COVID-19 ku wa 1 Kamena: Mu minsi ibiri gusa Isi yabonye abanduye bashya ibihumbi 232

Yanditswe na Habimana James
Kuya 1 Kamena 2020 saa 07:19
Yasuwe :
0 0

Ishami ry’Umuryango w’Abibumbye ryita ku Buzima, OMS, ryatangaje ko ku wa Gatandu no ku Cyumweru, abanduye coronavirus ku Isi biyongereye cyane kuko handuye abantu bashya 232 741.

OMS yatangaje ko kugeza ubu abamaze kwandura ku Isi bageze kuri 6 267 407 barimo 373 961 bamaze gupfa, mu gihe 2 847 539 bamaze gukira.

Kuri iki Cyumweru, abapfuye muri Leta Zunze Ubumwe za Amerika ni 638 mu gihe abandi 20 350 banduye coronavirus.

Ibi byatumye abamaze gupfa muri iki gihugu baba 106 195 mu gihe abandi 1 837 170 bamaze kwandura.

Brésil iri mu bihugu byugarijwe cyane ku Isi kuko kuri iki Cyumweru yapfushije abantu 480 abandi barenga ibihumbi 16 barandura.

Leta Zunze Ubumwe za Amerika kandi nizo zikomeje kugira abanduye benshi inaza imbere mu kugira abamaze gupfa benshi ku Isi. Brésil iri ku mwanya wa kabiri mu banduye kuko ari 514 992, mu gihe hamaze gupfa 29 341.

U Burusiya buza ku mwanya wa Gatatu kuko bufite abanduye 405 843, hamaze gupfa 4 693, muri Espagne handuye 286 509 hamaze gupfa 27 127, naho mu Bwongereza handuye 274 762, hamaze gupfa 38 489.

Ku mugabane wa Afurika wose hamaze kugaragara abantu 148 964 banduye Coronavirus, abamaze gupfa ni 4 245 naho abakize ni 63 569.

Afurika y’Epfo iri imbere mu kugira abafite ubwandu benshi kuko ari 32 683, abamaze gupfa ni 683, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 959 naho abamaze kwandura ni 24 985.

Muri Afurika y’Iburasirazuba, Kenya nicyo gihugu cyugarijwe cyane kuko hamaze kwandura abantu 1 962, hapfuye 64.

U Rwanda rufite abanduye 370, hamaze gupfa umuntu umwe ariko hamaze gukira abandi 256, muri Uganda ubu hari abanduye 417, Tanzania ifite abanduye 509 hamaze gupfa 21, mu Burundi handuye abantu 63 hapfa umwe naho muri Sudani y’Epfo hamaze kwandura abantu 994 hamaze gupfa 10.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 3 070 barimo 72 bamaze gupfa.

Abandura Coronavirus ku Isi bakomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .