Uyu mugabo waranzwe n’ibikorwa byo kwironda no gutoteza abataravugaga rumwe nawe, bivugwa ko yishwe na Walter Audisio wari umuyoboke w’ishyaka ry’aba-Communist nyuma yo gufatwa ashaka gutoroka ubwo yasaga n’utsinzwe intambara yari yarashoyemo igihugu cye, arwanira uruhande rw’aba Nazi mu Ntambara ya Kabiri y’Isi.

Nyuma yo kwicwa muri Mata 1945, umurambo wa Mussolini n’inshoreke ye, Claretta Petacci na bamwe mu bo mu ishyaka rye, yajyanywe mu Mujyi wa Milan aho bamanitswe ku karubanda bacuramye. Abaturage benshi barashungereye batangira kubatera amabuye n’ibindi bikorwa by’agashinyaguro byagaragazaga umujinya bari bafitiye Mussolini.

Nyuma gato umurambo wa Mussolini washyinguwe mu irimbi ry’ahitwa Musocco ariko uza kwibwa n’abayoboke b’ishyaka ry’aba-Fascist, Mussolini yabarizwagamo, gusa nyuma waje kongera kwisubizwa n’ubuyobozi ndetse buwuhisha imyaka igera kuri 11 mbere y’uko uhabwa umuryango we ushyingurwa mu rugo rwe ruherereye mu Mujyi wa Predappio.

Imirambo irimo uwa Mussolini (uwa kabiri ibumoso) n'inshoreke ye Tetacci (iruhande rwe i buryo) yamanitswe icuramye ku karubanda

Abaturage benshi bari bashungereye aho iyo mirambo yarimo inagana kuri station igurisha ibikomoka kuri Gaz

Umurambo wa Mussolini n'inshoreke yaryamishijwe hamwe ndetse inafatanye mu maboko