ishobora kuba igeze ku rwego rushimishije bitarenze mu mpera za 2027.

Umuyobozi Ushinzwe Abakozi muri muri YEGO Innovision Ltd, Armella Manirambona, yavuze ko iyi gahunda ishingiye ku kuba abashoferi n’abashoramari baratangiye kubona akamaro ko gukoresha imodoka zigezweho, cyane cyane izikoresha amashanyarazi, kuko zigabanya amafaranga atangwa ku bicanwa, zikorohera abazikoresha kandi zikagira uruhare mu kurengera ibidukikije.

Yagize ati “Intego yacu ni ukwimakaza ubwikorezi butangiza ibidukikije, aho abashoferi bashobora guhindura bagakoresha imodoka zigezweho kandi zibungabunga ibidukikije, ari na ko bakomeza guteza imbere ibyo bakora, abakiliya na bo bagahabwa serivisi inoze.”

Izi mpinduka zije mu gihe ubwikorezi ku Isi buri kugana cyane ku modoka zikoresha amashanyarazi. Imibare igaragaza ko mu 2025 hagurishijwe imodoka z’amashanyarazi miliyoni 20 akaba ari ¼ cy’imodoka nshya zagurishijwe zose.

U Rwanda na rwo rwahagurukiye gushishikariza ikoreshwa ry’ibinyabiziga bitangiza ibidukikije ndetse muri iyi myaka mike ishize ibihumbi by’imodoka zikoresha amashanyarazi zinjijwe mu gihugu.

{{Inyungu itaziguye ku bashoferi}}

Ku bashoferi bakorana na YEGO, impinduka zigaragara mu buryo bwa buri munsi. Vincent Akimana, umaze igihe kinini mu mwuga wo gutwara abagenzi mu buryo bwa taxi voiture, avuga ko yagiye muri uyu mwuga na mbere y’uko YEGO itangira akazi, ariko ko kuva yatangira gukorana na yo mu myaka hafi icumi ishize hari impinduka zigaragara.

Yagize ati “Kuba harabonetse imodoka nshyashya ni ibintu umuntu wese yakwishimira, ndetse n’abakiliya barabyishimiye. Imodoka zacu twari twarazikoresheje kuva kera mu mihanda itandukanye, ariko ubu aho ibihe bigeze, imihanda yarakozwe, imodoka na zo ziraboneka. Ni byo byadushishikarije kwitabira kugura imodoka nshyashya.”

Akimana avuga ko imodoka zishaje zatumaga abakiliya bamwe batishimira serivisi, cyane cyane iyo bagendaga mu mihanda irimo ivumbi cyangwa mu modoka zidafite uburyo bwo gutanga umwuka mwiza imbere.

Ati “Iza mbere abakiliya bari bamaze kujya bazinubira bavuga ngo zishaje, ugasanga zirazamura akavumbi, ariko ubu izi nshyashya zifite ibisabwa byose.”

Yongeyeho kandi ko impinduka zitagarukira ku isura y’imodoka gusa, ashimangira ko zinafite aho zihurira n’uko akora, amafaranga atanga ayo yinjiza n’umutuzo agira mu kazi.

Kuri we imodoka zikoresha lisansi zatumaga umushoferi ahora atekereza ku giciro cy’ibikomoka kuri peteroli, ku mafaranga azasigarana, no ku mubare w’ingendo agomba gukora kugira ngo abone inyungu.

Yagize ati “Ku kibazo cya lisansi, twagendaga dufite umutima uhagaze. Wasaguraga dukeya cyane, ugahora uhanganye no kwihutisha umukiliya kugira ngo ugaruke utware undi, kugira ngo twa duke tuboneka twiyongere. Byatumaga umuntu ahorana umutima uhagaze.”

Akimana avuga ko imodoka y’amashanyarazi imuha amahirwe yo gukora azi neza ikiguzi cy’urugendo.

Ati “Inyinshi zigenda ibilometero 400 iyo zuzuye. Iyo ugereranyije n’iyo wakoresha lisansi, usanga habagamo igihombo kinini. Ariko ubu iyo washyizemo umuriro wuzuye, ukagenda ibyo birometero, usanga wabonye umusaruro ufatika. Bituma ukora akazi ufite umutima utuje, ugatwara abagenzi ufite umutima utekanye.”

Byiringiro Ézéchiel bakora umwuga umwe uwumazemo imyaka 17, yarkoranye na YEGO kuva mu 2018. Avuga ko imodoka nshya zije gukemura ikibazo abakiliya bari bafite.

Yagize ati “Hari itandukaniro rinini hagati y’imodoka zishaje n’imodoka nshyashya ziri kuza. Abakiliya bacu bakeneye impinduka. Barifuza kugenda mu modoka nshya zitabatesha igihe, zidahagarara mu nzira kandi zidafite ibibazo. Iyo umukiliya ayinjiyemo, aba yizeye kugera iyo ajya amahoro.”

Byiringiro avuga kandi ko YEGO yafashije abashoferi gukorera kuri gahunda. Ati “Mbere buri muntu yakoraga ku giti cye, ariko ubu dukora nk’abari hamwe. Muri YEGO turaganira, bakaduha inama n’amahugurwa. Abakiliya nibamenye ko ibintu byahindutse, batugane. Dufite imodoka nziza, turabatwara neza kandi twiteguye gukorana na bo.”

YEGO ivuga ko ivuga ko ishaka kwagura serivisi zayo z’imodoka mu Rwanda, kugira ngo abantu babone serivisi z’ingendo zihuse kandi zizewe.

Ivuga kandi ko izakomeza gukoresha ikoranabuhanga mu kongera umutekano w’ingendo, binyuze mu rizwi nka Intelligent Connected Fare Meters, gukurikirana urugendo hifashishijwe GPS, no kugenzura uko ingendo zikorwa.

Ikindi YEGO ishyize imbere ni ukwimakaza kwishyurana hifashishijwe ikoranabuhanga, harimo Mobile Money, YEGO Wallet n’ubundi buryo bwo kwishyura hatifashishijwe amafaranga mu ntoki.

Iteganya kandi guteza imbere serivisi z’abakiliya b’ibigo, ibihembo ku bakiliya bayikoresha kenshi, no kunoza imikorere ya ‘YEGO Rwanda Mobile Application’.

{{Kwagukira mu zindi ntara}}

YEGO ivuga ko itagarukira i Kigali gusa. Yatangiye igerageza rya serivisi zayo mu Karere ka Rubavu, aho ifite imodoka ziri gukora, mu rwego rwo gusobanukirwa neza ibyo abagenzi bo hanze ya Kigali bakeneye mbere yo kwagura serivisi mu yindi mijyi n’utundi turere.

Ku modoka zishaje zisanzwe zikoresha lisansi, YEGO ivuga ko idateganya kuzivanaho icyarimwe, ahubwo izakoresha uburyo bwo kuzisimbuza buhoro buhoro.

Izikiri gukora zizakomeza kwitabwaho, ariko izigenda zishaje cyangwa zitagifite ubushobozi bwo gutanga serivisi nziza zisimbuzwe izigezweho, zirimo n’izikoresha amashanyarazi.

YEGO ivuga kandi ko ihuza abashoferi bujuje ibisabwa na banki n’ibigo by’imari bishobora kubafasha kubona imodoka nshya, harimo n’iz’amashanyarazi.

Mu modoka z’amashanyarazi iki kigo kiri gukoresha, harimo BYD Yuan Up, Geely Starwish, Toyota BZ3X, Weltmeister EX5 n’izindi.

Izi ni zimwe mu modoka zitezweho kugabanya ikiguzi cy’ubwikorezi ku bashoferi, kongera umutekano n’umudendezo w’abagenzi, no gufasha u Rwanda kugera ku ntego zarwo z’ubwikorezi burambye.

YEGO CABS yazanye imodoka nshya ziganjemo izikoresha amashanyarazi

Imodoka za YEGO CABS zikoresha amashanyarazi zishobora kugenda ibilometero 400 zitarongera gushyirwamo amashanyarazi

YEGO CABS yatangiye no kugerageza serivisi zayo mu ntara

YEGO CABS yazanye imodoaka zitezweho gutanga serivisi zigezweho

Abashoferi bagaragaza ko uburyo bushya bw'imikorere bwa YEGO CABS bazabwungukiramo

Abashoferi bagaragaza ko imikorere mishya ya YEGO CABS bayitezeho inyungu nyinshi

Buri kwezi imodoka zishaje zigera kuri 80 zisimbuzwa inshya muri YEGO CABS

ce:T1449,

Igikombe cy’Isi cya 2026 kiri kubera muri Leta Zunze Ubumwe za Amerika, Mexique na Canada kigeze aho rukomeye, dore ko amakipe ya mbere yatangiye kubona itike ya ⅛.

Gorilla Games iri kwifatanya n’Abanyarwanda bakunda umupira w’amaguru, aho usibye kubafasha gutega bagatsindira amafaranga mu buryo butandukanye, hari n’inyongera zo gutombora ibihembo.

Umunyamahirwe utega ku mikino y’Igikombe cy’Isi akageza ku bihumbi 150 Frw kuri cyangwa 1.500.000 Frw muri Casino mu cyumweru kimwe anyuze kuri [www.playgorillagames->https://www.playgorillagames.com/en/], abasha kuba umunyamahirwe watsindira itike yo kujya muri Leta Zunze Ubumwe za Amerika kureba umukino wa nyuma uzabera kuri MetLife Stadium mu Mujyi wa New York.

Usibye uyu, hari abandi banyamahirwe bazatsindira moto z’amashanyarazi zo mu bwoko bwa Spiro, ndetse uwa mbere witwa Mushayija Victor yamaze kuyibikaho.

Mu kiganiro Mushayija yagiranye na IGIHE, yavuze ko ari inyungu akuye mu mupira w’amaguru, ndetse igiye kumufasha mu buzima busanzwe bwa buri munsi.

Ati “Igikombe cy’Isi ndagikurikirana cyane kandi imikino myinshi ndayireba. Mu rwego rwo kurushaho kwishima, nshyiraho amafaranga ku makipe nkunda. Uyu munsi rero bitanze undi musaruro ntari niteze, none ngiye gushaka umumotari nyiha ajye ayintwarira, ampe amafaranga.”

Gorilla Games iri gutanga telefone zigezweho, aho kuri ubu imaze gutanga enye, zahawe uwitwa Barimo Damascene, Gakindi, Charles Kubwayo na Harindimana Jean wo mu Karere ka Rubavu wavuze ko abonye impamvu ituma akomeza gutega kuri Gorilla Games nyuma y’umwaka umwe amaze abikora.

Kuva Igikombe cy’Isi cyatangira ku itariki ya 11 Kamena, hatanzwe televiziyo yo mu bwoko bwa Philips ingana na inch 55, hakaba hateganyijwe izindi zizatangwa ku bandi banyamahirwe batega buri munsi na Gorilla games.

Uretse ibihembo bitangwa buri cyumweru, Gorilla Games ishyira imbere serivisi zihuse zo kubitsa no kubikuza, uburyo bworoshye bwo gutega binyuze ku rubuga rwa www.playgorillagames.com ndetse no ku *878#.

Ibi bikomeje gutuma umubare w’abakiliya bayikoresha wiyongera muri iki gihe cy’Igikombe cy’Isi.

Buri munsi kandi haba hateganyijwe umukino wa ‘jackpot’, aho hategurwa imikino itatu yo mu Gikombe cy’Isi, uwavuze uko amakipe aza gutsindanwa, akaba yatsindira ibihumbi 300 Frw.

Abakina ‘Casino’ na bo babona uduhimbazamushyi buri munsi, two gutega ku mikino itandukanye harimo izwi nka ‘Aviator’, ‘Aviatrix’ na ‘Aviabet’.

Gorilla Games iri gukorana na CreedRoomz, kimwe mu bigo bikomeye bitanga imikino ya Casino, aho abakiliya bafite amahirwe yo gutsindira ibihembo birimo amafaranga agera kuri miliyoni 100 Frw, ndetse n’imyambaro yasinyweho n’icyamamare Ronaldinho.

Gorilla Games Rwanda igaragaza ko gutega ari mu rugro, ivuga ko aya mahirwe aboneka ku mikino irenga 60 ya CreedRoomz iboneka kuri Gorilla Games.

Abifuza gusobanuza cyangwa serivisi yo gukorerwa ipari, bashobora guhamagara kuri 0788198666, cyangwa imbuga nkoranyambaga zayo zirimo Instagram, Facebook, Whatsapp na X.

Umunyamakuru wa B&B Kigali FM, Hagenimana Benjamin yashyikirije Harindimana Jean Pierre, telefone igezweho

Harindimana Jean Pierre yatsindiye telefone muri Gorilla Games

Mushayija Victor yatsindiye moto muri Gorilla Games

Gorilla Games izatanga moto eshatu ku bazatega mu mikino y'Igikombe cy'Isi

Mushayija Victor yashyikirijwe moto ye nyuma yo gutega ku mikino y'Igikombe cy'Isi

Abanyamahirwe bashobora no kuzatsindira itike yo kujya kureba umukino wa nyuma muri Amerika

cf:T16a0,

Iyi nama yamaze iminsi itatu yabereye muri Lancaster University mu Bwongereza kuva ku wa 22 kugeza ku wa 24 Kamena 2026, ihuza abayobozi b’Inama z’Ubutegetsi za kaminuza, abayobozi bakuru ba za kaminuza (Vice-Chancellors), abayobozi bo mu nzego zitandukanye z’amashuri makuru, n’inzobere mu miyoborere y’amashuri makuru zo muri Afurika n’u Bwongereza.

Abayitabiriye baganiriye ku buryo kunoza imikoranire hagati y’Inama z’Ubutegetsi n’ubuyobozi bwa kaminuza byafasha ibigo by’amashuri makuru kurushaho gukora neza, kuramba no gutanga uburezi bufite ireme.

Inama yagaragaje ko za kaminuza zigera ku ntego zazo iyo Inama z’Ubutegetsi n’ubuyobozi bwazo bikorera hamwe bisangiye icyerekezo kimwe, byubakira ku kwizerana, gukorera mu mucyo no guharanira iterambere rirambye ry’ikigo.

Kuri Mount Kigali University, ibi bihuye n’icyerekezo cyayo cyo kuba kimwe mu bigo by’indashyikirwa mu burezi, ubushakashatsi, guhanga ibishya no gutanga uburezi buhindura abanyeshuri mu Rwanda no mu karere.

Gahunda y’inama yibanze ku ruhare rw’imiyoborere myiza mu kuzamura imikorere ya za kaminuza.

Hatanzwe ibiganiro byagarutse ku kubaka Inama z’Ubutegetsi n’amatsinda y’ubuyobozi bukora neza, gusobanura neza inshingano n’ububasha bwa buri rwego, no gushyiraho uburyo bw’imiyoborere bufasha gufata ibyemezo bifite ireme no gutuma ibigo birushaho gukomera.

Abatanze ibiganiro bo muri Lancaster University no muri za kaminuza zikomeye zo muri Afurika bashimangiye ko imiyoborere myiza ari inkingi y’uburezi bufite ireme, irinda indangagaciro z’ibigo, iteza imbere guhanga ibishya kandi ikanafasha ibigo kugera ku iterambere rirambye.

Kuri Mount Kigali University, aya masomo afite akamaro gakomeye mu gihe ikomeje guteza imbere porogaramu zayo z’amasomo, kongera ubushakashatsi no gushora imari mu ikoranabuhanga rigezweho rifasha abanyeshuri kwiga neza no kongera amahirwe yabo ku isoko ry’umurimo.

Ku munsi wa kabiri, ibiganiro byibanze ku buyobozi bushingiye ku ndangagaciro, kubazwa inshingano, kwagura ubufatanye mpuzamahanga no kongera ubushobozi bwa za kaminuza ku rwego mpuzamahanga.

Abitabiriye baganiriye ku buryo imiyoborere myiza, ubufatanye n’ibindi bigo ndetse n’imikoranire mpuzamahanga byafasha za kaminuza kubaka izina ryiza no kongera icyizere cy’abafatanyabikorwa.

Hanasuzumwe uruhare Inama z’Ubutegetsi zagira mu gushyigikira gahunda zo gukorana n’amahanga no gutuma za kaminuza zihangana ku rwego mpuzamahanga.

Ibi na byo bihuye n’ingamba Mount Kigali University ishyize imbere zo kwagura ubufatanye mpuzamahanga, gukomeza kunoza uburyo bwo kugenzura ubuziranenge bw’uburezi no kongera ubukangurambaga bwayo nk’ikigo gifite isano n’isi yose gitanga uburezi bwo ku rwego mpuzamahanga.

Umunsi wa nyuma w’inama wibanze ku buryo kaminuza zo muri Afurika zakubaka ejo hazaza harambye binyuze mu gushaka inkunga zo gukora ubushakashatsi, gucuruza ibisubizo bishingiye ku bushakashatsi n’udushya, gushimangira ubushobozi bwo kubona inkunga z’imishinga, gukusanya umutungo no kubaka uburyo burambye bwo kubona amafaranga.

Abitabiriye baganiriye ku ngamba zo kongera inkomoko z’amafaranga, guteza imbere ubufatanye n’inganda, kongera inkunga z’ubushakashatsi no kugabanya gushingira cyane ku mafaranga y’ishuri nk’isoko nyamukuru yo kwinjiza

Kuri Mount Kigali University, aya masomo azafasha kubaka kaminuza ifite ubushobozi bwo gukomeza gutera imbere, guteza imbere ihangwa ry’udushya no gutanga uburezi bufite ireme mu gihe kirekire.

Ibyavuye muri iyi nama bihura neza n’icyerekezo 2050 cy’u Rwanda, gishyira imbere uburezi bufite ireme, guhanga ibishya, guteza imbere abayobozi n’iterambere ry’umutungo kamere w’abantu nk’inkingi z’iterambere ry’igihugu.

Ubumenyi n’ubunararibonye abayobozi ba Mount Kigali University bakuye muri Lancaster University buzafasha iyi kaminuza gukomeza kunoza imiyoborere, kongera imikorere myiza, gufata ibyemezo birushijeho kugira ireme no guteza imbere umuco wo guharanira kuba indashyikirwa.

Ku ruhande rwa Mount Kigali University, kwitabira iyi nama ni ikimenyetso cy’ubushake bwayo bwo gukomeza kwiteza imbere, kwigira ku bunararibonye mpuzamahanga no kubaka ubuyobozi bufite icyerekezo.

Mu gihe Mount Kigali University ikomeje kwakira no gukoresha ikoranabuhanga rigezweho nka Artificial Intelligence (AI), Educational Robotics na Virtual Reality (VR) mu rwego rwo kunoza imyigishirize n’imyigire, imiyoborere myiza n’ubuyobozi bufite icyerekezo bizakomeza kuba inkingi z’ingenzi zizatuma ikomeza gutanga uburezi bufite ireme no gukura nk’ikigo.

Kaminuza ya Mount Kigali yitabiriye Inama Mpuzamahanga mu Bwongereza

Umuyobozi Mukuru wa Kaminuza ya Mount Kigali Dr. Martin Kimemia, Thomas Nganga na Dr. Innocent Mugisha ni bo bahagarariye Kaminuza mu nama mpuzamahanga yiga ku guteza imbere imiyoborere myiza