Saa Sita mu Murenge wa Gitega mu Karere ka Nyarugenge, nibwo Irambona yasezeranye na Mugeni Olive bakunze kwita Olivia, umuhango wayobowe n’Umunyamabanga Nshingwabikorwa w’uyu Murenge, Mutuyimana Gabriel.

Nyuma yo kwibutswa no gusobanurirwa amategeko yerekeranye n’abagiye gusezeranywa, Irambona na Olivia barahiriye ko bagiye kubana ndetse baranabisinyira.

Irambona na Mugeni bamaze imyaka itatu bakundana, bazasezerana imbere y’Imana tariki ya 23 Werurwe mu itorero rya Church of God Kicukiro.

Uyu mukinnyi akinira Rayon Sports guhera mu 2013 ndetse akaba aheruka kongera amasezerano y’imyaka ibiri mu Ukwakira umwaka ushize.

Inkuru bifitanye isano: Umwihariko w’urwajyanye Irambona wa Rayon Sports ku Kacyiru gushaka Olivia bagiye kubana akaramata

Mugeni Olive yafashe ku ibendera rya Repubulika y'u Rwanda arahira ko agiye kubana na Irambona nk'uko amategeko y'u Rwanda abiteganya

Eric Irambona arahira ko agiye kubana na Mugeni Olive nk'uko amategeko abiteganya

Basinyiye imbere y'abashinzwe irangamimerere ko babaye umugore n'umugabo

Inshuti n'abavandimwe babashimiye ku ntambwe ikomeye bateye

Wari umunsi w'ibyishimo kuri bombi

Mu mpera za 2018 nibwo Irambona yateye ivi asaba Mugeni ko amubera umugore

Aba bombi bamaze imyaka itatu mu munyenga w'urukundo

Irambona yatwawe n'uburyo Mugeni ari umukobwa witonda kandi ukunda gusenga

Byabanje kugora Irambona kumvisha Mugeni ko bakwiye kuba inshuti

Amafoto: Muhizi Serge