OMS ivuga ko kugeza ubu abamaze kwandura ku Isi ari 7 201 136 mu gihe abamaze gupfa ari 408 782.

Abishwe na coronavirus muri Leta Zunze Ubumwe za Amerika kuri uyu wa Mbere ni 586, mu abanduye ari 19 044 .

Brésil nicyo gihugu cyugarijwe cyane ku Isi, kuri uyu wa Mbere abapfuye ni 813 mu gihe abanduye ari 18 925.

Abamaze kwandura muri Leta Zunze Ubumwe za Amerika bageze kuri 2 026 597, naho abamaze gupfa ni 113 061.

Leta Zunze Ubumwe za Amerika kandi nizo zikomeje kuza imbere mu kugira umubare w’abanduye n’abamaze gupfa benshi, Brésil niyo iza ku mwanya wa Kabiri aho ifite abanduye 710 887 naho abamaze gupfa ni 38 125, u Burusiya buza ku mwanya wa Gatatu kuko bufite abanduye 476 658, hamaze gupfa 5 971, muri Espagne handuye 288 797 hamaze gupfa 27 136, naho mu Bwongereza handuye 287 399, hamaze gupfa 40 597.

Ku mugabane wa Afurika hamaze kugaragara abantu 198 990 banduye Coronavirus, abamaze gupfa ni 5 390 naho abakize ni 88 212.

Afurika y’Epfo iri imbere mu kugira abafite ubwandu benshi kuko ari 50 879, abamaze gupfa ni 1 080, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 271 naho abamaze kwandura ni 35 444.

Muri Afurika y’Iburasirazuba, Kenya ni cyo gihugu cyugarijwe cyane kuko hamaze kwandura abantu 2 862, hapfuye 85.

U Rwanda rufite abanduye 451, hamaze gupfa abantu babiri ariko hamaze gukira abandi 297, muri Uganda hari abanduye 646, Tanzania ifite abanduye 509 hamaze gupfa 21, mu Burundi handuye abantu 83 hapfa umwe naho muri Sudani y’Epfo hamaze kwandura abantu 1 604, hamaze gupfa 19.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 4 106 barimo 88 bamaze gupfa.