Ubu butumwa yabutanze kuri uyu wa Kabiri, tariki ya 14 Gashyantare 2023, Umunsi wahariwe Abakundana, St Valentin.

Miss Iradukunda Liliane abinyujije ku rukuta rwe rwa Instagram yananiwe guhisha ikimuri ku mutima ashimangira ko ari mu munyenga w’urukundo.

Yasangije abamukurikira ifoto ari kumwe n’umusore bakundana amwifuriza umunsi mwiza w’abakundana. Yagize ati “Umunsi mwiza wa St Valentin.”

Si ubwa mbere Miss Iradukunda Liliane agaragaje urwo akunda Imfura Kenny kuko mu minsi yashize yamwifurije isabukuru nziza y’amavuko, agaragaza ko ari we muntu yishimira kurenza abandi.

Si ibi gusa kuko Miss Iradukunda Liliane akunze gusangiza amashusho atandukanye abamukurikira kuri Tiktok agaragaza we n’umukunzi we bari kwishimira urukundo rwabo.

Miss Iradukunda Liliane yongeye gushimangira ko ari mu munyenga w’urukundo

Miss Iradukunda aherutse guhamya ko uyu ari we muntu umunyura kurusha abandi

Miss Iradukunda Liliane akunze gusangiza abamukurikira amafoto ari kumwe n'umukunzi we