Inama ya mbere igirwa abantu mu gukumira no kurwanya ikwirakwira rya COVID-19 ni ukwirinda gukoranaho cyangwa guhana ibiganza mu buryo ubwo ari bwo bwose, gukaraba intoki inshuro nyinshi hakoreshejwe amazi meza n’isabune no guhagarika ingendo zitari ngombwa.

Mu gihe abantu bakangurirwa kuguma mu ngo, abo bidashoboka ko bahagarika imirimo bakwiye kwiyitaho no kwirinda birushijeho.

Akenshi usanga hari ibikoresho byifashishwa na benshi buri munsi bishobora no gushyira ubuzima bwabo mu kaga bakaba bakwandura cyane no batoroherwa no kumenya niba uwabikoresheje mbere atarandura.

Nta gushidikanya ko imibare y’abamaze gufatwa cyangwa kwicwa na Coronavirus hirya no hino ku Isi, irimo n’abanduriye mu bikoresho benshi batatekerezaga ko biri ku rutonde rw’ibishobora gukwirakwiza iki cyorezo.

Abahanga bavuga ko virus itera COVID-19 ishobora kumara amasaha cyangwa iminsi itarapfa mu gihe iri ku kintu gikomeye cyangwa cyoroshye; igihe kigahinduka bitewe n’ubuso, ubushyuhe cyangwa ubuhehere bw’icyo kintu.

Niba utekereza ko igikoresho runaka gishobora kuba cyaranduye, gisukure ukoresheje umuti wica udukoko cyangwa amazi n’isabune; usukure kandi intoki zawe na bwo ukoresheje isabune n’amazi cyangwa umuti wica udukoko kandi wirinde gukora ku maso, ku munwa cyangwa ku mazuru.

Twese dufatanyije twahashya ikwirakwira rya Coronavirus. Tugume mu rugo!

Urufunguzo rumwe rwonyine rushobora kwanduza abantu benshi cyane icyorezo cya COVID-19 mu gihe hari uwayanduye warukoresheje

Kuvoma amazi kuri Water-Dispenser uhuriraho n'abandi bishobora kugutereka mu nzira yo kwandura COVID-19

Ibikoresho nka 'Thermos' utakekaga, byakwirakwiza COVID-19 kuko buri wese aba ashobora kuyikoraho kandi yaranduye

Gutizanya utwumvisho 'Ecouteurs' biri mu byakwirakwiza COVID-19

Gutizanya indahuzo 'Chargeur' byakwanduza COVID-19

Gutizanya amakaramu hagati yawe n'abandi ni ibyo kwirinda kubera ko na byo bikwirakwiza COVID-19

Buri wese agirwa inama yo kudahana ibiganza na mugenzi we mu rwego rwo gukumira ikwirakwira rya COVID-19

Gukora kuri laptop undi muntu yakoresheje na byo ni inzira ikwirakwiza COVID-19

COVID-19 ishobora no gukwirakwizwa no gukora ku bikoresho byo mu bwiherero

Gucana amatara byiyongera ku rutonde rw'ibikwirakwiza COVID-19

Gufungura cyangwa gufunga ingufuri no gukora ku mfunguzo biri mu byakwirakwiza COVID-19

Gufungura umuryango byakwanduza COVID-19 kuko ntuwukoraho wenyine

Gutizanya Power-Bank na byo ni inzira ikugeza kuri COVID-19 utakekaga

Gusuhuzanya benshi bita gutanga Chance biri mu bikwirakwiza COVID-19

Gukoresha bimwe mu bikoresho bya mudasobwa bishobora gukwirakwiza COVID-19

Gukoresha remote imwe muri benshi ni inzira ishobora gukwirakwiza Coronavirus

Gukora kuri laptop undi muntu yakoresheje na byo bishobora gushyira ubuzima bw'umuntu mu kaga

Gukora ku bitabo undi muntu yakozeho bigushyira mu byago byo kwandura COVID-19

Gukora ku bikombe abandi bashobora gukoraho ni inzira idashidikanywaho mu gukwirakwiza COVID-19

Guhererekanya ibikoresho birimo ibitabo byongera ibyago byo kwandura COVID-19

Guhana ibiganza ni ishyano buri wese akwiye kwirinda kuko utamenya uwanduye cyangwa utaranduye COVID-19

Guhanahana amafaranga cyangwa ibindi bikoresho nka telefoni bishobora kugushyira mu kaga bikakwanduza Coronavirus

Amafoto: Niyonzima Moïse