Ni igikorwa cyabaye ku wa 9 Gicurasi 2026, kibera muri Radisson Hotel i Niamey. Cyitabiriwe n’abantu bagera ku 140 barimo Abanyarwanda, abahagarariye ibihugu byabo muri Niger, abagize Guverinoma, abahagarariye amashami ya Loni n’imiryango mpuzamahanga muri Niger, sosiyete sivile n’inshuti z’u Rwanda.

Guverinoma ya Niger yari ihagarariwe n’Umunyamabanga Mukuru muri Minisiteri y’Ububanyi n’Amahanga n’Ubutwererane, Souleymane Issakou.

Souleymane Issakou yashimiye umuryango w’Abanyarwanda muri icyo gihugu watanze ubutumire mu kwifatanya igikorwa cyo kwibuka Jenoside yakorewe Abatutsi.

Yagaragaje ko yifatanyije n’Abanyarwanda mu bihe barimo byo kwibuka ku nshuro ya 32 Jenoside yakorewe Abatutsi anashima umubano w’ibihugu byombi ukomeje gushinga imizi.

Souleymane kandi yashimye uruhare rw’Inkiko Gacaca mu kurangiza imanza za Jenoside yakorewe Abatutsi mu nzira y’ubumwe n’ubwiyunge n’iterambere igihugu cyagezeho.

Yanashimye kandi ubudaheranwa bw’Abanyarwanda, yemeza ko abandi banyafurika bakwiye kubwigiraho.

Uwahagarariye Umuyobozi w’Amashami y’Umuryango w’Abibumbye akaba n’Umuyobozi wa FAO, AI Hassan Cissé, yatanze ubutumwa bwa Loni muri ibi bihe byo kwibuka ku nshuro ya 32 Jenoside yakorewe Abatutsi.

Uwera Denise yatanze ubuhamya bw’uko ibimenyetso bya Jenoside yakorewe Abatutsi mu 1994 byagaragaraga, mbere yayo ku buryo iyo amahanga aza kugira icyo akora, itari kuba.

Abanyarwanda baba muri Niger bibutse Jenoside yakorewe Abatutsi

Abanyarwanda bo muri Niger bagaragarije Isi uko Jenoside yakorewe Abatutsi yabaye amahanga arebera

Abanyarwanda baba muri Niger bongeye kuzirikana ubukana Jenoside yakoranywe, baha icyubahiro abishwe bazira uko bavutse

Hacanwe urumuri rw'icyizere

Igikorwa cyo Kwibuka cyitabiriwe n'abarenga 140

Abantu batandukanye bitabiri igikorwa cyo kwibuka ku nshuro ya 31 Jenoside yakorewe Abatutsi