Muri iyi nama Perezida Kagame yagejeje ijambo ku bayitabiriye ari kumwe na Perezida, Emmerson Mnangagwa wa Zimbabwe, Perezida Hakainde Hichilema wa Zambia, Perezida Lazarus Chakwera wa Malawi n’Umwami Mswati III wa Eswatini.

Perezida Kagame yavuze ko umuyoboro mugari wa interineti wakwirakwijwe hirya no hino mu buryo bwihuse, ariko 60% by’Abanyafurika bashobora kugera kuri uwo muyoboro mugari wa interineti batawukoresha kubera ko batawufiteho amakuru ahagije.

Ati "Buri wese akwiye kugera ku muyoboro mugari wa interineti uhendutse, kandi akaba afite igikoresho cy’ikoranabuhanga. Uyu muyoboro mugari wa interineti wakwirakwijwe hirya no hino mu buryo bwihuse, ariko abarenga 60% bagera kuri uwo muyoboro ntabwo bawukoresha. Tugomba gukomeza kugabanya icyo cyuho."

"Igice cya kabiri kirimo ihurizo rinini, ni ubumenyi ku ikoranabuhanga. Imwe mu mpamvu ituma abanyafurika badakoresha interineti uko bikwiye ni uko batarisanzura kuri iryo koranabuhanga cyangwa se iri koranabuhanga rikaba riri mu rurimi batumva. Tugomba gukoresha ikoranabuhanga ry’abantu ku giti cyabo n’abari mu bucuruzi mu buryo bwambukiranya imipaka hakoreshwa iryo koranabuhanga mu rwego rwo kugabanya inzitizi mu bucuruzi. Ibi byose twabigeraho kuko biri mu bushobozi bwacu."

Iyi nama yitabiriwe n’abaminisitiri bagera kuri 40, abakuriye imiryango mpuzamahanga, abadipolomate, abayobozi b’ibigo n’inganda bitandukanye n’abandi baturutse mu bihugu birenga 70.

Ingabo za Zimbabwe zari zakereye kwakira Perezida Kagame

Ingabo za Zimbabwe zakoze akarasisi zakira Perezida Kagame

Perezida Kagame yakiranywe urugwiro

Ubwo Perezida Kagame yageraga ku Kibuga cy'indege muri Zimbabwe

Perezida Kagame yakiriwe muri Zimbabwe n'abayobozi batandukanye

Perezida Kagame ubwo yitabiraga ibikorwa bya Transform Africa

Abakuru b'ibihugu bahagurutse mu mirimo yo gufungura Transform Africa Summit 2023

Umwami Mswati III ageza ijambo ku bitabiriye Transform Africa muri Victoria Falls

Perezida Kagame yashimangiye ko ikoranabuhanga rikwiye kurushaho kubyazwa umusaruro

Perezida Lazarus Chakwera wa Malawi, Umwami Mswati III wa Eswatini, Perezida Kagame na Perezida Hakainde Hichilema wa Zambia, nyuma yo gufungura Transform Africa Summit 2023

Perezida wa Zambia Hakainde Hichilema, Umwami Mswati III, Perezida Kagame na Perezida wa Malawi Lazarus Chakwera, basuye ibikorwa byaherekeje Transform Africa Summit

Ibikorwa by'ikoranabuhanga byamurikiwe muri iyi nama

Abayobozi bafashe ifoto y'urwibutso nyuma yo gusura imurikagurisha

Perezida Kagame yagiranye ibiganiro n'abayobozi batandukanye

Perezida Kagame hamwe na Doreen Bogdan-Martin uyobora ITU

Perezida Emerson Mnangagwa wa Zimbabwe ni we wakiriye iyi nama

Amafoto: Village Urugwiro