Nyuma y’iyo nkuru abantu banyuranye ku Isi cyane abayobozi bakuru bagaragaje ko bababajwe n’urwo rupfu, ndetse bamwe mu baturage b’iki gihugu bananirwa kwihangana bafatwa n’ikiniga bararira kubera urwo rupfu rw’uwo bafataga nk’uwabagaruriye ubuzima.

Fidel Castro yasezeweho bwa nyuma ndetse ashyingurwa mu irimbi ryihariye riri mu Mujyi wa Santiago de Cuba ku Cyumweru tariki 4 Ukuboza 2016. Ariko mu nzira yacishijwemo ivu rye, hari abaturage benshi bari bitwaje amabendera y’icyo gihugu bamusezera ku buryo bamwe bananiwe kwihangana bararira biratinda.

Bamwe mu baturage buriye ibice by'amakamyo kugira ngo babashe kureba umurambo wa Castro unyuzwaho

Mu gihe bari bategereje ko umurambo ucishwaho, bamwe mu banyeshuri (bari mu gice cy'iburyo bw'ifoto) bari bibereye mu byabo

Mu gihe cy'urugendo, imodoka ya gisirikare yari itwaye umurambo yagize ikibazo abasirikare barinda kuyisunika

Ntibisanzwe kubona abasirikare barira mu ruhame kandi bari mu kazi, ariko kuri uwo munsi nabo amarangamutima yabarushije imbaraga bararira

Mu Mujyi wa La Esperanza hari imodoka yanditseho amagambo yagaragazaga ubutwari bwa Fidel Castro

Bamwe mu baturage bahisemo kwifotoreza ku ishusho ya Castro ngo bajye babyibuka

Abana b'abanyeshuri ku mihanda barangariye indege ya kajugujugu yanyuraga hejuru yabo

Abaturage bananiwe kwihangana bamwe baririra mu mihanda

Abiganjemo abantu bakuru bararize biratinda