Abatuye muri uyu mujyi benshi bamaze igihe batava mu ngo zabo keretse abakora ingendo za ngombwa kubera amabwiriza yashyizweho mu kwirinda ikwirakwira rya Coronavirus.

Icyemezo cyo gusaba abantu kuguma mu ngo ni iturufu yanakoreshejwe mu bindi bihugu nk’u Bushinwa mu guhangana na COVID-19 mu gihe ibyabikerensheje byahuye n’akaga gakomeye bitewe no kwanduzanya hagati y’abaturage.

Mu Mujyi wa Kigali by’umwihariko, aya mabwiriza yarubahirijwe. Ku manywa na nijoro inzego z’umutekano zagenzuraga uko ashyirwa mu bikorwa.

Ibikorwa byinshi birimo iby’ubushabitsi butari muri serivisi za ngombwa byarafunzwe ndetse inyubako nyinshi zariho ingufuri muri urwo rugamba rwo guhangana n’ikwirakwira rya Coronavirus.

IGIHE yakusanyije amwe mu mafoto y’ingenzi yafatiwe mu duce two mu Mujyi wa Kigali rwagati, i Rebero, Remera, Kacyiru, Muhima, Nyabugogo na Nyamirambo agaragaza ishusho y’umurwa mu masaha y’ijoro.

Ni amafoto agaragaza ikirere cya Kigali mu masaha y’ijoro, gikeye ahanini bishingiye ku igabanuka ry’imyuka ihumanya ikirere, ryageze ku gipimo cya 35%.

Imyaka 113 irashize Umujyi wa Kigali ushinzwe n’Umudage Richard Kandt, ni imyaka 58 utangiye kwitwa Umurwa Mukuru w’u Rwanda, muri yo igera hafi kuri 45 Kigali yayimaze itarafata umurongo w’impinduka, umwaka wa 2001 ni wo watangiranye n’inkundura yo kuwuteza imbere ngo ube icyitegererezo ku isi.

Ni umujyi ufite amateka maremare kuko niwo wabaye igicumbi cy’Abakoloni b’Abadage, aba mbere bakolonije u Rwanda bagakurwa n’Ababiligi kugeza mu 1962 ubwo u Rwanda rwabonaga ubwigenge.

Kigali izi byinshi kuko ibyiza n’ibibi u Rwanda rwanyuzemo imigambi yabyo yacurirwaga cyangwa ikanogerezwa muri Kigali, mu murwa mukuru.

Mu Rwanda, kuva umurwayi wa mbere ahabonetse ku wa 14 Werurwe 2020, abamaze kwandura ni 259 mu gihe abasezerewe mu bitaro bagera ku 124.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kuguma mu rugo, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu masaha y'umugoroba Umujyi wa Kigali uba waka

Amatara ari ku mihanda itandukanye mu Mujyi wa Kigali mu bice bya Rebero

Kigali izwi ku isuku, umutekano n’ituze bituma umuntu agenda ijoro ryose nta kintu na kimwe kimutangiriye cyangwa kimurogoye

Ifoto igaragaza uduce dutandukanye two mu Mujyi wa Kigali witegeye ubwiza bw'imisozi yayo

Ikirere cya Kacyiru na Remera cyongeye gusubirana wa mwimerere wacyo bitewe n'igabanuka ry'imyuka ihumanya ikirere

Ifoto yafatiwe ku i Rebero mu masaha y'umugoroba

Iyo uri hejuru kuri CHIC uba witegeye umuhanda umanuka kuri Stastique n'uzamuka kuri MIC

Iyo uri kuri La Bonne Adresse uba witegeye Centenury House Pansion Plazza no kwa Makuza

Kigali mu masaha y'ijoro irara yaka nk'ibisanzwe

Ku marembo ya Stade ya Kigali i Nyamirambo mu masaha y'ijoro haba hiranga

Biteganyijwe ko Umujyi wa Kigali uzaba utuwe n’abaturage bagera kuri miliyoni enye mu 2050

Uhagaze ku i Rebero uba witegeye ku Ryanyuma i Nyamirambo

Imiturirwa ikomeje kuzamurwa muri Kigali

Umuhanda uzamuka ahari kubakwa inyubako nshya za RDB i Gikondo Rebero

Umuhanda werekeza i Nyamirambo kuri 40, mu minsi ya kuguma mu rugo nta bantu babarizwagamo

Umuhanda werekeza i Nyamirambo kuri Stade uvuye ku Ryanyuma no kuri 40

Umuhanda werekeza i Nyamirambo kuri Stade uvuye ku Ryanyuma

Abanya-Kigali bari bamaze iminsi igera kuri 43 batava mu ngo zabo

Abanyarwanda bakomeje kwirinda Coronavirus mu gihe cya Guma mu rugo

Ahahagarara imodoka kwa Rubangura mu Mujyi wa Kigali nta n'imwe yaharangwaga

Serivisi za banki zo zakomeje gutangwa. Aha ni ku cyicaro gikuru cya Banki ya Kigali kiri mu mujyo rwagati

Inyubako ikoreramo Ikigo cy'Imari, Axon Tunga, iherereye i Nyabugogo

Ahasanzwe haparika imodoka muri Gare ya Nyabugogo harera

Mu gace kahariwe abanyamaguru kazwi nka Car Free Zone haba hatuje

Ahazwi nko ku Iposita hakorerwa ubucuruzi butandukanye ubu nta rujya n'uruza rw'abantu ruharangwa

Amasangano y'umuhanda ku Gisimenti arara acaniwe amatara atanga urumuri rw'amabara rutanduknanye

Muri aka gace ku bazi mu Biryogo haba hari urujya n'uruza rw'abantu mu masaha menshi y'umunsi

Ifoto igaragaza feux rouges z'i Nyamirambo kuri Rafiki

I Nyamirambo ahazwi nko kuri 40 ni uko hameze mu masaha y'ijoro

Aha ni mu Biryogo ahazwi nko kwa Nyiranuma

I Remera ku Gisimenti nta bikorwa byinshi bifungura mu masaha akuze

Inyubako y'ubucuruzi ya CHIC iri mu zigezweho zikorerwamo ubushabitsi bw'ingeri zitandukanye kuva ku bacuruzi bakuru baranguza kugera ku bato bagurisha bisanzwe

Ifoto igaragaza inyubako ya KBC n'iya Kigali Heights mu masaha y'ijoro

La Tropicale Plaza iri imbere ya T2000 iri muri hoteli nshya zubatswe muri Kigali

Urujya n'uruza mu mihanda rwaragabanutse. Aha ni ku kiraro cyo hejuru y'umuhanda ku Kinamba

Imbere y'isoko rya Nyabugogo nta muntu uhacaracara mu masaha y'ijoro

Imodoka z'abacuruzi b'ibiribwa n'ibikoresho by'isuku zakomeje gukora nk'ibisanzwe mu bwikorezi bw'ibyo bicuruzwa

Ingendo z'imodoka rusange n'iz'abantu ku giti cyabo zarahagaritswe mu rwego rwo kwirinda ikwirakwira rya Coronavirus

Inyubako y'ubucuruzi ya KBC ku Kacyiru irara yaka

Inyubako ya Centenary House iracyatangirwamo serivisi zitandukanye muri Simba Supermarket

Inyubako ya Kigali Heights ni uko igaragara mu ijoro

Inyubako ya MIC uyirebeye hejuru

Inyubako ya UTC nayo hari serivisi zimwe na zimwe zakomeje gutangwa

Inyubako yo kwa Rubangura

Isoko rya Nyarugenge ryo ryakomeje gukora by'umwihariko mu bucuruzi bw'ibiribwa

Kigali City Tower igizwe n'amagorofa 17 ni yo nyubako ndende mu Rwanda

Kuri 40 i Nyamirambo

Mu marembo ya Kigali Arena i Remera nta muntu n'umwe uhagendagenda

Kigali Arena ni inzu y’imikino n’imyidagaduro ifite ubushobozi bwo kwakira abantu ibihumbi 10 bicaye neza

Ifoto y'ubuhanga igaragaza igice cy'ukwezi kimurikiye Isi

Mu Biryogo i Nyamirambo, amaduka yiganjemo ay'inkweto n'imyenda yashyizweho ingufuri

Mu gihe cya Guma mu rugo biragoye kubona imodoka mu muhanda

Mu masaha y'ijoro hari igihe ukwezi kuboneka kukamurikira Isi

Muri gare yo mu Mujyi nta nyoni ihatamba mu gihe cya Guma mu Rugo

Ubucuruzi bwiganjemo ubw'ibiribwa ntabwo bwahagaze

Uhagaze kuri CHIC uba witegeye inyubako ziri mu Mujyi rwagati nka KCT

Umuhanda ugana kwa Ndamage uvuye ku isoko rya Nyarugenge. Imbere yo kuri Sulfo ibinyabiziga bihaparika byagabanutse biboneka

Umuhanda uva kwa Lando ugana mu Giporoso

Ubusitani bwo mu muhanda uva mu Mujyi ujya ku Muhima bwamaze gushisha

Umuhanda wa Nyabugogo werekeza ku Muhima ubereye ijisho kuwureba

Uva ku Muhima werekeza mu Mujyi hubatswe umuhanda ugezweho

Ahazwi nko ku Iposita ni uko hameze

Amafoto: Niyonzima Moïse