Abantu benshi bitabiriye iyi gahunda batangira gushinga inganda zitandukanye kugira ngo bagire umusanzu batanga mu kuzamura ibikorerwa mu gihugu cyabo.

Uku ni ko bimeze no kuri NBG Ltd, Ikigo gikora ubucuruzi butandukanye, ubu cyatangiye gukora inzoga yo mu bwoko bwa Gin izwi ku izina rya ‘United Gin’.

NBG Ltd yari isanzwe ikora ubucuruzi bw’inzoga. Kuva mu 2018 yazikuraga mu bihugu byo hanze bakazicuruza mu Rwanda ariko nyuma yo kubona ko no mu gihugu ubucuruzi bwaho bwashoboka, abayitangije bahisemo gushinga uruganda.

Muri icyo gihe, iki kigo cyifuzaga kwagura ibikorwa byacyo byo gucuruza inzoga cyatangiye uruganda ruzajya rukora inzoga zitandukanye ariko ubu rwahereye kuri United Gin.

Mu kiganiro na IGIHE, Umuyobozi wa NBG Ltd, Urayeneza Anitha, yavuze ko mbere bakoraga ubucuruzi bwo gukura inzoga mu mahanga ariko nyuma bifuza kwagurira ibikorwa byabo mu Rwanda.

Ati “Igitekerezo cyo gukora United Gin kimaze imyaka itari mike kuko mu 2018 twakoraga ubucuruzi bw’inzoga tukazizana, tukazicuruza ku isoko ryo mu Rwanda nyuma tuza gutekereza kwagura ubucuruzi bwacu.”

Yakomeje ati “Dutekereza gucuruza inzoga ariko twazikoreye mu Rwanda ni bwo twatangiye gukora United Gin.”

Iyi nzoga yamaze kugera ku isoko ry’u Rwanda kandi yakirwa neza bitewe n’uburyohe ifite.

Urayeneza yemeza ko bajya kuyikora babanje gushishoza kugira ngo batange ikintu cyujuje ubuziranenge.

Ati “Tujya kuyishyira hanze twakoze ubushakashatsi bwimbitse kugira ngo izagere ku isoko ikoranywe ubuhanga, ifite isuku idasanzwe ndetse n’uburyohe n’ubuziranenge kandi koko yageze ku isoko ibyo byose ibyujuje.”

Kuba United Gin ikoranywe ubuhanga buhambaye kandi biterwa n’ikoranabuhanga ryo ku rwego rwo hejuru, imashini iyikora ikoresha riri ku ruhando mpuza mahanga.

–  Abayisogongeye bayivuga imyato

United Gin imaze igihe kitari kinini igeze ku isoko ry’u Rwanda. Ab’inkwakuzi bamaze kuyisogongera bemeza ko ifite uburyohe budasanzwe, byagera kuri cocktail bikaba akarusho.

Umukinnyi wa Filime, Shaffy yavuze ko yanyoye iyi nzoga akumva iraryoshye kandi yakuruwe n’uburyo itamuteye umunaniro.

Ati “Njye ndaguha urugero ku giti cyanjye hashize icyumweru nyimenye ndayigura, ndavuga ngo reka nyinywe numve. Narayinyoye kugeza saa Munani z’ijoro ndavuga ngo noneho baranyirukana.”

“Icyo gihe nabyutse saa Kumi n’Ebyiri njya mu kazi nta munaniro mfite ngakora neza.”

Ibi abihuje n’umunyamakuru wa B & B FM Umwezi, Hagenima Benjamin wamamaye nka Gicumbi, wavuze ko kuva yatangira kunywa iyi nzoga “yakuruwe n’uburyohe budasanzwe ifite kandi ko itananiza umubiri.”

United Gin ubu iri ku isoko ry’u Rwanda yamaze kugera hirya no hino mu gihugu, mu minsi ya vuba iraba yageze mu bihugu bya Afurika y’Uburengerazuba n’ahandi.

Imashini zikoreshwa ziri ku rwego mpuzamahanga

Isuku ni kimwe mu bintu byibandwaho mu gukora United Gin

Hari imodoka zigeza izi nzoga ku isoko

Miss Muyango Claudine yanyuzwe n'uburyohe bwa United Gin

Uburyo United Gin ipfunyitsemo bigaragaza ko yakozwe byatekerejweho

Umunyamakuru wa B & B FM Umwezi, Hagenima Benjamin wamamaye nka Gicumbi, yavuze ko kuva yatangira kunywa iyi nzoga yakuruwe n’uburyohe budasanzwe ifite

Umunyamakuru wa RBA, Umurerwa Evelyne, yasuye Uruganda rwa United Gin anyurwa n'ubuhanga inzoga rwenga ikoranwa

Umuyobozi wa NBG Ltd, Urayeneza Anitha, yavuze ko bakoraga ubucuruzi bwo gukura inzoga mu mahanga ariko nyuma baza kwifuza kwagurira ibikorwa byabo mu Rwanda

United Gin ikorerwa mu ruganda rwujuje ubuziranenge

Urayeneza ni umwe mu bagore ba ba rwiyemezamirimo batanga icyizere

Uru ruganda rwatangiye gukorera mu Rwanda ariko rurateganya no kujya mu bihugu by'ibituranyi

Iyi nzoga ikoranywe ubuhanga buhambaye

Imwe mu mashini zifashishwa mu gukora United Gin

Hari abakozi bazobereye mu nganda batunganya United Gin

Bamwe mu bakora muri uru tuganda bemeza ko byabahinduriye ubuzima

Nyuma yo gusogongera kuri United Gin, Ish Kevin yanyuzwe n'uburyohe bwayo

Muri uru ruganda barateganya no gukora ubundi bwoko bw'inzoga