Kuri iki Cyumweru ho hari habonetse ubwandu bushya 183 020.

OMS ivuga ko nubwo iki cyorezo gikomeje kwiyongera ku Isi, ibihugu bitandukanye byo bikomeje gukuraho gahunda zo kwirinda.

OMS itanga urugero nko muri Leta Zunze Ubumwe za Amerika aho leta zigera kuri 29 usanga iki cyorezo gikomeje kwiyongera, mu gihe kubahiriza gahunda zo kwirinda byavanweho.

Kugeza ubu abamaze kwandura ku Isi ni 9 193 194 abamaze gupfa ni 474 467 naho abamaze gukira ni 4 940 300.

Mu gihugu cya Brésil umubare w’abantu bamaze guhitanwa na Coronavirus bageze ku 51 407, mu gihe abamaze kwandura muri rusange ari 1 111 348.

Leta Zunze Ubumwe za Amerika nizo ziri imbere mu kugira ubwandu bwinshi bwa Coronavirus kuko bangana na 2 388 225 barimo 122 611 bapfuye, Brésil ni iya kabiri, ku mwanya wa gatatu hari u Burusiya bufite abanduye 592 280 barimo 8 206 bapfuye.

Muri Afurika, abamaze kwandura Coronavirus ni 318 321 naho 8 371 bamaze gupfa.

Afurika y’Epfo ni iya mbere mu kugira abanduye benshi kuko ari 101 590 barimo 1 991 bapfuye, Misiri hamaze kwandura abantu 56 809 barimo 2 278 bapfuye.

Muri Afurika y’Iburasirazuba, Kenya ifite abantu 4 797 banduye barimo 125 bapfuye, Uganda abantu 774 nibo bamaze kwandura, u Rwanda rufite abanduye 787 harimo babiri bapfuye, Tanzania handuye 509 barimo 21 bapfuye gusa iki gihugu ntigiheruka gutangaza imibare, mu Burundi handuye 144 hamaze gupfa umwe naho muri Sudani y’Epfo handuye 1 916 hamaze gupfa 35.

Mu bihugu bituranye n’u Rwanda, Repubulika Iharanira Demokarasi ya Congo ubu niyo yibasiwe cyane, abamaze kwandira ni 5 924 naho abamaze gupfa ni 135.

Abandura coronavirus bakomeje kwiyongera umunsi ku wundi