Uyu muyobozi aherutse kwisegura nyuma y’uko bimenyekanye ko yagiriye icyizere Chris Pincher akinjira mu bashinzwe imyitwarire mu ishyaka rye, nyamara uyu mugabo aregwa kuba yaragize imyitwarire idahwitse mu 2019 ndetse akaba yarakubise abagabo babiri.

Pincher yaje kwirukanwa mu Ishyaka ry’Aba-Conservatives ndetse anahagarikwa mu Nteko Ishinga Amategeko, binatuma Boris Johnson asaba imbabazi ku kuba yaramuhaye akazi abizi neza ko afite imyitwarire idakwiriye.

Icyakora ibi ntabwo byari bihagije kugira ngo byemeze Valid na Sunak ko imyitwarire ya Boris Johnson ikwiriye.

Aba bagabo bombi basangiye ishyaka n’uyu muyobozi, bateye hejuru bavuga ko ibyo yakoze ari amarorerwa aharabika izina rye, iry’abo bakorana, iry’abagize ishyaka rye ndetse na Leta muri rusange.

Minisitiri w’Ubuzima mu Bwongereza, Sajid Valid na Minisitiri w’Imari, Richi Sunak, beguye mu nshingano zabo muri Leta ya Boris Johnson