Polisi yagize uruhare mu bikorwa byo guhiga no gufata ingona zari zimaze igihe zica abaturage bajya gushaka amazi muri Nyabarongo, kugeza ubu imwe ikaba yishwe, mu rwego rwo kubungabunga umutekano w’abaturage.

Abaturage batakaje ubuzima barimo abo mu Murenge wa Mageragere mu Karere ka Nyarugenge ndetse n’abo mu Karere ka Kamonyi mu Murenge wa Rugarika.

Kugeza ubu ibikorwa byo gukemura ikibazo cy’ibura ry’amazi ari na yo ntandaro yo kuba ingona zica abaturage bajya kuvoma aya Nyabarongo birimo gushyirwamo ingufu nk’uko Guverineri w’Intara y’Amajyepfo aherutse kubitangaza ubwo yasuraga Akarere ka Kamonyi mu minsi ishize ari kumwe n’ubuyobozi bwa WASAC muri aka karere.

Iyi ngona yafashwe n'umutego irapfa

Hagaragaye amajyi ingona zateye nk'uburyo bwo kororoka kwazo