Mu rwego rwo kwegereza abaturarwanda serivisi zubuvuzi, Ministeri y’Ubuzima n’ umushinga wa Child and Family Wellness (CFW) hashyizweho za poste de Santé mu turere dutandukanye, izi poste de Sante zikorana na Minisiteri y’ubuzima ku bufatanye bw’ inzego za Leta n’ abikorera.

Hari post de sante zimaze gushyirwaho, mu turere twa Gatsibo, Kayonza, Gasabo na Nyagatare

Kubera ko izi poste de Sante zatangiye gutanga serivisi z’ubuvuzi ku baturage, Minisiteri y’Ubuzima yatangiye kwiga uburyo hashyirwaho igiciro (Tariff) abakoresha Mutuweli de Santé bazajya bishyura mu gihe bivuje kuri izo poste de Santé. Minisiteri y’Ubuzima ivuga ko ibi ari ingenzi kugira ngo izi poste de Santé zishobore kugira amasezerano na mutuweli. Ibi bikazaba birangiye gukorwa mugihe cyavuba.

Mu gihe iki gikorwa kiri kunozwa, Minisiteri isaba abaturarwanda ko bakomeza kwivuriza mu bigo nderabuzima (Centre de Santé) kuko arizo zemera ubwishingizi bwa Mutuweli de Santé.

Ifoto yo hejuru ni post de sante mu karere ka Gatsibo/ internet