Inama y’Abaminisitiri yateranye ku wa Gatatu yemeje ko amasaha y’ingendo avanwa hagati ya saa Tatu z’ijoro kugeza saa Kumi n’imwe za mu gitondo, ashyirwa saa Moya z’ijoro kugeza saa Kumi n’imwe za mu gitondo.

Minisitiri w’Ubuzima, Dr Ngamije Daniel, yabwiye itangazamakuru ko ubwandu bukomeje gukwirakwira cyane, ku buryo byari bikenewe ko hagabanywa uburyo butuma abantu bagira umwanya wo guhura batari mu kazi.

Ati "Ubu rero niba dusaba ko abantu saa Moya baba bageze iwabo, ni ukugira ngo bave mu kazi bahitira mu rugo. Ndetse ingamba zari no gukara kurushaho, ariko habaho gushyira mu gaciro – niko umuntu yabivuga, azirikana n’ibindi byose - ariko mu by’ukuri icyari kuba gikwiriye kurushaho, kwari ukubuza abantu guhura ari benshi, cyane mu gihe bataratwereka ko bafashe icyemezo cyo guhindura imyitwarire no kubahiriza amabwiriza yose yo kwirinda COVID-19.”

IGIHE yageze mu duce dutandukanye tw’Umujyi wa Kigali kuri uyu wa Kane, ubwo abantu bamwe basiganwaga n’amasaha bataha ngo hato saa Moya itabasanga mu nzira.

Mu masaha ayisatira imodoka zari urujya n’uruza mu mihanda abantu bataha, ku buryo henshi zageze bari mu rugo, nubwo hatabuze abo zasanze mu nzira.

Uku niko byari byifashe mu mafoto

Remera - Giporoso

I Remera imodoka zari nyinshi ahagana saa Kumi n'ebyiri z'umugoroba

Kuzenguruka rond-point ya Kisimenti byasabaga kwitonda

Kicukiro - Sonatubes

Ahazwi nka Sonatubes, mu masaha yo gutaha abagenzi bari benshi

Gutahira rimwe hari aho byatezaga umubyigano w'ibinyabiziga

Kuri rond-point ya Sonatubes mbere y'uko buhumana

Abatinze gufata inzira ibacyura iwabo ntiborohewe n'urugendo

Umubyigano w'ibinyabiziga wari wose Sonatubes

Gishushu

Mu muhanda uva i Remera, mbere yo kugera ku Gishushu, imodoka zari nyinshi

Uwabonaga imodoka ishobora kumukereza yitabazaga moto

Gisozi - Kinamba

Ku Kinamba abantu basiganwaga n'amasaha

Abamotari bakoreye ifaranga rishyushye

Abantu batahaga biruka basiganwa n'amasaha

I Remera Kwa Lando

Ku Kisimenti mbere ya saa Moya, gahunda yari ukwihutira kuva mu muhanda

Mu Mujyi

Hari abo amasaha yasatiriye bakiri muri gare, kandi nta modoka babona ngo ibatware

Bahise bikubura bataha n'amaguru

Hari abagenze ibilometero byinshi n'amaguru ngo bagere imuhira

Saa moya imihanda imwe yari ikubuye

Imbere ya T2000 mu Mujyi rwagati abagenzi bari bake cyane hafi ya saa Moya

Ugana Quartier Mattheus wabonaga nta n'inyoni itamba

Nyuma ya saa Moya muri gare yo mu Mujyi wa Kigali rwagati nta muntu wari uhasigaye

Abagenzi batangiye kwikubura bava mu mujyi hakiri kare

Muhima

Hagati yo ku Muhima no ku Kinamba, ibinyabiziga byanyuranyuranagamo

Umanuka uva mu Mujyi, imodoka zari nyinshi ku Muhima

Nyabugogo

I Nyabugogo batashye kare, nyuma ya saa Moya umuhanda weraga

Nyamirambo

I Nyamirambo mbere ya COVID-19 ntibaryamaga, ariko ubu gahunda ni ugutaha kare

I Nyamirambo ahazi nko kwa Nyiranuma hafi yo kuri 40 nta nyoni yahatambaga

Amafoto: Niyonzima Moïse